نصيحة من اهل الخبرة

[karimahmed422]

السلام عليكم و رحمه الله و بركاتة
كنت اريد شراء سيارة مستعملة فى حدود 45000 الف جنية وانا معى الان الحمد لله 40000 وان شاء الله باقى المبلغ سوف يكون جاهز فى شهر ابريل ان شاء الله
بما تنصحونى بالشراء و المكان الذى اشترى السيارة
وشكرا لكم

[esam_comm]

لانوس كونتاكت كار

[karimahmed422]

ارجو التوضيح بعد أذنك

[ahmed mustafa]

كونتاكت كار على اساس ايه بالضبط؟

[agamemnon]

شوف اولا انت لم تحدد الغرض من العربية اللى انت عايزها ايه ؟ يعنى معظم تحركاتك هاتبقى جوة البلد ؟؟ بتسافر كتير ؟؟ عايزها هاتشباك و لا سيدان ؟؟ بتحب الخطوط الحادة و لا الانسيابية فى تصميم العربية ؟؟ هاتعمل زى كل الناس و هاتدور على سعر اعادة البيع و لا عايز تركب ؟؟؟ اسئلة كتير لازم تجاوب عليها علشان نفكر معاك بصوت عالى . و على العموم انا هاقترح عليك بعض العربيات اللى فى السعر ده مع مراعاة انهم مختلفين و انت هاتفهم الاختلاف فى ايه
بروتون ويرا
بيجو 206
بيجو 405
دايو لانوس
هيونداى اكسنت 1500
متسوبيشى كولت
نيسان صنى
اوبل فيكترا
هوندا سيفيك
......................... ......................... ...................
دول تقريبا ان لم تخنى الذاكرة و مرحب باى اضافة معظم الموديلات الممتازة فى الرينج ده . مع مراعاة الموديل اللى يناسب السعر . يعنى مثلا الهوندا السيفيك موديل 93 ..
و بخصوص تجيب منين العربية .. اولا ابعد عن المعارض نهائى .. ممكن تدور على الانترنت و ممكن تنزل سوق الجمعة و كده كده هاترفع العربية و تكشف عليها يعنى ماحدش هايديك عربية غصب عنك . لكن نصيحة لوجة الله خد معاك سمكرى مش ميكانيكى علشان ده اهم .. و انت كده كده هاتعمل تقرير بحالة العربية عند اى مركز صيانة تابع لنوعها . لو لاقدر الله طلع الموتور فى حاجه و كله عايز يتغير مش هاتدفع كتير فى اى موتور . لكن فلوسك هاتكون محفوظة .. لكن لو العربية عاملة حادثة و قوايم او اساسات فيها حاجه يبقى انت كده خسرت كتير
اتمنى اكون ساعدتك