أنواع المطبات بمصر

[مهند سالم]

المشكلة مش بس في كدة يا دكتور ، المشكلة كما في الإنارة، في كثير من طرق مصر المحروسة، وخاصة طرق السفر من وإلى الأرياف، وبداخل القرى ليس فيها إضاءة، يعني حضرتك لو مش حافظ الطريق حتة حتى وشبر شبر، هتبقى كارثة؛ لأنك ببساطة مش هتشوف غير عربية طايرة وبتتهبد في الأرض ، وبعد ما تفوق تلاقيها عربيتك، والله أنا واحد زميلي عربيته الشاسيه بتاعها اتعوج قبل كدة بسبب حاجة شبيهة، وربنا يسترها علينا

[Ahmed_lol2007]

ياباشا أنا عندنا فى فيصل مش مطبات إحنا عندنا تكسير أسفلت يعنى تلاقى الشارع متسفلت 100 \100 وبعديها بأسبوع تلاقيهم بيحفرو عشان يركبو الغاز ويسفلتو تانى ويحفرو عشان المياه وخد من دة كتير وبقالهم حوالى سنتين مش بيسفلتو لغاية أما الشارع بقى زى الفل طول ما أنت ماشى تلاقى عربية مقطورة الدوبل بتاعها واقع فى حفرة ولا تكتك مقلوب عشان الطريق مليان مية (طبعا مواسير مكسرة وتيجى تقولهم أمال انتم كنتو بتعملو أيه يعيشو فى دور الطرش) وكمان الى أنتشر دلوقت عندنا اللى هو زى عين الكتكوت بس بالطينة يعنى كل واحد يكنس محله ويوزع التراب قدام المحل بتاعه ويرش عليه ميه بعد 3 أيام هتشوف أجدعها مطب
إحنا عندنا أجدعها عربية اللى تقعد 3 شهور من غيرما تغير حاجة فى العفشة

[miam0502788391]

انان شايف ان المطبات دى كلها اسلحة الغرض منها تدمير العدو قصدى السيارة

[c2bo]

مصر ام الدنيا
يعنى ام التقليع
يعنى ام المطبات

عظيمه يامصر

[احمد بدر1978]

انا بحس ان الى عامل المطبات دى بيكون عندة ورشة عفشجى زى كدة بتاع الكاوتش الى تلاقية رامى مسامير فى الشارع