|
#986
19-09-2010, 08:33 PM
|
|||
|
|||
رد: أدب الرحلات
التالت هينفخنا ان شاء الله علي ايدك يا عم خالد خلينا يا عم ماشيين جنب الحيطه لان بعد كدا مش هنلاقي الحيطة ديه 
|
|
#987
19-09-2010, 09:27 PM
|
||||
|
||||
رد: أدب الرحلات
طب هو ميــيــيـيــيـيـيـيـن
|
|
#988
25-09-2010, 11:55 PM
|
|||
|
|||
|
رد: أدب الرحلات
هقولك يا عم خالد في ودنك لما نشوفك علشان الحيطان ليها ودان ومش لبسه حلاقان
|
|
#989
26-09-2010, 02:17 AM
|
||||
|
||||
|
رد: أدب الرحلات
يوم حريق الأعصاب
وفى يوم كنت مسافر بنى سويف وخرجت متأخرا كالعادة السيئة بتاعتى (سبق انا قلتها )ولا اعرف ايه حكاية موضوع (اللحظة الأخيرة ) ده كل شىء على اخر لحظة المهم وجدت انى متاخر ومعايا بضاعة كتير وحاجات تقيلة ولم اكن اشتريت السيارة المسكينة بتاعتى اللى لو اصحاب شركة نيسان عرفو اللى بعمله فى العربية دى وكم الاهانات اللى بتاخده منى واللى كان سبب ان ناس كتير اشترتها لكانو عملو لى تمثال فى قلب ميدان العتبة فرع اليابان او حتى فى قلب ميدان ام كوتوموتو اليابانية الشهيرة واخدت تاكسى ويافكيك على رمسيس لكن فكيك مين ده السواق طلع ابرد من 10 زى جمال يااسطى شد حيلك شوية ببلاهة وتناحة وغباء مع بعض / يعنى انت عايزنى اعمل ايه افوت الموتور علشان خاطرك ياعم ده انت ماشى بسرعة 20 هيا عربيتك موتورها هيفوت لو مشينا على 40 بغباء متناهى / ممكن ليه لأ هو حد يعلم الغيب؟؟؟ ثم انت طالع متأخر ليه ؟؟؟؟ مسكنى من ايدى اللى بتوجعنى لكن رديت / محدش يعرف ظروف الناس واهى ظروفك برضه خلتك تركب معايا بمنتهى الهزيمة / عندك حق ووصلنا المحطة اخيرا بعد فاصل من غليان الاعصاب وببص فى الساعة لقيت الساعة 4 بالظبط ياخرااااابى السائق / فيه ايه 990 هيطلع دلوقت من رصيف 8 وسالنى اغبى سؤال فى العالم / مين 990 ده واحد صاحبى ربنا يخليكو لبعض وجريت وانا البضاعة على كتفى وعلى دماغى وحاجات مدلدلة من رقبتى ومنظرى كان عجيب وانا على باب المحطة لمحت رصيف 8 من بعيـيـيـيـيـيـيـيـد (وقتها من التعب تخيلت ان رصيف 8 على بعد 100 كيلو رغم ان المسافة تقريبا اقل من 100 متر)ولمحت القطار واقف وسمعت فجأة صوت الصفارة الأولى (حين يتحرك القطار يطلق صفارة اولى قصيرة ثم صفارة طويلة يتحرك بعدها) وجريت لكن مع الاحمال الثقيلة والتى زاد من ثقلها الوضع غير المنظم لها بدأت الانفاس تتقطع والروح كادت ان تزهق (تطلع يعنى ) ثم صفر القطار الصفارة الطويلة وبدأ القطار فى التحرك وضربت عينى على كابينة القيادة ياكرم اللـــــــــه ده عم ابراهيم وناديت عليه بأخر نفس متبقي من أنفاسى المتقطعة ياعم ابراااااااااااااااااااااا اهيم ولمحنى وفرمل فرملة خفيفة ووقف القطار ثوانى ونادى عليا / اجرى يابنى شوية هتجيبلى جزا وهيخصمو الحوافز بسببك وانا خلصت بنزين لكن كنت وصلت بجوار القطار ومش قادر اركب وعمك ابراهيم ميقدرش يقف ازيد من كده واتحرك ونادى على واحد واقف على الرصيف عم ابراهيم بهزار / معلش ارمى لنا الجدع ده جوه القطار علشان الحجز م يروحش عليه ولقيت الراجل جه شال كل حاجة معايا وسابنى امشى لوحدى ورمى كل حاجة جوه عربية الباور وانا مش قادر ولقيت عامل عربية الباور مسكنى من ايدى ورمانى جوه ولم احس بنفسى الا على الارض ثم بعد دقيقتين و قبل ان اخد نفسى فوجئت بيه بيكلمنى بغلظة / يالا يااستاذ انت هتنام هنا ؟؟؟؟ ممنوع .... احنا ركبناك علشان خاطر عم ابراهيم وشلت كل حاجة وببص ف تذكرتى لقيت انى حاجز فى عربية 7 ياخرااااااابى دى عايزة لها تاكسى المهم بعد زمن ليس بالقصير وصلت الى الكرسى ويادوب ريحت جسمى ومفيش ساعة ولقيت اننا داخلين بنى سويف ايه ده ؟؟؟ بسرعة كده ؟؟؟؟؟ وخرجت من القطارمنهكا مرهقا وتماسكت وخرجت خارج المحطة وناديت على تاكسى تاكسى ...شارع الرياضى لو سمحت تعالى وجرى ركن على بعد ييجى 30 متر م انت كنت جنبى لازم تجرينى ؟؟؟؟ ونادى عليا / اسرع شوية يااستاذ احنا معطلين الطريق بقرف وغيظ / حاضر وجريت وانا اعصابى مولعة من هؤلاء الاغبياء رايح فين شارع الرياضى فين فى الرياضى عند أزأز بتاع اللب ماشى ونزلت وكنت مودى طلبية بمبلغ كبيروبصراحة كنت مستنى المبلغ ده لانى هدفعه تانى يوم كله ونزلت من التاكسى لاجد مفاجأة وجدت صاحب المحل اللى طلب الطلبية غير موجود والمحل مغلق يانهار ابيض ذهبت الى احد جيرانه وانا قلبى يدق خشية ان يقول لى انه مثلا سافر او باع المحل صاحب المحل ده فين اه تقصد الاستاذ احمد ؟؟ اه راح مشوار وموصينى عليك ,,,انت الاستاذ خالد ؟؟؟؟ اه طب اقعد استناه وتنفست الصعداء واحضر لى كرسيا وجلست انتظر الاستاذ احمد فى الشارع ومر الوقت ثقيلا جداااااااا والساعة لاتريد ان تمشى فانظر فى الساعة فاجدها 6 مساء ثم بعد ساعة انظر فيها فأجدها 6 وخمسة ثم بعد 3 ساعات فاجدها 6 وربع ايه ده هيا الساعة بقيت 180 دقيقة والا ايه وانا فى قمة الغيظ واخيرا جاء الاستاذ احمد وللحق هو لم يتأخر فوصل 6 ونص لكن انا الذى كنت منتظرا اياه والانتظار يجعل الوقت لايمر اهلا ياباشا اهلا يااستاذ احمد انت جاى فى الميكروباس ؟؟ لا والله ده انا حتى حاجز فى الاسبانى كمان ؟؟؟؟ اومال شكلك مبهدل ليه ؟؟؟ ونظرت الى نفسى فى المرآة ووجدت شعرى منكوش ووجهى احمــــــــــر وقميصى خارج منه جزء من البنطلون واستــأت( قرفت ) من نفسى فغسلت وجهى ووضبت نفسى ثم جلسنا وحسبنا البضاعة والفاتورة وبعد ان انتهينا قال لى جملة احسست بعدها ان برج القاهرة سيقع على رأسى والله يا أستاذ خالد انا مكسوف منك لكن والله م معايا ولاتعريفة والدرج اهو فيه نص جنيه تمالكت اعصابى بالعافية وقلت / والحل ؟؟ وكاد ان يقول كلاما ثم غيره وسكت ثم قال / احنا نجيب طبقين كشرى نتغدى ونشرب الشاى وربنا يفرجها بعد كده واحسست انه يراضينى وقلت فى نفسى / ده انت عليك 5000 جنيه هتبيع بيهم فى 4 ساعات ؟؟؟؟ ولكن قلت رزق ربنا كتير المهم بعتنا جبنا اكل واكلنا وشربنا الشاى ومفيش زبون دخل المحل وانا اعصابى شااااااااااااااطت وولعت ولابركان فيزوف اللى دمر ايطاليا زمان وبقت الساعة 9 بالليل وكل اللى باع بيه 120 جنيه وانا تقريبا حدث لى عدة ثقوب (خروم) فى دماغى والساعة وصلت 10 بالليل والقطارمعاده 11 الا ربع وانا نافوخى واعصابى بهما حريق مشتعل هقول للناس اصحاب الفلوس ايه بكرة وانا مبستحملش كلمة من حد والساعة بقت 10 وربع وفجـــــأ ة دخل واحد المحل وقال / ازيك يااستاذ احمد انت ليك عندى 4000 جنيه من 5 سنين وكنت بتهرب منك لانى مكانش معايا فلوس وربنا بعت لى فلوس من نص ساعة حلفت م تبات وضحك احمد صاحب المحل وقال له / يعنى انا بجرى وراك من 5 سنين ومحبكش تجيبهم الا دلوقت ؟؟؟؟ ونظر ناحيتى وضحك وقال للراجل / اديهم للاستاذ خالد واخدت نفس عميـيـيـيـيـيـيـيـق لكن لسه الفلوس ناقصة لكن اهو الحمد لله احسن من مفيش والساعة بقت 10 ونص وباقى ربع ساعة على موعد القطار (وقتها كانت السكة الحديد تظبط عليها الساعة سنة 1998 فى عهد الوزير المحترم ابراهيم الدميرى ) ثم دخل شخص معاه ورقة طويلة وعايز بضاعة وعمنا احمد عايز يمشينى علشان الحق القطار وسأل الراجل / هتشترى بكام فقال / 3000 احمد / هات 1000 باندهاش / اتفضل احمد / اتفضل ياعم خالد ال1000 علشان تلحق القطار ولسه هاخد نفس عميـيـيـيـيـيـيـيـيـيـيـي ـق ولكن كلمة القطار نبهتنى ونظرت فى الساعة فوجدتها 11 الا تلت يانهار ابيض وخرجت جرى من المحل وناديت على تاكسى / المحطة؟ اركب ركبت ووصلنا 10 وتلاتة واربعين دقيقة وسمعت ناظر المحطة ينادى فى الميكروفون / قطار 868 يصلنا حالا ونزلت من التاكسى جرى وروحت اقطع تذكرة وصاحبنا الصراف باااااااااااااااااااااااا ااااارد ياعم خلص القطار داخل ببرود / م جيتش بدرى ليه طب هقول له ايه ده ياعم خلص علشان نلحق هات الاشتراك اتفضل هات 3 جنيه ونص اتفضل حظك الحلو قطعنا التذكرة وقفل على القطار (قبل موعد القطار بكام دقيقة يمتنع الكومبيوتر عن صرف التذاكر / مبرمج على كده ) وقطعت التذكرة وتنفست الصعداء ولكنها العادة الزفت اشترى ياواد زجاجة مياه تعوض بيها كمية العرق اللى نازل انهار من بدرى وعلبتين عصير يعوضوك عن حريق الاعصاب ده ونسيت نفسى وفوجئت بصفارة طويلة يانهار ابيض القطار طالع وجريت وراه ولحقته فى نص الرصيف وارتميت على الكرسى ولم احس بنفسى الا فى القاهرة وخرجت فى محطة القاهرة وانا اتنفس نفس عميق ايه اليوم ده اعصاب محروقة طول النهار الحمد لله اليوم خلص بس انا خلصت معاه التعديل الأخير تم بواسطة خالدخليفة ; 26-09-2010 الساعة 02:51 AM
|
|
#990
26-09-2010, 03:40 AM
|
||||
|
||||
|
رد: أدب الرحلات
لكل مجتهد نصيب يا استاذ خالد
فكرتني بموقف كان حاصل معايا ايام ما كنت مندوب بيع في شركه ادويه (بفكر اعمل مذكراتي في المبيعات تيمنا بحضرتك في سرد قصه حياتك ) المهم كان مطلوب مني تارجت كبير في يوم واحد حوالي 5000 جنيه و عمال الف و ادور طول النهارد ما شوفتش طعم الراحه غير و انا بصلي في اي جامع يقابلني و طول النهار عمال الف علي صيدليات و مافيش حد عاوز يعمل اي طلبيه لان كنا في آخر الشهر و خرجت عن خط السير و طلعت ارياف (ماهو الغريق بيتعلق في قشايه) رغم ان عارف ان مافيهاش شغل بس قولت انزل وربنا يعمل ما فيه الخير المهم رجعت ايد ورا و ايد قدام بعد تلات ساعات بحاول مع الصيادله و راجع في ميكروباص و نزلت الموقف(مكنش معايا العربيه اليوم دا كمان) و خلاص الساعه بقت واحده و نص بالليل و انا من الساعه 11 في زيارات و مقابلات مع العملاء و بالتليفون و حاجه اخر هم  و انا ماشي من عند موقف الزراعه (موقف كفر الشيخ) قولت اتمشي لاني زهقان و مش عاوز ارجع البيت و بعدين و انا ماشي لحد نادي البلديه لقيت صيدليه فاتحه و الدكتور عربيته بره و كان قليل جدا لما الصيدلي دا يكون موجود في صيدليته و عمري ما عملت معاه اي طلبيه قبل كده قولت ادخل و ربنا يكرم ما نشوف المهم قريت الفاتحه و دخلت و بتكلم معاه و لقيته بيسأل عن الكينا كومب( كريم للتسلخات من شركه سكويب اللي كنت شغال فيها) قولتله عندي قالي ال 100 عليهم كام (بونص يعني) قولتله ال 500 عليهم 100 !!(كان اعلي شريحه في البونص) قالي كتير عليا اوي قولتله دا كيناكومب و حيطلع بالوصف و مش حيخسر معاك قالي اوك هات 500 كينا كومب كريم قولتله و كمان المرهم عليه نفس البونص و مش حضمنه الشهر الجاي ابتسم و قالي طب هات كمان 500 كينا كومب مرهم و انا بقيت مش مصدق نفسي قالي بس انا عندي مرتجعات كتير (دواء منتهي الصلاحيه ) قولتله نشوف كده لقيت جايب كرتونه و فيها مش اقل من 1500 مرتجعات المهم قالي اعملهم استبدال (قولت الحمد لله مش حيخصمهم من الطلبيه ) لما قال كده فكرت في فكره (خصوصا انا عارف ان استهلاكه عالي وبيحب البوانص) قولتله بدل ما نستبدلهم و يبقي ما فيش افاده انا ممكن اديك كمان 500 فيلوسيف كبسول عليهم نفس البونص قالي كتير عليا قولتله طب انا حعمل معاك واجب قالي ازاي قولتله حبعت ليك ال 500 فيلوسيف مشكل(200 كبسول و 150 شراب و 150 حقن) و برضه البونص بنفس النسبه بتاع الطلبيه قالي توكلنا علي الله مش حرجعلك كلمه شكلك شاطر  و قبل ما اختم الاوردر سألت اللي في الصيدليه شوف النواقص اللي عندك لقيت عنده نواقص بحوالي 1000 جنيه كمان قولت يا انت كريم يا رب خرجت من عنده علي وعد ان حبعت له البضاعه كلها بكره او بعده بالكتير و استلم الشيك و حأجل دفعه كمان شهر علشان الطلبيه كبيره خرجت من عنده قولت الحمد لله و كنت مبسوط اوي و رحت احلي مطعم كباب فيكي يا محله واكلت نص كيلو كباب لوحدي!!!!!!!!!!!! و رجعت البيت و انا معايا اوردرات ب 500 جنيه و اوردر بتاع صاحبنا دا ب 12000 جنيه حته واحده و نايم و انا بحمد ربنا و رحت الشركه تاني يوم طبعا لو سلمت الاوردر كله مره واحده حيجوا تاني يوم يسألوني عن ارقام جديده و دي عاده زفت في شركات الادويه عمرهم ما بيقولوا شكرا. و بلغت شغل ب 6000 الآف جنيه من الطلبيه و المدير كان مبسوط و قال عاوزين النهارده نفس الرقم ال 4000 جنيه دي قليله عليك قولتله وانا رقبتي سداده و نزلت اشتغلت ربنا كرمني ب 3000 جنيه شغل عادي بقي معايا شغل ب 9000 جنيه و دا كان اخر يومين شغل في الشهر و تقفيل حسابات و اخدت يومين راحه و كان من اجمل لحظات حياتي و احلي ايام عيشتها رغم الارف اللي كنت بشوفه
__________________
حـازم خـضـر
|
 |
|
|
