|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
أدوات الموضوع |
#1
|
||||
|
||||
تعليق كتبته على مصراوي يوم 25 يناير ( يوم اندلاع ثورة الحرية )
التعليق ده كتبته ردا على كلام شخص شارك بتعليق يهدد فيه بانعدام الامن و ان الشرطة و العنف الابوليسي هو المحافظ على الامن في مصر
فكان ردي كالتالي يوم الغضب.. هل يمكن نقل التجربة التونسية إلى مصر؟ to wella73 25/01/2011 09:48:00 ص بالفعل لا يوجد رجال شرطة او جيش لحماية الشعب المطحون! انا اول ما رجعت مصر بعد غربة طويلة اعتدت فيها اني اتصل بالشرطة في حال حدوث مشكلة لحلها لي! او في حالة تعرض بلطجي لي او حادث تصادم! تسارع الشرطة للقدوم لاثبات حالة او لفض النزاع او لاخذ حقي من المعتدي علي اكتشفت في مصر غياب تام للشرطة او ما يسمى بالبوليس! يا محترم ! و انا اتمنى انك تكون محترم, لو انا قابلتك في الشارع و اديتك بالشلوت و بصقت على وجهك و روحت كاسر زجاج عربيتك و اديتك اسمي بالكامل و رقم عربيتي و حتى عنواني! هل الشرطة حتنفعك؟ لو انا قابلتك في الشارع و روحت واخد منك موبايلك بالعافيه هل الشرطه حترجعهولك؟ انت يا محترم عارف ان لو انا دلوقتي دخلت عليك بيتك او شقتك باتنين تلاته بلطجية و روحت راميك في الشارع الشرطه مش حتنفعك؟ اخرهم حيعملولك محضر و لا الامين حتى حيفكر يطلع معاك يعاين لانه حيخاف على نفسه! و الامين معندهوش سلطه يجيب قوة معاه علشان يعاين بس (مش يرجعلك حقك!!) و لو سأل مأمور قسمه حيسأل اول حاجة و هو مين ده او ابن مين ده انك تقوللي عايز قوة علشان تعاين بروح امك!! لو مكنتش من ازلام النظام يبقى انت ولا حاجه حتى لو كنت استاذ جامعه!!! اتقي الله و اعرف انت بتقول ايه! انا من رأيي ان البلد احسن من غير شرطه ولا جيش لانهم كل اللي بيعملوه بيعذبوا المصريين الشرفاء و بيستقووا بالمجرمين و اللصوص اللي انت بتخوفنا منهم! طب شوف كده لو الشرطه اختفت حنعرف ساعتها ندافع عن نفسنا من اللصوص واللا لأ!!!! |
|
|