مازال الحزب الوطنى والإخوان بيضربوا من تحت الحزام

[MmFFoR]

تحولت اللجنة الانتخابية التي شهدت الاعتداء على البرادعي الى ساحة معركة بين أنصار البرادعي ومعارضوه بعد مغادرة البرادعي مباشرة حيث حاصر المحتجين مجموعات من الناشطين ودفعتهم للهروب وطاردت عددا منهم في الشوارع الجانبية حيث فشلت قوات الشرطة العسكرية المتواجدة بالمكان في السيطرة على الموقف .
واحتجز الغاضبون الذين أكد مراسل مصراوي أنهم غير محسوبين على أي تيار ديني إحدى الناشطات وهي فيروز كراوية داخل إحدى العمارات ومنعوها من الخروج الى أن حضرت قوات إضافية من الجيش وطوقت العمارة وأخرجتها بصحبتهم وسط إطلاق نار كثيف من جانب الجيش لمنع الحشود الغاضبة من الاقتراب منها .

شاهد الفيديو
البرادعي

وقال مراسل مصراوي أن المعتدين على البرادعي من المواطنين العاديين الذين استفزهم تجاوز البرادعي للطابور الطويل ومحاولة أنصاره إزاحة المواطنين الواقفين في الطابور منذ ساعات ، كما أن عدد كبير من ربات البيوت في المنازل الملاصقة للمدرسة بالقاء المياه على المعتدين لمنعهم من مطاردة أنصار البرادعي وكان من بين من حاولوا منع الاعتداء على البرادعي وأنصاره بعض السلفيين .

منقول من مصراوي

[@واحد من الناس@]

المشاركة الأصلية كتبت بواسطة samirayad وهو الدستور ده صعب أوى يتعمل مثلا هاتلى الدستور ده وأنا أخلصهولك فى يومين

يا خبر إسود هتخلصه فى يومين ليه هو سلق بيض ده دستور بيتعمل لأجيال وبعدين اللى أعرفه إن حضرتك مهندس مش مختص فى حاجة زى دى أتمنى يكون اللى حضرتك قلته نوع من المبالغة ليس إلا بس من نحية صعب فهو صعب فعلا

[ابوسهيلة]

هو انا كنت عايز اكتب كلام كتير
بس الاجواء مش مستحملة
لان النهاردة كان يوم طائفي من المقام الاول
بس الواضح ان في ناس بتتفرج علي التلفزيون وبتقرأ جرايد كتير
والواضح بردوا ان احنا لابنحترم وجهات النظر او اراء الاخريين سواء افراد او جماعات

احنا عايزيين سنيين علشان نمارس الديمقراطية ونحترمها
كل واحد عايز الديمقراطية اللي علي مزاجه بس

كلها ساعات وتعلن نتيجة الديمقراطية ياريت نحترمها
ومنبررش النتائج ونحطها عي شماعة ان الشعب ده مبيفهمش حاجة علشان كده مخدش برايك

[د.كمال]

للأسف فى ناس كتير جدا راحوا انتخبوا اليوم مش عشان التعديلات الدستوريه ولكن عشان يقولوا لا للأخوان المسلمين وناس تانيه عشان يقولو نعم لعدم تعديل الماده التانيه من الدستور .
لازم نعترف ان احنا عايزين وقت طويل عشان الشعب يكون مؤهل للديمقراطيه .

[حازم شاهين]

أرجوا أن ألفت إنتباه السادة وليد الوحش و سمير عياد و أخرين أن طريقة و مسار الحوار بينهم يوحى بعواقب لا تحمد عقباها و أتمنى أن يتوقف الدفع بالحوار نحو هذه النتيجة الكارثية حيث يمكن أن يتجاوز الحوار الرأى السياسى إلى الخلاف الشخصى