مطلوب مساعدة فى شراء جنوط اسبور

[San]

السلام عليكم
انا عربيتى ابيزا mk5 نزلت بجنط حديد ابعده (15/60/185) و كنت بفكر اجيب جنوط 15 اركبه عليها , الناس نصحونى اركب 16" و ناس 17 " عشان هى بينزل الجنط الاصلى 17" فى موديل ال اف ار .
المهم عشان عرفت ان ال 17" مبيستحملش شورعنا حتى لو جبت كوتش كويس , و انا مركب كوتش بريدجستون اسبانى لسا جديد مكملش 10كيلو فقررت اركب 15" .

فمحتاج نصايح عند الشراء , و انا من سكان قصر القبة مين افضل التجار , و هل المقاس مناسب ولا لازم اغير الكوتش , و الموضوع مستاهل هحس بفرق ولا شكل بس ؟

و اخيرا" المشاكل ديه بجد ولا مشاكل شخصية :
1) العفشة هتفك
2) المساعيد هيبوزو
3) الدركسيون هيتقل و هيرعش ؟؟؟؟

شكرا .

[Hisham.Elgazzar]

المشاركة الأصلية كتبت بواسطة San السلام عليكم انا عربيتى ابيزا mk5 نزلت بجنط حديد ابعده (15/60/185) و كنت بفكر اجيب جنوط 15 اركبه عليها أقل فردة كاوتش 15 النهردا ب450 جنيه , الناس نصحونى اركب 16" و ناس 17 " عشان هى بينزل الجنط الاصلى 17" فى موديل ال اف ار . المهم عشان عرفت ان ال 17" مبيستحملش شورعنا حتى لو جبت كوتش كويس , و انا مركب كوتش بريدجستون اسبانى لسا جديد مقاسه كام ؟؟؟ مكملش 10كيلو فقررت اركب 15" . أحسن قرار انك متركبش 16 ولا 17 فمحتاج نصايح عند الشراء , و انا من سكان قصر القبة مين افضل التجار الرومانى محترم والصقر محترم , و هل المقاس مناسب ولا لازم اغير الكوتش الكاوتش مقاسه كام ؟؟؟ , و الموضوع مستاهل هحس بفرق ولا شكل بس ؟ هتفرق طبعا لو اتعمل صح و اخيرا" المشاكل ديه بجد ولا مشاكل شخصية : 1) العفشة هتفك ( ده طبيعى بسبب المطباط وقلة ضمير الصنيعية) 2) المساعيد هيبوزو ( طبعا المساعدين هيبوظوا لو السوست مهرية وتعبانة او مركبلها علايات ، أو قاصص منها ) 3) الدركسيون هيتقل و هيرعش ؟؟؟؟ ( ده غالبا بسبب عيب فعلبة الدركسيون لكن لو سليمة وبتتعامل صح عمرها ما هتبوظ ، وطبعا لو باور يبقى لازم تكون تمام مفيهاش تسريب ، ولو عادة لازم تكون مليانة شحم وكاوتشها سليم ف الحالتين ) شكرا .

العفو يا بيه نورت

[San]

يعني انا تهت شوية ، انا مش خبره في المقاسات بس مقاس الكوتش غالباً 15/60/185 و العربية موديل 2012 ، فاغالباً مفيش مشاكل في الدركسيون بس هو تقيل نوعاً ما رغم انه بور كهرباء عشان كدا بتأكد .
و معلش يعني ايه السوست مهرية و عاليات و قاصص منها ؟
و العربية العفشة مفكتش ولا مرة من ساعت ما اشترتها من سنتين و نص ، ازاي قلة ضمير الصنيعية ممكن تقصر عليها عشان اركز معاهم و هما بيركبوا .
و اخيراً الروماني سمعت انو في جسر السويس و انو اتحرق ؟ و صقر فين ؟

اسف علي الاطالة و شكراً مرة تانية .