ماله مترو الانفاق بـ 2 جنيه وزى الفل !!

[sheekoo]

كل ال أتقال دة صح وحصل معايا بعض منة وخصوصا كنت مش مظبوط نفسيا والموضوع دة اخد حوالى سنة وبعد كدة اخت مناعة وبغلس وارخم على الناس الرخمة زى التكاسى والباصات ومفيش اى مشاكل خالص وخصوصا فعلا ان رد الفعل بيكون بعد كدة من غير اى تركيز فى اى موقف سئ بقابلة وخصوصا انى رايح جى على طريق شرم- القاهرة فلا داعى للخوف واقلقالموضوع عاوز وقت بس

[THE_HERO2005]

الف شكر لكل الاعضاء

[فاطومه المصريه]

معقوله كل دة ؟؟؟
معلش فترة وتعدى ان شاء الله

[AbOnOrA]

بص باختصار شديد
كلنا كنا كده فى الاول بدرجات مختلفة انا بالنسبالى محسيتش بدة اوى علشان اتعلمت على عربيات مستعملة وفى اماكن هادية لكن اول مجبت عربيه بفلوسى ولسه زيرو كنت خايف حتى على الطاسة تقع وده كان بيخلى الواحد ماشى واعصابة مشدودة وده بالعكس بيخلى الواحد يغلط اكتر وطبعا يتعب اكتر واكتر من السواق المتعبة طبيعى اليومين دول
لكن الطبيعى ان السواقة كلها افعال شبه لا ارادية بتيجى كنتيجة للتوافق العضلى العصبى للسائق المتمرس
بس كل الكلام ده حاجة وتقدير الظروف حاجة تانية
فيه اوقات فعلاً بيبقى المترو اجدع مليون مرة يعنى انا مثلا ساكن فى عين شمس ساعات ابقى نازل وسط البلد مشوار صد رد او المعادى او شبرا او المهندسين والجيزة عموماً
ساعتها بنسى العربيه واخد شنطتى على كتفى واسيب نفسى للمترو دقائق وابقى وصلت دقائق واروح ولا عصبية ولا قريفة ولا مفاجاءات مع ان المترو بيبقى ليه مفاجاءت برضو بس حتى مفجاءته المزعجة كده كده بينعكس تأثيرها على الشارع بره فكله محصل بعضه

وعلى العكس عندك كذا مشوار فى اليوم فى كذا مكان بعيد عن بعض معاك شنطة عدة معاك ناس معاك فلوس كل ديه حالات افضل تمشى بعربيه

فأنت المشاوير الصعبه ديه مش لازم تعذب نفسك فى السواقة بيها قضيها بالمترو وخلى العربيه للخروجات الضرورية وللاستمتاع برضو بالسفر او الحركة فى المناطق اللى مش زحمة او فى الاوقات الرايقة ومع الوقت هتتجاوز المرحلة ديه