عاجل : أمريكا ترسل سفناً حربية

[مهند سالم]

مش عارف يا جماعة فكرة الناس عن الحروب سهلة ليه كدة، يا جماعة أمريكا لما حبت تخش العراق عملت مقدمات لا حصر لها ، وزورت تقارير وعملت حصار لمدة سنين، وأرسلت مندوبين، وقعدت سنين تقنع شعبها إنها ذاهبة لتحرير العراق من الديكتاتورية، ثم إن العراق به البترول الذهب الأسود الذي سيعوض أمريكا ما تنفقه على حربها، ورغم كل ما سبق فقد فشلت أمريكا في حرب العراق وأعلن بعض المسئولين الندم على هذه الحرب التي أثرت بشدة على الاقتصاد الأمريكي.
يا جماعة كل ده مش متحقق في مصر بأي شكل من الأشكال، بل بالعكس شعب مصر يسعى لتحقيق ما تنادي به أمريكا منذ عقود، فبأي حق سوف يعلنون أمام العالم أجمع أنهم سيدخلون مصر، هذا كلام مستحيل تماما نظريا وعمليا، وتقبلوا مروري

[hamada_hh777]

مشكوووووووووووووووووووووو وووووووووووووووور

[hossamhussein0]

سمعت من لواء في الجيش ان السفن دي رايحة لمناورة عسكرية مع اسرائيل و ده الميعاد الطبيعي بتاع المناورة دي !!!!

[mokhtar872000]

يا جماعه مش بالسهوله دى هما صحيح لهم اطماع بس مش بالطريقه الساذجه دى مصر هى الجائزه الكبرى للغرب والامريكان والصهاينه خصوصا لان بسقوط مصر ستسقط كل العرب ويهتز الاسلام لان فى اضعف حالاتنا مصر هى الرواد فى العالم العربى والاسلامى واكيد هييجى اليوم اللى يعملوا فيه زى ماعملوا فى العراق بس ان شاء الله مش هيلحقوا لات ربنا هينزل عليهم غضبه واحنا كشعب مصرى مسلم عربى هنقف وقفه واحده

القوات الامريكيه وخصوصا البحريه بكافه تشكيلاتها القطع البحريه ومشاه البحريه المارينز والسلاح الجوى وحاملات الطائرات منتشره فى جميع انحاء العالم وبكثره والمياه الدوليه تعتبر بحيره امريكيه واقرب قاعده لنا الاسطول السادس المرابط فى قبرص واللى فيه حامله الطائرات انتربرايز وطبعا القواعد المنتشره فى الخليج منها قاعده السيليه القطريه اللى تعتبر اكبر قاعده عسكريه فى العالم والاقرب برضه قاعده انجرليك فى جنوب شرقى تركيا وتشمل 60000 جندى امريكى يعنى هما منتشرين فى كل مكان بالنسبه لاقترابهم من السواحل المصريه فى البحرين المتوسط والاحمر انا شايف بوجهى نظرى المتواضعه انها لحمايه مصالحهم وخصوصا تأمين قناه السويس من المدخلين الجنوبى والشمالى لضمان استمرار تدفق ونقل البترول الخليجى لامريكا عبر معبر قناه السويس بدون اى مشاكل او تاخير لان اى شىء يؤدى لايقاف الملاحه بقناه السويس والتحول لراس الرجاء الصالح من شأنه ارتفاع تكلفه الشحن البحرى لاضعاف وطول المده الزمنيه لعمليه النقل فيؤدى لارتفاع سعر البترول العالمى خصوصا ان اليومين دول مفيش استقرار فى اسعار البترول وزاد 4 % بعد احداث ثوره 25 يناير وتضخيم السعوديه لاحتياطياتها النفطيه وتخوف امريكا من عدم قدره السعوديه على انتاج الكميه المحدده