كام سؤال علي السريع في الفتيس الاوتوماتيك

[Mohamed_mon3m]

سؤال ثاني بعد إذنكم ، عايز أغير زيت الفتيس ايه هو النوع الي اشتريه وبكام ؟؟

[samirayad]

غير بزيت مخصص للأوتو من أنتاج شركة شل أو شركة موبيل

حتلاقى اللتر فى حدود 20 ج

[حسام البورسعيدى]

المشاركة الأصلية كتبت بواسطة phantiza لاافقة شيء عن الاوتوماتيك وعاوز اجيب اوتوماتيك بس خايف لاني سمعت انها مينفعش تتزق هل ممكن تتجربحبل باي عربية تانية؟؟؟ في المانيوال لو مثلا ماشي علي سرعة كبيرة امور الفتيس العربية بتفضل ماشية لوحدها لحد ماتقف هل الاوتوماتيك كدة؟؟؟

مين قال كده ؟؟؟؟

العربية الاتوماتيك ممكن تتزق وهى على N او حتى D وبتتعشق على P ..

لكن هى مينفعش تدور زق لو البطارية نامت زى المانيوال ...

الاتوماتيك اصلا لما بتشيل رجلك من على البنزين وانت ماشى بتفصل التروس (كانك دست دبرياج) ولو جبت على N هتفضل ماشية لغاية ما تقف زى المانيوال بالظبط ...

ولما بتجيب على D العربية بتمشى بالراحة من غير ما تدوس بنزين (كانك ماشى بالدبرياج بدون بنزين) وبتحكمها بالفرامل ..


يا رب اكون افدتك يا باشا ..

[حسام البورسعيدى]

المشاركة الأصلية كتبت بواسطة Mohamed_mon3m أولا كل سنه وانتم طيبين سؤال بسيط انا لسه جايب نوبيرا 2001 اتوماتيك و عايز حد يقلي أفضل طريقه استخديمها في السواقه علشان أحافظ عليه انا مليش في الكيك داون والحاجات دي بس يعني لما أكون هقف في إشارة مثل دقيقه فأكتر هل اجيب N ولا افضل اخلي الفتيس علي D وادوس فرامل ، وأيه هي المدة الي أفضل دايس فيها علي الفرامل وانا علي D من غير ماحمل علي الفتيس وهل دة غلط ولا أيه أرجوا من السادة الخبرة في الاوتومتيك يردو ، واسف علي الاطاله .

المحافظة على الفتيس الاتوماتيك سهلة جدا ومهمه جدا فى نفس الوقت ..

1- لما تنقل الفتيس من N او P الى D لازم تكون شايل رجلك من على البنزين تماما ..

2- لما تيجى تنقل اى نقله احرص ان العربية تكون واقفة تماما .. وخصوصا من R الى D او العكس ..

3- حاول تتعود لو هتقف اكتر من 5 ثوانى انك تحول على N لانك لو فضلت دايس فرامل وانت على D انت كده بتحمل على الفتيس والفرامل والموتور والكبالن .. وعلى المدى الطويل ممكن يسببلك مشاكل ..

4- حاول تتجنب الكيك داون او الحرق على الغيارات لان ده بيعجل بتلف الفتيس (وخصوصا مع النوبيرا) ..


5- الاهتمام بتغيير زيت الفتيس فى معاده (حسب كتالوج العربية او كل 30000 الف كيلو) بالنوع الموصى به فى كتالوج العربية وانا عن نفسى بفضل زيت ESSO او موبيل ويستحسن تغيير الفلتر مع كل غيار لزيت الفتيس ..




وع البركة العربية يا جميل ربنا يباركلك فيها ويكفيك شر الطريق ...

[mashour242]

الى صاحب النوبيرا
مبروك على السيارة وربنا يبارك لك فيها
لما هتكون في اشارة هطول ..... افضل تجيب الفتيس على N وذلك حتى لاتحمل على الفتيس ومتنساش اكنك معشق بالضبط والافضل انك تمور العربية
مش بس كدة دنت ممكن تنزل تشرب شاي وتيجي ، انت عارف اشارات مصر .. ههههههههه