شرح مفصل للكورونا منذ بداية اختراعها الى الان

[Injection]

المشاركة الأصلية كتبت بواسطة sherif ride بص بخصوص اول جزء من ردك و هو أنى القاررىء هيفلص منك ! المواضيع اللى من النوعية دى ليها قارئين حد عنده حب المعرفة و عاوز يعرف اكتر (ركز اوى على النوع ده) و النوع التانى اللى هيشوف الموضوع بالصدفة و مسألت انه يقرأ او لا دى على حسب اسلوبنا فى الكتابة و السرد اللى أنا شخصيا فاشل فيه انا ليه بقولك ركز على اللى بيحبوا يعرفوا و يبحثوا عن المعرفة علشان نلف بالموضوع و نيجى لحكاية الترجمة كأنها غش أكيد انت عارف انى المحتوى العربى على الأنتر نت فى المجالات العلمية المختلفة سواء بشكل تخصصى او أجتهادى (مثلى كده) نادر ان لم يكون موجود و طالما ربنا كرمنا باللغة اللى ممكن بيها نساعد ناس كتير غيرنا للوصول للمعلومة ده فى حد ذاته رسالة (حلو رسالة دى) مش مسألت غش و خلاص و على فرة ان مكنش عندك خلفية عن اللى انت بتكتب عنه عمرك ما هتفهم و تعرف توصل المعلومة لحد بعد و كمان الترجمة معروف انى الترجمة لازم تعرف انت بتتكلم فى موضوع ايه أنا شايف انى الموضوع ده أكبر من حكاية موضوع فى منتدى بصراحة مش فى العربيات ولا الميكانيكا و لكن فى كل شىء مثلا الموسوعة الحرة ويكىبديا على الرغم انى احنا 420 مليون نسمة بنتكلم عربى كلغة أم الا اننا لا نهتم مثل هذه المواقع ولا ايه رايك يانجيكشن + انى فى الزمن اللى احنا فيه ده نحمد ربنا على نعمة العقل و العلم و كده يعنى و ربنا يوفقنا بما فيه الخير للأمة العربية و الاسلامية و الدجرماطية اسمع احلى على اخر سطر بقى مستنى رايك يا استاذ انجيكشن

ماشى ياباشا, بس على فكرة أحنا جامدين أوى, ده أنا كنت مشارك فى ويكبيديا مصرى بمقالتين تلاتة, وكان ليا مقالة عن غاندى من ويكيبديا الأنجلش كانت مقالة مختارة وكانت من أطول وأحسن المقالات فى ويكيبديا مصرى, بلا فخر يعنى, وشغل جامد وكده.

بخصوص الترجمة, مفيش حد طبعا عارف كل حاجة, بس المشكلة لما أجى أكتب موضوع عن حاجة أنا عارفها, وأضطر أدور على جزئية نسيتها, أو جزئية زيادة فى الشرح, وأنا أصلا بكتب من دماغى.

وويكبيديا العربى دى مصييييييييييبة بكل المقاييس, أدخل على العربى الاقى مقالة صغيرة بتاع فقرة واحدة أو ملاقيش حاجة, وأدخل على الأجنبى الأقى مقالة طول بعرض محتاجة مهندس دكتور طيار علشان يفهمها, بس مش ده قصدى, المقالات فى ويكيبديا الأنجليزية أكثر بكتير من العربى ومكتوبة بأحترافية غريبة تشكك فى نفسك, وصعب تدور على حاجة بالأنجليزى فى جوجل من غير متلاقى ويكيبديا فى وشك أول أختيار.

وطالما عجبتك ويكيبديا, يبقى أدخل على encyclopedia dramatica هيعجبك أوى ,وأكيد برضه عارف howstuffworks.com

والكلام ليك برضه يادوك

وبطل تفكرنى بقى بموضوع تجارة ده, الواحد مابيصدق ينسى, وأهى الدراسة جاية وهرجع للقرف وأدارة الأعمال تانى, أشمعنى محدش عايز كورس فيها دى؟

وأحب أقول لكل شاب وكل فتاة, لو مش عارف حاجة فى الميكانيكا, أتصل ب 090000000 وهتلاقى المهندس كاربراتير وأنجكشن بيردوا عليك يجاوبوا على أستفساراتك, سعر الدقيقة 150 جنيه, هو العلم بيكيل بالبتنجان ولا أيه

[SHERIF MARLBORO]

المشاركة الأصلية كتبت بواسطة Injection ماشى ياباشا, بس على فكرة أحنا جامدين أوى, ده أنا كنت مشارك فى ويكبيديا مصرى بمقالتين تلاتة, وكان ليا مقالة عن غاندى من ويكيبديا الأنجلش كانت مقالة مختارة وكانت من أطول وأحسن المقالات فى ويكيبديا مصرى, بلا فخر يعنى, وشغل جامد وكده. بخصوص الترجمة, مفيش حد طبعا عارف كل حاجة, بس المشكلة لما أجى أكتب موضوع عن حاجة أنا عارفها, وأضطر أدور على جزئية نسيتها, أو جزئية زيادة فى الشرح, وأنا أصلا بكتب من دماغى. وويكبيديا العربى دى مصييييييييييبة بكل المقاييس, أدخل على العربى الاقى مقالة صغيرة بتاع فقرة واحدة أو ملاقيش حاجة, وأدخل على الأجنبى الأقى مقالة طول بعرض محتاجة مهندس دكتور طيار علشان يفهمها, بس مش ده قصدى, المقالات فى ويكيبديا الأنجليزية أكثر بكتير من العربى ومكتوبة بأحترافية غريبة تشكك فى نفسك, وصعب تدور على حاجة بالأنجليزى فى جوجل من غير متلاقى ويكيبديا فى وشك أول أختيار. وطالما عجبتك ويكيبديا, يبقى أدخل على encyclopedia dramatica هيعجبك أوى ,وأكيد برضه عارف howstuffworks.com والكلام ليك برضه يادوك وبطل تفكرنى بقى بموضوع تجارة ده, الواحد مابيصدق ينسى, وأهى الدراسة جاية وهرجع للقرف وأدارة الأعمال تانى, أشمعنى محدش عايز كورس فيها دى؟ وأحب أقول لكل شاب وكل فتاة, لو مش عارف حاجة فى الميكانيكا, أتصل ب 090000000 وهتلاقى المهندس كاربراتير وأنجكشن بيردوا عليك يجاوبوا على أستفساراتك, سعر الدقيقة 150 جنيه, هو العلم بيكيل بالبتنجان ولا أيه

أنا برضوا قعدت فترة اكتب مقالات فى ويكى العربية بس يأست ما علينا
أنا عنفسى هكمل و عاوز اكتب عن البساتم و عملية الاحتراق

[حسام البورسعيدى]

موضوع جميل وعلى فكره شرح الكورونا قليل اوى على النت فانت كده عملت موضوع هايل .. تسلم ايدك ويا ريت تكمل ..

وبالنسبة للمعلمين والاسطاوات ..هههههه .. انا برضوا بدأت اعمل شغل عالى اهه وعملت موضوع عن شرح موتور العربية بفكرة عمله وانواعة المختلفه والاشواط وكده باسلوب بسيط ..
وكمان شرح للفتيس المانيوال والاتوماتيك .. والله اخدوا منى مجهود رهيب وبالاخص علشان كل كلمه فيهم مدعومه بالصور ..

ايه رأيكوا نتعاون ونعمل موسوعة عن كل ذرة فى العربية وكلنا نتشارك بمعلوماتنا علشان نعمل حاجة مميزة ؟؟؟

كده ميه ميه والله انا بفرح لما الاقى ناس بتحب العربيات والميكانيكا ...

والف شكر مرة تانيه على الموضوع والفيديوهات الجامده ...

[السيد العيسوى]

موضوع ممتاز 0000 شكرا

[mido_4up]

أرفع لك القبعه احتراما لهذا الموضوع