استفتاء من هو مرشحك لرئاسه الجمهوريه

[احمد الشناوى1981]

و لا واحد فى الاختيارات الموجوده
بس انا نفسى فى مرشح يرفع رايه للدوله الاسلاميه المصريه
انا شايف ان الناس جواها خير كتير و حب للبلد ملوش حدود بس هما محتاجين بيئه نضيفه يشتغلو فيها بضمير و لما يكون الى بيجمعنا الدين هيكون كل واحد هو الرقيب على نفسه و كل واحد فينا هيبنى مصر و هو عارف ان الى بيعمله مش هيروح على الارض و ان ربنا شايف هو بيعمل ايه
ساعتها افتكر اننا هنشوف البلد دى حاجه تانيه خالص

[طارق ابوذيد]

المشاركة الأصلية كتبت بواسطة bekeat رغم أني إخترت من أظنه أقلهم سوء إلا إنني لا أجد شخصا منهم جديرا برئاسة مصر .

اخوانى الاعضاء اذا لم يعحبك اى مرشح فرجائى كتابه مرشحك المفضل لك والله الموفق .

[m10_10]

المشاركة الأصلية كتبت بواسطة m.genedy فى البداية اشكرك على اسلوبك المهذب برغم اختلافك معي. فيما يخص احساس او نظرة المصري المقيم خارج مصر والذى شبهتة سيادتك برسم لوحة وبعدك بعض الامتار قد يتيح لك فرصة رؤيتها بشكل اوضح اسمحلى اعترض على التشبيه.. ناهيك ان اللوحة كانت قبيحة وقاتمة ورسمت بريشة نظام فاشل. النظام الذى لم ينظر لما رسمة ولكن الذى نظر وبتركيز هو من عانى من هذا النظام وليس المغترب الذى يحضر الى مصر فى شكل اجازات او زيارات يكون بها مجرد سائح.. تشبيهك بعيد تماما !! لأن المغترب لا يبتعد فقط امتار او حتى بضعة الاف من الامتار ولكن هناك شىء اخر يحدث للمغترب يشعر به هو اولا .. وبعدها قد يشعر بها من يتعامل معهم .. اما فيما يخص البرادعى فى هذة الجزئية انا ضد ان يتولى حكم مصر رجل عاش جزء كبير من حياتة خارجها لانة ومهما كان لن يرى مايراة الرجل الذى افنى حياتة كلها داخلها.. اما عن عمرو موسى قد يكون غير حقيقى وانا لم اجزم!! وقد تكون شائعة .. الله اعلم وكونى ذكرت ان عمرو موسى من رموز النظام السابق هذا يجعلنا لا نستغرب انة جعل المواطن العربى مهان فى كل مكان داخل وخارج ارضة..اخيرا فكرتى اكونها نتيجة ما اسمع وما ارى واعتقد ان هذا ليس غريبا خاصا انى لم اتعامل مع هؤلاء المرشحين بشكل شخصي.

اولا اشكرك شكراً جزيلا على اسلوبك المحترم برضو رغم اختلافي البسيط ..
اعتراضي البسيط فقط لنقطة ان اللي برة مصر صدقني بيشوف حاجات اللي عايشين في مصر ممكن مايكونوش عارفينها ..
انا عايز بس اضربلك مثل عرفته مؤخرا .. ليا صديق هاجر هجرة شرعية لبلد اوروبية .. بنتو كانت رجلها تعبتها وراح بيها لمستشفى وهناك قالوله المتابعه بعد اسبوع وطبعا عدى الاسبوع وكعادتنا لما الواحد بيرتاح بينفض للاستشارة .. تاني يوم كلموة وقالوله ليه بنتك ماجتش .. طب تحب نبعتلها الدكتور عندها .. طب لو هيا مش عايزة تيجي لاي سبب تحب نبعتلها اخصائي نفسي ..
الكلام دة يا باشا لو حصل هنا فمصر هانعتبرة رفاهية او حاجة بتتقدم بمقابل مادي .. اللي سافر برة يا باشا عارف ان لينا حقوق .. مهما لو فضلنا قاعدين جوة مصر مش هانبقا عارفين ان دي حقوق مش مجرد كلام ..
انا سافرت السعودية ياباشا وقعد يادوب سنه ونص والاشارات اللي بالكاميرات اللي خربانه دلوقتي مكانتش لسة بدأت تنتشر فمصر كانت في مكانين تلاته بس .. وانا هناك كنت بقول يارب الحاجات البسيطة دي مش موجودة فمصر لية كانت حلت حاجات كتير .. لما العباقرة طبقوها هنا طبقوها بمنتهى السذاجة .. هناك كان فية موتوسيكل براجل شرطة اللي يكسر الاشارة وراه على طول ويبلغ باللاسلكي للباقين ..

انا اسف للاطاله بس انا حبيت اوضح ان حته انو عايش برة مصر مش عيب بل ميزة لانو عارف ان فية حقوق ليها مهدرة اوحتى احنا مش عارفينها اصلا ..
كفاية انو الووحيد اللي جاب سيرة حقوق المعاقين واصحاب الاحتياجات الخاصة ..

[ahmed_harb777]

مش عارف ليه عندي احساس كبير ان مرشح الرئاسه اللي هيكتسح الانتخابات لسه ما أعلنش نيته للترشح في الرئاسه وانه هيكون مفجاه للجميع

ممكن البعض يتريق ويقول ان الكلام ده مش كلام عملي

مش هعترض بس انا برضه لسه مااستقرطش علي اللي هرشحه

[د.كمال]

أنا اخترت المستشار هشام البسطويسى
أعتقد البلد محتاجه رجل قانون لوضع حد للإنفلات الامنى وتطبيق القانون على الجميع وسمعته مره كان عايز يعمل اعاده هيكله فى القوانين والقضاء لسرعه الفصل فى القضايا وسرعه تنفيذ الاحكام ووضع قانون خاص للبلطجه والتعدى على املاك الناس والدوله .