قربة الريداتير هل دا عادى ولا عندى مشكلة محتاج نصيحة

[memodina1]

عارفين يا شباب طلع العيب منين على حد علمى يعنى فى 3 خراطيم
1-مدخل المية الباردة من الريداتير للمكنة
2-واحد مخرج المية السخنة من المكنة للريداتير
3-واحد فوق خالص عند اول الريداتير زى تقريبا كبس مية هوا مش عارف بالضبط
المشكلة بقى فى اللى تحت الخرطومين مدخل البارد ومخرج السخن دول عن اولهم خالص عند الافيز كدة فى اخرة بينقط مية زى ما يكون الافيز مش ماسك للاخر المهم فية مشكلة هنا بس مش بيخر مية نقط على فترات وبالتالى بيدخل هوا وبيخلل عملية التكثف تقريبا يعنى دا اللى اكتشفتة وهروح قريب التوكيل اشوف الموضوع دا

[memodina1]

المشاركة الأصلية كتبت بواسطة حسام البورسعيدى شوف يا غالى .. جرب تزود الميه لغاية max والعربية بارده .. وشيك على كاوتشه غطاء القربة وغطاء الريدياتير .. بس على فكره لو التسريب استمر بالمعدل ده مفيش اى مشكلة .. وعربيات كتير بتبقى كده .. ابقى برضو افتح الكبوت والعربية سخنه (يفضل فى مكان هادئ) وحاول تدور على اى تسريب ..

شكرا يا باشا بس مفيش تسؤيب ولا الكاوتشة بايظة تقريبا العيب زى ما قلت انا واله اعلم هنعمل اية الخوف انى هو بيصلح ويفك الخراطيم يدخل هوا للمكنة المعلومة دى واحد قالها ومش متاكد يعنى اية يدخل هوا اللمكنة

[sherif fersh]

روح لميكانيكى عنده كومبريسور هواء
و خليه يكبس الدورة ,
هاتعرف التسريب منين بالضبط
و فعلا التسريب البسيط بيخللى الهوا يدخل مكان الميه
و يؤدى لسخونة غير معتاده
و الله الموفق ‘

[aymangalal]

فى حاله نقص المه بكميات قليله وعلى فترات بيبقى ترشيح بخار مش الميه نفسها اللى بتسرب
وغالبا بيبقى من عدم احكام قفل القفيز على الخراطيم او غطاء الرادياتير نفسه غير محكم
وفى النهاية مافيش مشكله طالما انك متابع وبتزود ميه والعربية مش بتسخن

[حسام البورسعيدى]

المشاركة الأصلية كتبت بواسطة memodina1 عارفين يا شباب طلع العيب منين على حد علمى يعنى فى 3 خراطيم 1-مدخل المية الباردة من الريداتير للمكنة 2-واحد مخرج المية السخنة من المكنة للريداتير 3-واحد فوق خالص عند اول الريداتير زى تقريبا كبس مية هوا مش عارف بالضبط المشكلة بقى فى اللى تحت الخرطومين مدخل البارد ومخرج السخن دول عن اولهم خالص عند الافيز كدة فى اخرة بينقط مية زى ما يكون الافيز مش ماسك للاخر المهم فية مشكلة هنا بس مش بيخر مية نقط على فترات وبالتالى بيدخل هوا وبيخلل عملية التكثف تقريبا يعنى دا اللى اكتشفتة وهروح قريب التوكيل اشوف الموضوع دا

على فكره الموضوع مش مستاهل توكيل خالص ..

انت ممكن تجرب تربط الافيز ده كويس او تغير الخرطوم خالص بخرطوم جديد ..

ومتقلقش مفيش حاجة اسمها هوا يدخل المكنة لما تغير الخرطوم ولا حاجة ...