ارشيف الاستراحة 2011

[sherif fersh]

WOW .... !!!!

حرام عليكم خربتوا البلد وحماس واقفالنا على الحدود و حزب الله جاي من على السواحل.

...- بيريز: عشت فى هذا الوطن و حاربت من أجله فى 1948 و 1956 و1967وأسعد لحظاتى عندما حلقت فوق سيناء فى 1967.

- بن اليعازر: يتم توزيع وجبات الشبراوي فى الميدان و المتظاهرون بيقبضوا كل نفر ورقة بـ200 جنيه.

- الملحن و المطرب الاسرائيلى עמר מוסטאפה : شاهدت مواطن تونسي يسير فى أحد شوارع تل أبيب و راقبته و مشيت وراه وقدمته للشرطة.

- ألش | إسرائيل | أنباء عن إعتقال أدمن كلنا جلعاد شاليط..وإتهامات لحركة 6 أيلول بالخيانة والعمالة لجهات عربية.

- الكابتن ابراهام كوهين مدرب الزخالش: يجب قطع النور ومنع المياه و الطعام والدواء عن المعتصمين عشان نعمل عليهم كماشة.

- سماح أنورنيون : احرقو من فى ميدان اشتخابتشون و اضربوهم بالنووي.

- الممثل الاسرائيلي طلعاتون زكرينون: رأيت بعيني حالات تحرش ومخدرات في الميدان والثوار يقررون مقاطعة فيلمة الجديد "العميل في المنديل".

- الفنانة الاسرائيلية غادة ليشع: عيب عليكم اللى بتعملوه فى نتنياهو ده أبونا كلنا.

- الفنان الإسرائيلى حسن جوزيف : أنا ابنى قاعد فى البيت و بنتي قاعدة بتذاكر وبقول للعيال اللى فى الוסטאפ روحوا بيوتكم بقى.

- أحد المواطنين الإسرائيليين و يدعى تامر من أبو حصيرة متصلا بالقناه الأولى الاسرائيلية: انا مستعد آجى اقابلكم دلوقتى و احكيلكم على المهازل اللى شوفتها.

- أنباء عن هروب رجل الأعمال هشين شاليم على طائرته الخاصة المحملة بأطنان من المليارات.
-أنباء عن هروب نيتانياهو إلى جدة.
- الموساد الإسرائيلى يلقى القبض على الجاسوس المصري بعد نشر صوره على الفيسبوك.
- قولوا لخالتى متزعليش وحياتى عندك ما تتفقعيش ، قولوا لها معلش يا خالتى ، احرق عيال والمستوطنة تعيش.
- بيقولك المظاهرات دى سببها مصر ..مهو صحيح لما قطعنا عنهم الغاز أسعار المعيشة غليت مهو أصل إحنا المفروض نصرف عليهم.
- يعنى إيه "كوكاكولا زيرو" يعنى أدمن إحنا آسفين يا ريس يدعو لثورة أبناء مبارك يقوم ينزل 200 ألف في شوارع اسرائيل.
- حزب الكنب الاسرائيلي: المستوطنين والشاباك أيد واحدة.
-الشعارات الآن فى إسرائيل : على جهنم رايحين صهاينة بالملايين
- حاخام اسرائيلي : ...يعني إيه ليبرالية ؟ يعني أبوك يقلع الطاقية..و أمك تصاحب فلسطيني.
- الشعب قال للتلمود نعم.
- الحاخام أبو إسخاء : التظاهر محرم بنص التوراة وبدعة عربية منهي عن اتباعها
- القناة الأولى الإسرائيلية تبث مشهد هادئ لمحطة طبريا.
- بعد مظاهرات اسرائيل..أبناء مبارك ينضمون إلى أبناء نتنياهو ويشكلون حزبا موحدا باسم "أبناء مبارك النتن".
- اتصال تامرنياهو من غمركياريا : اللي موجودين في ميدان تل أبيب دلوقتي بيتكلموا أربيك لانجودج كويس.
- نصائح المظاهرات للمتظاهرين في إسرائيل عند إطلاق قنابل الغاز المسيل للدموع أغسل وشك بماء النار.
- حزب كاديما يناشد المتظاهرين الرجوع لبيوتهم عشان البلد تستقر لأن مصر على الحدود و في بدالين صاعقة مصرية في البحر الميت .
-عاوفاديا شوعيب علي قناة المخور تروي عن أن شباب مصريين اتدربو يركبو دبابة إسرائيلية في كوم أبو المطامير.
-أعلن جلعاد شخروه كبير ضباط البوساد أن هناك أيادي خارجية تدربت في روض الفرج تسعى لإحداث الفتنة داخل الخط الفسفوري .
- الآن: نشطاء على تويتر الإسرائيليون يشتكون من بطئ سرعة الإنترنت.
- مذيعة بالقناة الثانية الإسرائيلية: رسالة عاجلة لسكان تل أبيب الجديدة فيه بلطجية جايين من عين شمسيان حذروا العصابات الشعبية.
- الحاخامات ینزلوا فی جمعه التلمود أولا ویرفعوا یفط یهودیة یهودیة والشعب یرید تطبیق التوراة.
- اللى عاملين مظاهرات تل أبيب كلهم أجندات مصرية..واتمسك ٣ معاهم ساندوتشات من عند التابعي.
- ناشطة إسرائيلية: اتدربت على الانقلابات فى مجلس الشعب و خدوني رحلات لبركة السبع و شبرا الخيمة و غيط العنب أكتر من مرة.
- على فيسبوك..صفحة الراجل اللى واقف ورا إيهود باراك.
- جلعاد سبايدر يفضح المؤامرة على قناة الصهايين.
- ليفني تنفي مسئوليتها عن موقعة الخنازير و بتعرض على المتظاهرين بونبوني
- بجد بقى بجاحة ولا بجاحة مبارك في زمانه، سارقين سريقة وبيتخانقوا مع بعض عليها وهو نتنياهو يجيب لهم منين فعلا بقى؟ عايشين على أرض مسروقة، بيشغلوا عمالة مستعبدة، بموارد مسروقة، وكمان هما اللي زعلانين المفروض الهتاف بقى: مش حيسرق..إحنا نسرق.
- وعلق الناشط الإسرائيلى عن أحداث تفجيرات المعبد اليهودى:-محدش يعملها غير العادلى..دة تخصص دور عبادة.
- نزّل راسك تحت إنت إسرائيلي.
- المستشفى الميداني في ميدان التخريف في تل أبيب عاوز دم كتير..لأن المعتصمين ماعندهومش دم.
- هجوم من الخنازير الآن على ميدان التخرير يوم سبت الغضب.
- المتظاهرون لنتنياهو: ما بيفهمش عبري..كلموه بالعربي..ارخل يعني امشي .
- حرام عليكم خربتوا البلد وحماس واقفالنا على الحدود و حزب الله جاي من على السواحل.
- المتظاهرون يهتفون فى ميدان تخريروف: بوكيرتوف بوكيرتوف..سلمية من غير مولوتوف.
- خمادة خلالوف: "شهداء إسرائيل ماتوا في أحداث إسرائيل.
- معاريف: بالصور المتظاهرين تلقوا تدريباتهم بالتحرير والقائد إبراهيم وميدان الأربعين بالسويس.
- الهتاف الآن فى تل أبيب : متعبناش متعبناش.. المجازر مش ببلاش.
- الفنانة شيلا نونو تطالب بحرق المتظاهرين بغاز وبعدين تفتكر إن المصريين قطعوا الغاز مما يؤكد أن الثورة دي مخطط مصري.
- الخوف يعطلوا دبابة الإنتاج..وتامر بتاع حيفا يتصل ويعيط على شارون وابن اخت عوفر ليشع ما يلاقيش بيدزا.
- الثورة الصهيونية كارثة.. دول عاملين ثورة ضد غلاء السكن وده معناه مزيد من الاستيطان جتنا خيبة.
- دلوقتي مش هيبقى اسمه الربيع العربي ، هيبقى اسمه الربيع الشرق أوسطي ، مصيبة واتحدفت علينا .
- مش فاهمة اللي بيقولوا واو الثورة قامت في اسرائيل دول فرحانين ليه؟ يعني ضميرهم صحي وهيرجعولنا أرضنا؟ انت حمان يا حمان.
- المطرب الاسرائيلى عمرون مصطفى مسكت جواسيس م التحرير وكلمة شالوم كلمة مصرية معناها شيلوهم ..عاوزين يشيلوا مين؟
- أدمن صفحة كلنا جلعاد شاليط: دي مش غلطتنا دي غلطة كل واحد ماسك في مستوطنته ومتبت فيها.
- شمعون الديب: نتنياهو أول من أيد الثورة.
- الإسرائيلي الحق هو من يثور ليهدم بيوت الفلسطينين ثم يهدأ ليبني مستوطناته.

[OBADSOMA]

مواضيعك كلها حلوة جدا يا استاذ احمد
تسلم ايدك والله

[نبيل عبدالرحمن]