المهزلة القادمة هروب العادلي ومساعديه والمغربي وجرانه من سجن طره

[hananelhosiny]

فعلآ فى بلدنا دائمآ الحركة بتكون بعد وقوع الكارثة ؟؟؟؟؟؟؟؟؟

مفيش مرة واحدة بتكون الحركة قبل الحدث ..... فيما عدا ثورة يناير

[tarek elbadry]

انا حاسس بحاجة من اتنين يا حبيب العدلى يهرب يا يموتوة
فى السجن

[acounter01]

والله لو ده حصل
تبقي البلد دي الله يعوض علينا فيها
وحسبي الله ونعم الوكيل

[khaled al sharif]

العجيب في الأمر إن الحكومه الحالية مشغولة بإيه مش عارف إلا لم يكن مطالب الثورة علي رأس أولوياتها مثل العدالة وتطهير البلد من الفساد وأعوانه.......... بدء من المحليات والمحافظات وإنتهاء بالوزارات والهيئات ... شرف مشغول بزيارة البابا وتهدأة الأقباط وإستقبال الضيوف ....والحفاظ علي البورصة من الإنهيار ....
- ياسيدي إبدأ محاكمات رؤس فساد النظام السابق حتي يعرف العالم وأولهم المستثمرون الحقيقيون أن البلد أصبحت أمنه لإستقبال إستثماراتهم

- يا سيدي خرج دفعة الشرطة إللي في كلية الشرطة بدري ونزلها الشارع
- وجند دفعة مؤهلات عليا ( تجنيد ) في سلك الشرطة بعد ما دربهم ستة أشهر ونزلهم الشارع
- وجند دفعة مؤهلات متوسطة ( تجنيد ) علي أعمال تسيير المرور وحفظ الأمن بعد ما تدربهم ستة أشهر ولا ثلاثة ونزلهم الشارع
- وأوقف ترقيات ضباط الشرطة لمدة عام وأوقف مرتبات الممتنع فيهم عن العمل وخليه يقعد في بيتهم ولو إن ده مش هايأثر فيهم عشان معظمهم والحمد لله عنده ثروة من منصبه
- بدل ما أثار البلد عماله تتنهب وممتلكات الناس عماله تتنهب وإنتم ولا هنا
- تطهير البلد من الفسدة والمرتشين واللصوص وإستتباب الأمن عصب الإقتصاد ....
- بورصة إيه ..عمر الشعب المصري ما أستفاد من البورصة البورصة طول عمرها عندنا طاولة قمار الأغنياء وناهبي ثروات البلد طول عمرها كانت المصدر الرئيسي لغسيل الأموال وتهريبها إلي الخارج عمرها ما جلبت رأس مال مستثمر حقيقي كلها إستثمارت ورقية لم تترجم يوما سلع ولا خدمات للمجتمع المصري ...ولم تؤدي إلا لتراكم الثروات المنهوبة في البنوك
- هناك مليارات تم تهريبها للخارج وخاصة في أوربا لو تحركنا بسرعة لإستردادها قبل ما تختفي في دهاليز غسيل الأموال يمكن تفيد الشعب المصري ....
- محاسبة فار الغيط المسمي أحمد أبو الغيط .... والذي تسبب وتواطيء وتعمد التأخر في تقديم مطالبات تجميد أموال مسئولي النظام السابق لحكومات العالم
- ومش عارف الورزاء إللي مع شرف هما تكملة عدد ولا ناس فاهمه شغلها .... فيه حاجه يا ساده إسمها قرارات أزمة ..... ودول ولا واحد فيهم خد قرار إلي الأن يبين إنه مستوعب الثورة التي تمر بها البلد
أنا مش قادر أفهم إيه حالة الشلل وفقدان التوازن إللي ماسكه الحكومة الحالية حد يفهمني !!!!

[MIDO-SPICY]

يا جماعه دا وارد جدا
الناس دى مازالت بتحمل فى جعبتها الكثير اللى بيضر بمصالح اللى لسه بره
فلازم يحصل مثل هذه الافعال للتخلص منهم سواء داخل او خارج السجن

والسيناريو التانى ان اهالى الناس دى والمرتزقه اللى استنفعوا منهم اثناء تواجدهم بالسلطه هما اللى بيعملوا كده علشان يهربوا الناس دى ومنها على بره مصر خالص

المشكله الناس دى لسه مش مصدقه اللى بيحصلها ولسه عاملين زى الدبيحه اللى لسه فيها الروح وبترفص
ولسه العجرفه والتسلط ماسكم

حد عارف ان جريده الوفد رصدت من 3 ايام طرابيزه فى نادى رجال الاعمال فى جاردن سيتى عليها 3 قاعدين فى قهقهه وضحك
عارفين كانوا مين؟؟؟
جمال مبارك
عاطف عبيد
زكريا عزمى

وكما قال القول
ان لم تستحى ... فافعل ما شئت
وللاسف الجيش بيساعدهم فى دا

المفروض ان الناس يتم التسريع شويه فى محاكمتهم ..
انا عارف انهم عاملين بلاوى كتير وان النيابه مش عازه تستعجل فى الاحالة الى القضاء علشان لو الضربه جلت .. هتبقى ضربه للنيابه والنائب العام وجهاز الكسب غير المشروع وجهاز الرقابة الاداريه والجهاز المركزى للتعبئه والاحصاء
ولكن لازم يكون فيه اعان عن سير التحقيقات على الاقل وعدم التباعد فى سير التحقيقات والمحاكمات

وبعدين اللى نعرفه ان السجناء السياسين العاديين كل فتره بينقلوهم من سجن لاخر وفى سريه شديده

انتوا عايزين تفهمونى ان الناس دى صعب التحفظ عليها بطريقه امنه ؟؟