|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
مشكلة في الباور ستيرنج
لدي مشكلة ثقل نسبي في الباور ستيرنج و أرجو الفادة من المتخصصين و ها هي المشكلة بالتفصيل:
1- السيارة آفيو موديل 2009 و عدادها 47000. 2- المشكلة بدأت بعد تغيير علبة الديريكسيون مباشرة (تضمنت عملية تغيير العلبة تغيير زيت الباور أيضا) و قد تم هذا التغيير منذ ستة أشهر. 3- لم أتمكن من متابعة عملية التغيير حيث أنها تمت في مركز التوكيل الرئيسي الغير مسموح فيه بتواجد العميل في الورشة. 4- نقطة مهمة و هي أن الباور يعمل جيدا عند بداية تشغيل المحرك حتى و السيارة واقفة لا تتحرك و لكنه يضعف بعد التحرك و استعمال الديريكسيون عدة مرات متتالية و يضعف أكثر على الطرق السريعة. 5- ضعف الباور يزداد أو يظهر سريعا إذا ما تم تشغيل التكييف. 6- صوت مضخة الباور ناعم جدا و المحرك عامة حالته ممتازة و لا تصدر منه أي أصوات غير طبيعية. 7- تم تغيير السير المجمع للباور و الدينامو و التكييف حديثا في التوكيل و لكن هذه المرة تحت إشرافي و لم تختلف المشكلة بعد التغيير عن قبله. 8- عند كسر الديريكسيون يمينا أو يسارا و الوصل لنقطة النهاية يسمع صوت مضخة الباور يعلو و لكن الصوت يظل ناعما رغم ارتفاعه و بمجرد إعتاق تارة الديريكسيون يختفي الصوت و أيضا لم يتغير هذا الصوت بعد تغيير علبة الديريكسيون عن قبلها. 9- زيت الباور منسوبه أعلى من علامة MAX من بعد عملية تغيير العلبة و لا ينقص أبدا و لا يوجد تسريب من أي نوع و لونه أحمر غامق جدا يميل للبني. 10- أقوم باستمرار بتشحيم و تنظيف و تربيط عفشة السيارة في المواعيد المقررة و في التوكيل كما أقوم بضبط الزوايا و الإتزان و ضغط الإطارات المملوءة نيتروجين باستمرار. 11- عندما عرضت المشكلة على التوكيل قاموا كالعادة بتقديم إجابة مبتكرة ألا و هي أن علبة الديريكسيون تحتاج لفترة طويلة للتليين و الوصول للأداء المطلوب و عندما قمت بلفت نظرهم أن علبة الديريكسيون تم تغييرها من ستة أشهر كاملة قاموا بتقديم إجابات أخرى أكثر ابتكارا لا يوجد لها مكان في هذا المنتدى المحترم. 12- أرجو من السادة الزملاء أعضاء المنتدى من المتخصصين التفضل علينا ببعض أفكارهم و محاولة مساعدتي لأكون تصورا مناسبا للمشكلة حتى يمكنني اتخاذ القرار السليم و أرجو أن تكون المشاركات محتوية على ما تيسر من الشروحات لل fundamentals المتعلقة بالموضوع. 13- أرجو أيضا أن يضيف الزملاء العارفين بأماكن ورش الصيانة بعض العناوين و التليفونات الخاصة بالورش المتخصصة في إصلاح السكاترا (علبة الديريكسيون) و شكرا لكم جميعا,,,,* |
#2
|
|||
|
|||
رد: مشكلة في الباور ستيرنج
بصراحه حضرتك عملت اللي عليك و زياده مع العربيه
نصيحه بيع العربيه لان مسلسل المشاكل لا ينتهي مع الافيو |
#3
|
||||
|
||||
رد: مشكلة في الباور ستيرنج
|
#4
|
|||
|
|||
رد: مشكلة في الباور ستيرنج
شكرا على الإهتمام و الرد المبذول فيه مجهود يا أستاذ أحمد علي - سأقوم بتغيير الزيت و أبلغك بالنتيجة و لكني أرجو أن تتم جميلك و تخبرني بنوع زيت مناسب كما أنني بحاجة لمعرفة ما هو و كيفية ضبط "هواء الدورة" إذا ما كان هذا شيئا مهما
|
#5
|
||||
|
||||
رد: مشكلة في الباور ستيرنج
اتاكد من نوع الزيت من دليل المستخدم ( الكتالوج الى بيجى مع العربية )
لكن بافتراض ان الافيو زى اللانوس ( برضه اهل الخبرة من الميكانيكية المحترمين او مراكز الخدمة المحترمة بعيدا عن التوكيل يفيدوا اكتر) فمن دليل المالك للسيارة لانوس DEXRON R II-D او DEXRON R III بالنسبة لمستوى الزيت انا راجعت كتاب صيانة اللانوس (مش عارف الافيو زيها و لا لأ) ان و العربية باردة تماما الزيت المفروض يكون على ال MIN مش ال MAX و لما يسخن مع التشغيل بيرفع فحضرتك بتقول انه معدى الMAX بالنسبة لطريقة اخذ الهواء من الدورة برضه للسيارة اللانوس BLEEDING 1- و العربية مبطلة و باردة جدا احود الدريكسيون شمال على الاخر و تظبط المستوى على ال MIN يعنى فى حالة عربيتك حتنقص الزيت لغاية ال MIN 2- دور العربية و بمساعدة حد تانى زود بنزين شوية حافظ على المستوى من خلال تزويد زيت لو احتجت انه يفضل على ال MIN 3- يتم التخلص من الهواء الموجود بالدورة من خلال حود الدريكسيون الى اقصى اليمين و الى اقصى اليسار متجنبا وصول الدركسيون الى المصد (ودى نصيحة عامة فى السواقة العادية لاى عربية باور انك متجبش الدركسيون لحد ما يقف فى المصد حاول تتعود توقف قبل اخر مشواره بحتة صغيرة ) حتفضل تجيبه يمين و شمال لغاية لما كل الهواء يخرج من الدورة و تحس ان حركة الدريكسيون بقت طبيعية 4- حترجع الدركسيون للنص و تسيب الماتور داير لدقيقتين او ثلاثة زيادة 5- حتقفل العلبة و تمشى بالعربية و تجرب و تمشى بيها مدة كافيه لوصول الزيت لدرجة حرارة تشغيله الطبيعية (مش مكتوب اد ايه بس قول سواقة عشر دقائق) 6- اقف و تاكد ان الزيت على ال MAX لو كان اقل زوده لل MAX و أعذرنى انا كل ده مفترض انها نفس طريقة اللانوس برضه عايز حضرتك تتأكد من كلمة MAX المكتوبة على العلبة هل مصحوبة بكلمة HOT او كلمة MIN مصحوبة ب COLD و لا مجرد MAX و MIN فقط بس حضرتك مقولتليش ليه غيرت علبة الدركسيون؟ |
|
|