|
سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
أدوات الموضوع |
#1
|
||||
|
||||
شرم الشيخ
بلد رائعه بكل المقاييس ، أنا حاتكلم علي خبرتي العملية من اسكندرية لشرم الشيخ و علي القارئ مراعاة الفروق
طرق السفر 1- بالطائرة - حوالي ساعة - ممتازة - غالية - مريحه 2- بالاوتوبيس - حوالي 10 ساعات - سئ - أرخص - متعبه - بهدلة من نقاط التفتيش 3- العربية: حوالي 9 ساعات - أريح من الاتوبيس - أقل بهدلة في نقاط التفتيش من الآخر لو لوحدك الطيارة ثم الاتوبيس لو معاك اسرتك الطيارة ثم السيارة المسافة من اسكندرية لشرم حوالي 750كم أفضل توقيت لبدء السفر الساعة 2 صباحا أفضل طريق : اسكندرية القاهرة الصحراوي - المحور - كوبري 6 اكتوبر - طريق السويس - طريق شرم (طريق وحيد) لو سافرت في أوقات زحمة يبقي استبدل المحور و كوبري 6 اكتوبر بالدائري و العودة كذلك الإقامة في شرم الشيخ كلما كانت اقرب لخليج نعمه كلما كانت افضل ، لو معاك العربية ممكن تقيم في أي فندق بعيد و تتحرك بالعربية التاكسيات هناك أسعارها غالية جدا - ابسط مشوار بـ 20ج الميكروباصات متوفرة و اسعارها رخيصة المطاعم غالية ، لو عايز في المعقول يبقي ماكدونالدز و بيتزاهت أو تنزل شرم البلد و جرب نجمة سيناء (أسماك) و حتلاقي مطاعم عادية كتير بعض وسائل الترفيه و الرحلات التي تنظم بواسطة شركات او مكاتب: المركب الزجاجي (جلاس بوت) ، الغطس ، يوم كامل براس محمد يشمل التنقلات و الاكل و عدد الغطس السطحي لرؤية الأعشاب ، المركب الموزة (البانانا بووت) ، و حاجة تانية عبارة عن مركب تشدك بسرعة و تكوت لابس براشوت و تنزل الماء و تاخد كرباج محترم طبعا سفاري بالبيتش باجي الأسعار متفاوتة ، أفضلهم و أغلاهم مكتب اسمه (صن اند فن) و بالمناسبة اصحابه اصلا اسكندرانيه ده كل اللي جه علي بالي دلوقتي ، لو افتكرت حاجة تانيه حابقي اضيفها
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
#2
|
||||
|
||||
رد: شرم الشيخ
تسلم ايدك يا باشا بس اسعار الاقامة ايه ؟
|
#3
|
|||
|
|||
رد: شرم الشيخ
ألف شكر يا باشا على المعلومات القيمة ..... شوقتنا فعلا نروح شارم تانى .... من سنة 85 أيام الشقاوة ... و كانت لسة طازة و فاضية و الخليج كان كله خيم فقط ..... شكرا على مشاركتك لنا .... بس برضه إسكندرية تكسب
__________________
تحياتى م/ طارق زياد SPERANZA A620
|
#4
|
||||
|
||||
رد: شرم الشيخ
اسكندرية طبعا تكسب
الطرشي لازم برضه ، حيبقي كله عسل واسعه الطرشي دي مش كده :D ------------------------------------------------------------------------- أسعار الإقامة بتتغير بسرعه و علي حسب الموسم و علي حسب الطلبات أنا شخصيا أفضل تخفيض ثمن الاقامة قدر الامكان (حسب طبيعة الرحلة) لو الرحلة شباب مع بعض يبقي بيت الشباب بتاع شرم الشيخ تحفه أو ممكن تأجير شقة بس بيت الشباب أفضل لو couple يعني زوج و زوجته و أطفال تحت 6 سنين يبقي حاتصرف كتير و الفندق المعقول ممكن يبتدي من 200 بالفطار لغاية 1100 (5 starts all inclusive) أمثلة: فندق روزيتا (350ج) الليلة بالفطار و العشاء - أربع نجوم فندق هيلتون دريمز (600) بالفطار - خمسة نجوم فندق نعمه باي (550) بالفطار - ؟ مش فاكر لو أسرة متوسطة أو كبيرة يبقي تأجر شقة عادية أو بخدمات فندقية بدون أكل (من الأماكن ذات السمعه الجيدة دلتا شارم) الأسعار تقريبية لأنها بتختلف من سنة لسنة و من موسم لموسم بس لو الظروف تسمح أحسن وقت الشهور 2 و3 و4 و 9و10و11
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
التعديل الأخير تم بواسطة islam_galal ; 08-07-2008 الساعة 09:56 AM سبب آخر: اضافه |
#5
|
||||
|
||||
رد: شرم الشيخ
الله يمسيه بالخير أستاذ "محمد فاضل" كان عامل لنا عرض محصلش والله أيام ما كان مدير فندق "شرم ريف" في شرم الشيخ ... وانا رحت واستمتعت بالأقامة هناك ةاستفدت منالعرض جدا لدرجة أني قعدت 10 أيام بحالهم
مافيش عروض كده وللا كده يا جدعان ؟ |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
د.عبدالمنعم أبوالفتوح رئيسا لمصر | ahmed_harb777 | ثورة الحرية 25 يناير | 84 | 23-05-2012 11:08 AM |
نبذة عن شيخ الصابرين عمر عبد الرحمن فك الله أسره | سيف الرحمن11 | استراحة مصر موتورز | 0 | 18-02-2012 10:31 AM |
هذا شَيْخنا .... فليـُرينا امرؤٌ شيخه | سيف الرحمن11 | استراحة مصر موتورز | 0 | 17-02-2012 12:01 PM |