اللى عايز احدث تكنولوجيا ... يلحق قبل العرض ما يخلص

[aymangalal]

السلام عليكم:
بدون مقدمات كارفور بيعمل عروض من وقت للتانى على التكنولوجيا وعلى الرغم انى مش دايما بيصادفنى ويكون معايا فلوس وقت العرض الا انى مُغرَم بعروض التكنولوجيا دى
فاكرين لما كنا صغيرين ونقف قدام فاترينة اللعب (ولغاية دلوقتى برضه) ونتأمل كل حاجه فى الفاترينة ونتمنى تكون اللعب دى عندنا....؟؟؟ فاكرين؟؟؟؟
اهو ده حالى مع عروض كارفور .....ههههههههههههه
قلت اقولكم يمكن حد يكون محتاج حاجه ويلحق فترة العرض
عروض كارفور
عيشوا مع العرض والتكنولوجيا
بالمناسبة انا نفسى فى تليفزيون LED 32 بوصة وكاميرا ديجيتال وبرنتر و....و.... يا سلام لو معايا فلوس اجيب كل ده ...!!!!!

يمزاجك يا عم ايمن والله انا كمان كنت مزنوق زنقتك ديه من شهرين وكان الحاج معايا وكنت هجيب LCD هايسنيس 32 بوصه وكان عليها عرض ب 1900 جنيه

والحاج لما شاف ال 37 عجبته عن ال 32 وكانت ب 3100

وهو صمم علي ال 37

وانا صممت علي ال 32 بسبب الفرق الكبير اوي في السعر ده

وقالي طب مانتش جايب ال 32 وانا قولتله ولا انا هجيب ال 37

وروحنا جيبنا فول سوداني ومشينا هههههههههههههههههههههههه

رايحين كارفور علشان في الاخر نشتري فول سوداني هههههههههههههههه

بس بيني وبينك جيبت كامير ديجيتال كودك من وراه من غير ما ياخد باله ههههههههههه ومجبتش اهم حاجه كنت رايح علشانها وهيه ال LCD

[shadywasfy]

ana mesh fahem el mawdo3 da aih ya3ny, 3aiez t2ol aih. or feen el 3rod

[aymangalal]

المشاركة الأصلية كتبت بواسطة corsair يمزاجك يا عم ايمن والله انا كمان كنت مزنوق زنقتك ديه من شهرين وكان الحاج معايا وكنت هجيب LCD هايسنيس 32 بوصه وكان عليها عرض ب 1900 جنيه والحاج لما شاف ال 37 عجبته عن ال 32 وكانت ب 3100 وهو صمم علي ال 37 وانا صممت علي ال 32 بسبب الفرق الكبير اوي في السعر ده وقالي طب مانتش جايب ال 32 وانا قولتله ولا انا هجيب ال 37 وروحنا جيبنا فول سوداني ومشينا هههههههههههههههههههههههه رايحين كارفور علشان في الاخر نشتري فول سوداني هههههههههههههههه بس بيني وبينك جيبت كامير ديجيتال كودك من وراه من غير ما ياخد باله ههههههههههه ومجبتش اهم حاجه كنت رايح علشانها وهيه ال LCD

وماله يا عم هو الفول السودانى ده شوية (فى ناس بتروح السودان عشان تجيبه )ههههههههههه
على فكره ماركة هايسينس لسه سامع عنها قريب وباين عليها كويسة لانها عامله منتجات كتير وعلى فكرة (غير الفكرة الاولانية) المستقبل للـ LCD و الـ LED مع الوقت القنوات الفضائية هاتشتغل بخاصية HD اللى هى high definition
يعنى شدة الوضوح ودى خاصية مش متوفرة غير فى الـ LCD و الـ LED
اوعدنا يا رب انا كنت مستنى العروض دى من فترة يمكن الاقى حاجه صغيرة كده 20 بوصة ولا حاجه لكن قدر الله واشتريت تليفزبون NEW بتاع احمد بهجت بـ 580 مجربه قبل كده وكويس يللا النصيب بقى
ومبروك ع الكاميرا الديجيتال (اللى هاموت واجيبها )
وشكرا ... مش عارف اشكرك على ايه ولا ايه .... تشجيعك ولا ايجابيتك ولا اكتيفيتك ولا ايه ..... بس شكرا برضه

[aymangalal]

المشاركة الأصلية كتبت بواسطة shadywasfy ana mesh fahem el mawdo3 da aih ya3ny, 3aiez t2ol aih. or feen el 3rod

اقولك يا باشا ع الموضوع:
ده عرض من كارفور (لو مش عارفه اكتب فى جوجل : كارفور مصر) هايجيبلك الموقع بتاعة بس عشان اسهل الوصول لصفحة العرض بالتحديد عملت الموضوع ده
اقول فيه ان كارفور عامل عروض لما تدوس(كليك ) على كلمة (عروض كارفور)
هاتفتح معاك صفحة العروض يعنى الرابط فى الكلمة نفسها (زى المعنى فى بطن الشاعر-دوس على بطن الشاعر هاتعرف المعنى)هههههههههههه
وهتلاقيك قريت الكلمة من غير ماتدوس عليها
وضحت المعلومة .....؟؟؟؟؟؟