فيرنا مش مظبوطه ع البنزين ؟

[waelsalah]

لاحظت حاجه غريبة
العربية مبطلة مثلا من الساعة 1 صباحا وباجى الصبح الساعه 7 الاقيها دافية مش بارده
دافية لدرجة انك تقدر تحط ايديك البودى بتاعها عادى جدا
هل فى الحالة دى لو عاوز ازود ميه للريداتير لازم ادور المكنه الاول ولا لالا ؟

وهل ده له علاقة ببرجلة المكنة ع البنزين وطول فترة التسخين عشان تتظبط ؟

و ايه هو التركيز المناسب للمياه الخضراء اللى ميضرش الريداتير ؟ ولا لازم يتخف بمياه عادية ؟

متابع حضراتكم للاهميه
وشكرا حضراتكم

[حسام البورسعيدى]

المشاركة الأصلية كتبت بواسطة waelsalah لاحظت حاجه غريبة العربية مبطلة مثلا من الساعة 1 صباحا وباجى الصبح الساعه 7 الاقيها دافية مش بارده دافية لدرجة انك تقدر تحط ايديك البودى بتاعها عادى جدا هل فى الحالة دى لو عاوز ازود ميه للريداتير لازم ادور المكنه الاول ولا لالا ؟ وهل ده له علاقة ببرجلة المكنة ع البنزين وطول فترة التسخين عشان تتظبط ؟ و ايه هو التركيز المناسب للمياه الخضراء اللى ميضرش الريداتير ؟ ولا لازم يتخف بمياه عادية ؟ متابع حضراتكم للاهميه وشكرا حضراتكم

بتلاقيها دافيه علشان احنا لسه فى الصيف ومش بتلحق تبرد تماما فى 6 ساعات

لما تيجى تزود ميه يستحسن تدور .. مع العلم انك لو زودت وهى مجرد دافية بس مش هيحصل حاجة باذن الله

بالنسبة للميه الخصرا هى بتتحط على طول من غير تخفيف ولا حاجة وممكن تزودها بميه عادية بعد كده (يستحن ميه مقطره بتاعت التكييف)

[waelsalah]

ايه رايك فى الايادا ولا موبيل ؟

لو مفيش تكييف
ممكن اجيب مياه مقطره من المحلات
ولا اجيب جركن مياه خضرا اضافى وخلاص
وايه حكاية تركيز 33 % و 5 % و 10 %

حاليا انا حاط ميه خضرا وبكمل من الحنفيه
هل يلزم غسيل لدورة الميه وتنزيل الميه والتشيك ع الريداتير ؟


وقريت ان مادة الجيليكول اللى فى الميه الخضرا ممكن تتجمد وتسد الريداتير او تسد حاجه فى المكنه نفسها ؟
هل ده حقيقي ؟

بالنسبة لطول فترة التسخين عشان العربيه تتظبط ع البنزين
هيكون ايه ؟
متابع
وشكرا جزيلا

[حسام البورسعيدى]

المشاركة الأصلية كتبت بواسطة waelsalah ايه رايك فى الايادا ولا موبيل ؟ لو مفيش تكييف ممكن اجيب مياه مقطره من المحلات ولا اجيب جركن مياه خضرا اضافى وخلاص وايه حكاية تركيز 33 % و 5 % و 10 % حاليا انا حاط ميه خضرا وبكمل من الحنفيه هل يلزم غسيل لدورة الميه وتنزيل الميه والتشيك ع الريداتير ؟ وقريت ان مادة الجيليكول اللى فى الميه الخضرا ممكن تتجمد وتسد الريداتير او تسد حاجه فى المكنه نفسها ؟ هل ده حقيقي ؟ بالنسبة لطول فترة التسخين عشان العربيه تتظبط ع البنزين هيكون ايه ؟ متابع وشكرا جزيلا

بالنسبة للميه الخضرا عادى لو زودتها ميه عاديه (بس يفضل المقطره علشان مفهاش املاح زى الميه اللى فى الحنفيه) او تزودها بميه خضرا برضو مفيش اى مشكلة ..

بالنسبة للنوع الموبيل كويس والايادا كويس برضو .. هو عموما مش بتفرق كتير الانواع ولكن انا بفضل الموبيل فى الميه الخضرا ..

بالنسبة للجليكول وهو الماده الداخلة فى تصنيع الميه الخضرا دى اصلا مانعه للتجمد علشان البلاد اللى فيها درجات الحرارة بتقل عن الصفر الميه متتجمدش فى دوره المياه وتعمل مشاكل فى الموتور وملهاش اى ضرر على دورة المياه متقلقش ..

لو حاسس انك بتزود ميه كتير ممكن تكشف على دورة التبريد والخراطيم وتشوف التسريب جاى منين .. اما لو الميه مش بتنقص الا على فترات طويله فمفيش داعى تفك وتنضف الا لو عندك صدأ كتير فى الريدياتير فقط ..

بالنسبة لمشكلة البنزين زى ما قلتلك ممكن تعدى على مركز الصيانة بتاع الغاز وتشوف اذا كانت المشكلة فى حاجة خاصة بالغاز ولا لأ .. لانك عيرت كل الحاجات اللى ممكن تسبب الرجه دى ..ما عدا ان ممكن الرشاشات تكون محتاجة تغيير .. ابقى شوف اثناء ما التنتيشة دى ظاهره فى دخنه سوده طالعة من الشكمان ولا لا ؟؟

[waelsalah]

لا مفيش دخنة سوداء فى الشكمان الحمد لله
متابع معاك يا حس
وشكرا جزيلا