#1
|
|||
|
|||
كيف حصلت علي رخصتك ؟
السلام عليكم يا أهل المنتدى
ممكن كل واحد يحكلنا حكايته مع استخراج الرخصة؟ ... ودفع كام فلوس .. الرسمى وكام ترضية للسماسرة او البلطجية اللي جوا وحدات المرور ؟ وهل حد ارغمه علي دا ولا استسهال ؟ وهل العيب فينا احنا ولا في افراد المرور ؟ وتحياتى للجميع |
#2
|
|||
|
|||
رد: كيف حصلت علي رخصتك ؟
السلام عليكم .. انا كنت بسوق خفيف .. وقت برضة الصح انى اتعلم السواقة صح الصح .. فدخلت مدرسة تعليم القثيادة التى تتبع مرور بين السريات .. بعد ما خلصنا النظرى دخلنا على العملى والتدريب .. وطبع المدربين زفت وكلوا بالمعلوم .. وبدأنا والراجل متخلف جدا .. وشتم اللى كان بيدرب معى .. لية قال اية العربية بتبطل منة .. والمارش ح يبوز .. الله طب مش احنا بنتعلم يا عم .. طب لو احنا خبراء فى القيادة .. طب جينا لسيادتك لية .. ربنا يهديك .. المهم قررنا مش نكمل .. بلا مدرسة بلا هم .. المهم قلت طب اعمل اية فى الرخصة .. بما ان كلة بالفلوس .. خلاص ... المهم شوفت واحد معرفة واديتة المبلغ اللى طلبة وقالى هو بيجامل الظابط وكدو يعنى وهو كان عارف ظابط المرور وخلصنا .. بس بصراحة الظابط محترم معايا .. امتحنى وقال سوق ادامى وكدة ... وبعد ما شافنى .. نجحنى فى الامتحان .. بس طبعا وجود المعرفة برضة كان الاهم برضة ... المهم خلصنا موضوع الرخصة .. وطبعا كلة كدة .. ولازم يبقى فى رقابة من المسئولين .. علشان احنا بجد عايزين نحب الشرطة وعايزين نحترمها .. ودة مش ح يحصل الا لما هم يحبونا ويحترمونا ويقوموا بدورهم صح ... اللهم ولى من يصلح بلدنا .. احنا متعشمين فيك خير يا سيسى ... وواقفين معاك لبلدنا
|
#3
|
|||
|
|||
رد: كيف حصلت علي رخصتك ؟
أنا إتعلمت على مرسيدس.... آه و الله مرسيدس
كنت عند نسيبى فى زيارة و قولتله عاوز أتعلم سواقة, قالى على مرسيدس... ماشى و نزلنا رحنا 15 مايو, الشوارع هناك فاضية و واسعة و مفيش أى توتر. قفلنا شارع جانبى فيه إنشاءات بالحجارة و إدانى النظرى و بدأنا التطبيق العملى. عاوز أقولكم يعنى أيه بتتحكم فى عربية بحجم المرسيدس المهم فضلت كل ما أروح زيارة أتقل عليه و الراجل إستحمل عالآخر بصراحة و فى الآخر لاقيت إعلان بالصدفة على عربية فى النت توكلت على الله و حصل نصيب رغم إنى كنت مستلف جزء من ثمنها. العربية فضلت عند نسيبى برضو فى الجراج و فضلت أتدرب عليها عنده و بعدين خضت أول معركة حربية حقيقية .... طلعت عالكورنيش بالليل رغم سواقين الميكروباصات اللى مش بيعترفوا بأى حد ماشى معاهم فى الشارع و يكسر عليك فى أى لحظة و أى مكان, ربنا كرمنا و الحمد لله وصلنا بخير. كملت مع نفسى فى شارع فاضى ورانا و كنت بأستخدم جراكن الزيت القديمة زى إقماع و أعمل بيها أشكال U S Y J ... إلخ لحد ما بقيت بأستخدم المرايات وراء و بدأت أحفظ أبعاد العربية إلى حد ما. مش هأكذب و أقول إنى ماشى فى السليم على طول, برضو القلق خلانى أحاول أدور على حد يأخد فلوس و أطلع الرخصة, بس كالعادة مفيش حد سأل فيا. توكلت على الله و شمعت الفتله عالمرور علشان رخص السواقة, فى اليوم دهحصل لى حادثة و أنا رايح عالأوتوستراد, ماشى أقصى الشمال و مدى إشارة علشان أول يوتيرن قرب, و الاقى عربية نقل بلوكات الرخام اللى شغالة فى منطقة شق الثعبان صاحبها كان شارب و لا شامم و لا نايم و داخل فيا من اليمين و أنا جنبى الرصيف, طبعاً كلاكس و فرامل و الحمد لله جات فى الرفارف و الأبواب خبطات و المراية الله يرحمها أتقطمت رقبتها. المهم بعد الفيلم الأكشن ده واصلت الطريق للمرور و أنا ركبى بتخبط فى بعضها أصلاً, بس الشهادة لله أول موصلت المرور و لاقيت الأقماع هديت و حمدت ربنا. الإمتحان عملى فقط مفيش نظرى و حرف يو U تدخل من طرف و تخرج من الطرف الثانى و شكراً مفيش وراء كمان و المسافه بين الإقماع تعدى عربية مقطورة مش ملاكى..... يا حلاوه يا ولاد. طبعاً كان فيه إكراميات يا إما الموظفين يتلككوا على أى حاجة (و عندهم مليون و خمسميت ألف حاجة يتلككوا عليها , يعنى متعملش ناصح) أبسطها السيستم واقع و فوت علينا بكرة. و أخيراً سمعت إسمى و خدت الرخصة. و الحمد لله أولاً و آخراً
__________________
|
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كيف حصلت علي رخصتك | أحمد ال حجر | المرور والشهر العقارى | 2 | 10-05-2015 12:52 PM |
فريق Best Cars and Bikes يكشف عن حزمة تعديلية للسيارة بي ام دبليو 1-Series M كوبيه | professional25 | BMW | 0 | 17-09-2012 09:13 AM |
المعدل الألمانى "Novitec Rosso"hgaidv يُطلق حزمة تعديلات لطراز فيرارى FFالجديد | professional25 | السيارات السوبر | 1 | 25-06-2012 08:05 PM |
جزمة عز و جزمة اوباما | YahiaAshraf | استراحة مصر موتورز | 1 | 28-01-2012 07:59 PM |
بوت ابن جزمة الرباطى | محمد عبد النور | نادى المبدعين | 12 | 19-11-2010 06:09 PM |