#1
|
|||
|
|||
ياجماعة حيرتونى اشترى ولا لأ ؟
ياجماعة حيرتونى بجد .
بعد ما كنت ناوى خلاص اشترى ام 11 اصبحت الان متردد جدا فيها بعد المقابلة التى تمت لملاكها يوم الجمعة الماضية والاتفاق على وجود مشاكل فى السيارة .[IMG]http://www.**********.net/Nile/images/smilies/majd%284%29.gif[/IMG][IMG]http://www.**********.net/Nile/images/smilies/36_1_31.gif[/IMG] والان انصحونى اشترى ولا لأ ؟ |
#2
|
||||
|
||||
رد: ياجماعة حيرتونى اشترى ولا لأ ؟
بص يا باشا انا من أستخدامي للعربية 5 شهور بالظبط هقولك اني معجب بيها جدا فوق متتصور الي خنقني منها أوي اولا كل شوية أروح الصيانة أول مرة صيانة الألف كيلو قرفت وزهقت لأني بمل بصراحة من المشاوير دي تاني مرة باب التانك بتاع البنزين مفتحش روحت عملوه بردو قرفت وزهقت من المشوار تالت مرة روحت أعمل صيانة ال 5000 ك وبردو قرفت وزهقت ومليت ودلوقتي الفرامل بتصفر روحت قالولي غير التيل مشيت وقولت اغيرو مع صيانة 10000 ك المهم التكييف باظ روحت تاني قالولي هنبعت نجيب سربنتينة خارجيه وقدمنا طلب وأستني بقي ياعم أسبوعين تقريبا وهروح تاني عشان اركب السربنتينة الي لية متصلوش بيا وقالو جت ولا لاء وبعد أكيد مهركب السربنتينة هروح الصيانة تاني عشان صيانة 10000ك وعشان اركب تيل فرامل ب200جنيه علي حسابي لانهم بيقولو ده أستخدامي المهم انا هقولك السر العربية محترمة جدااااا وجميلة جدااااا بس لو تعرف تشتريها من الصين يكون أفضل وأعملها الصيانة في بلجيكا متشتريهاش ولا تعملها صيانة في مصر مصر موش فاضيه تعملنا الحاجات دي ده توفهيات ياعم حد قالك تتنك وتركب عربية ههههههههههههههههه وشكرا
|
#3
|
||||
|
||||
رد: ياجماعة حيرتونى اشترى ولا لأ ؟
اما بالنسبة للاخ صاحب الموضوع فا العربيه دى اكتر العربيات الصيني فيها مشاكل من كلام ملاكها فا ممكن تستنى شويه او تشوف عربيه تانى حتى لو صيني برده يكون الجدل عليها والمشاكل بتاعتها اقل شويه وربنا يوفققك فى الاختيار ..... أخوك هشام....
__________________
E.T.S.H |
#4
|
|||
|
|||
رد: ياجماعة حيرتونى اشترى ولا لأ ؟
يا عم سيب الصيني كله، طالما التوكيل وحش كدة، يعني عربيات أول مرة تنزل مش المفروض يعملوا ليها توكيلات محترمة، على الأقل لحد لما العربية تتعرف وتسمع مع الناس، لكن العكس العربيات لسة نازلة والتوكيلات وحشة، حاجة عجب والله،
يا عم الحاج دور على عربية سمعتها في السوق تكون حلوة وتوكيلها الناس بتشكر فيه وريح دماغك، وشكرا |
#5
|
||||
|
||||
رد: ياجماعة حيرتونى اشترى ولا لأ ؟
نشر فى جريدة “روزاليوسف” فى عددها رقم 1414 الصادر اليوم أن مجموعة أبو الفتوح الوكيل الحصرى لعلامة إسبرانزا فى مصر ستقوم بإستدعاء عدد كبير من الموديلات التى تم تجميعها محلياً وستقوم المجموعه خلال الأيام القليلة القادمة بالإعلان عن استدعاء عدد من سياراتها في السوق بعد اكتشاف عيب في الدينامو الخاص بتلك الموديلات .
كما أكدت المصادر أن جهاز حماية المستهلك تلقي عدداً كبيراً من الشكاوي ضد الشركة في موديلين من أكثر موديلات الشركة انتشاراً في مصر الأمر الذي سيتبعه طلب من الشركة بإستدعاء تلك الموديلات لتلافي وصول الأمر إلى اتخاذ إجراءات قانونية ضدها. وتنتظر الشركة حالياً حصر جميع عملاء الموديلين المعنيين لطلب استدعاء السيارات دون إحداث أزمة للتوكيل خاصة في ظل الأزمة الحالية علي بعض التوكيلات وإشكالية استدعاء السيارات في العالم حسب إدعاء الجريده .. يذكر أن جهاز حماية المستهلك قد اتخذ إجراءات قانونية ضد عدد من الشركات فى مصر في وقت لاحق منها شركة تويوتا مصر التى أرغمها على إصلاح عيوب الناقل MMT فى سيارته الشعبية تويوتا كورولا . <!-- / message --> |
|
|