رد: استشاره فنيه
بسم الله
المشكله ممكن تبوظ لك الاسكترة بتاعة الدركسيون لو مشيت بيها مسافة بدون زيت فضلا عن تقل الدركسيون في التحريك و كمان مش هيديك آخر الدوران بسرعة يعني مش هتعرف تكسر الدركسيون للآخر لو مفيش فيه زيت
- و المشكله دي ممكن يكون سببها خرطوم الضغط او الراجع و دول لو التسريب فيهم ممكن تكبسهم عند اي حد بتاع خراطيم ضغط عالي
- و ممكن تكون ان الاسكترة بتجيب زيت من الاجناب من عند كاوتش منع التراب كده و دي بيبقي حلها انها يا اما تغيرها و ده حل غالي يا اما توديها يتغير ليها حشوة و دي عبارة عن اويل سيلات و جلب نحاس او زهر
- و ممكن تكون من الطلمبة بتاعة الباور و دي برضه بتتفك و بيتغير ليها اويل سيل الزور اللي هوه ورا الطنبورة علي طول او استك الوسط اللي بيبقي في وسط الطلمبة و دي مش هتكلفك كتير
و هما دول التلت حاجات اللي ممكن يعملوا المشكله دي
و خللي بالك لو المشكله من الطلمبة في اويل سيل الزور يبقي انتا مخللي السيور مشدوده زيادة عن اللازم و بعد ما تغير الاويل سيل اتأكد ان العامود اللي ماسك الطنبورة سليم و ماتحاولش تشد السيور زيادة عن اللزوم
و اي خدمة
م / سامح ليله
|
02-08-2010, 08:55 AM
