|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
||||
|
||||
ايه اللي ممكن يحصل موتور 1600 راكب علي شكمان 1000 ايه اللي ممكن يحصل
السلام عليكم ورحمه الله وبركاته تقبل الله منا ومنكم صالح الأعمال كل سنة وانتم طيبين.......الحمد لله انا سقطت موتور 1600 وركبت ماسورة علي ماسورة الفرن اللي نازلة من الموتور علي اول علبة في الشكمان وطبعا ماسورة 1600 نازلة من الموتور اعرض من ماسورة شكمان الموتور اللي كان فيها ال1000 سي سي فركبت الماسورة الوصلة دي مؤقتا لغاية مااغير الشكمان كله دلوقتي العربية حاسسها مكتومة في السحب شويه وباين من صوتها اللي ممكن يحصل للموتور واحد قريبي قاللي المكنة هتفوت منك كده ومؤقتا اخرم الماسورة اللي وصلتها من الموتور للشكمان القديم بشنيور كام خرم كده تنفس الضغط هغيره قريب ان شاء الله........ايه اللي ممكن يحصل؟
ملحوظة:لسه الموتور ببوجيهاته وسيوره وفلاتره بس غيرتله زيت وصوت التاكيهات عالي سنة |
#2
|
||||
|
||||
رد: ايه اللي ممكن يحصل موتور 1600 راكب علي شكمان 1000 ايه اللي ممكن يحصل
اولا يا ريت حد خبرة اكتر منى يرد
ثانيا حرد مؤقتا لغايا ما حد خبير ير لو الفرق مش كبير يبقى الوضع المؤقت مش حيضر طالما مبتقرصش على العربية اما لو الفرق كبير بين القطرين و قرصت على العربية فموجة الضغط ممكن ترتد و تعمل اختناق يعيق حركة البستون فى شوط الطرد مسببا حمل فائق على الماتور ممكن يوئدى الى تبطيله و طبعا على المدى البعيد حيأثر على الشنابر f86b1903-b5fd-40b6-b1c0-d14776472b48 1.03.01
__________________
سبحانك لا علم لنا الا ما علمتنا |
#3
|
||||
|
||||
رد: ايه اللي ممكن يحصل موتور 1600 راكب علي شكمان 1000 ايه اللي ممكن يحصل
طبعا لازم تغير الشكمان لان اعتقد ان الفرق كبير ما بين 1000 و1600 سى سى ...
يستحسن انك تستعجل فى تغيير الشكمان ولو خرمته اعتقد هيطلع صوت عالى ومزعج ... ويا سيدى غير الشكمان علشان تعرف تفرح بالموتور الجديد ... بالنسبة لصوت التاكيهات ملوش علاقة خالص بالشكمان وممكن لو الصوت مش عالى اوى تعملها ضبط عند ميكانيكى (لو تاكيهات مش كستبانات) بس غريبة شوية ال 1000 سى سى يركب عليها 1600 سى سى هى عربيتك نوعها ايه ؟؟؟؟ اعتقد 128 .. صح ؟؟؟؟ |
#4
|
||||
|
||||
رد: ايه اللي ممكن يحصل موتور 1600 راكب علي شكمان 1000 ايه اللي ممكن يحصل
الباش مهندسين قالوا كل حاجة, لأزم تتغير بحاجة قطرها أوسع, كده أنت بتحط حمل جامد على الموتور, زى ماتيجى تتنفس وتخرج الهواء وأنت مغطى فمك بأيدك, وده هيبطأ سحب العربية جدا خاصة والموتور على عدد لفات عالى.
وطبعا ماسورة عادم مخصصة لموتور 1600 غير واحدة مصممة لموتور 1000, يعنى هابلولى كده من غير تفكير فيه 600 سى سى حجم فى السلندر زيادة لو أفترضنا هابلولى برضه من غير الدخول فى فيزياء الغازات والضغط فى السلندر وكده حوالى نص لتر مكعب هواء زيادة فى نفس الشكمان, وده هيزود الحمل على الموتور لأنه هيبقى أصعب أنه يطرد غازات العادم, وهيقلل من سحبه للهواء نظرا لعدم خروج غازات العادم كلها من السلندر وللضغط فى الشكمان الذى يمنع خروج الغازات بحرية, وغازات العادم اللى معرفتش تخرج وفضلت فى السلندر مش هتخلى البنزين يحترق بكفاءة وعلى ما أعتقد هتشم ريحة بنزين فى الشكمان. وصعب يكون للموضوع أثر كبير على الموتور فى الوقت الحالى, وبصراحة أنا معتقدش أن ليه أثر على الموتور غير "تكميمه" بس, لأن السيناريو المقترح أعلاه هيبقى عامل زى سد الشكمان بالظبط, الموتور هيبطل, أو كأنك واخد خبطة فى شكمان عربيتك, تدفق العادم هيبقى فيه قدامه عائق وهيقلل السحب جامد. بس بصراحة لأزم تغير, مش معقول هتجيب موتور 1600 وتخنقه وتقلل من قوته بشكمان زى ده. وحل التخريم ده بصراحة أفتكاسة جامدة قوى, ده لوحده هيخلى ريحة العربية من بره ومن جوه دمار شامل لأن شكمان العربية مش فى ضهرها من فراغ, ولو حفرت قبل علبة البيئة يبقى هتشم روايح أنما أيه, وهتلوث البيئة كمان, عايز تلوث البيئة؟؟؟, ده غير أنه هيهبب عند مكان الحفر سواء فى حوض الموتور أو تحت العربية, بس هيقلل الضغط جوه الشكمان فعلا ولو بصورة بسيطة وده طبعا غير الصوت الفظيع اللى هيطلع من الفتحات أجارك الله.
__________________
التعديل الأخير تم بواسطة Injection ; 13-09-2010 الساعة 03:19 PM |
#5
|
||||
|
||||
رد: ايه اللي ممكن يحصل موتور 1600 راكب علي شكمان 1000 ايه اللي ممكن يحصل
كلامك زى الفل يا انجيكشن
__________________
سبحانك لا علم لنا الا ما علمتنا |
|
|