تسريب زيت من الموتور

[هيثم سامى]

يجماعه انا بعد المشكله الاولى الى قلتلكم عليها وافدتونى بالحل والحمد لله العربيه اتظبطت بس انا لااسف عندى مشكله تانيه معلش استحمولنى عشان انا عندى مشاكل كتير عشان العربيه كانت بتتاجر انا عندى تسريب جامد للزيت على وش الماتور روحت لميكانيكى وقالى ان فى مسامير مفوته فى الوش المهم ودانى عند الخراط وعملى مسامرين كانو مفوتين المهم نضفت مترح الزيت الكلام ده كان من اسبوع انهارده بفتح الكبوت لقيت فى تسريب زيت اكتر من الاول ياترى ايه السبب لو حد يعرف ياريت يدلنى وشكرا ليكم

[احمد على 1999]

هل من عند غطاء التاكيهات و لا وش السيلندر ؟ يعني اول سطح فاصل و لا التاني من فوق " تحت البوجيهات "

[هيثم سامى]

لامن فوق تحت البوجيهات الغطا الى فوق ده الى تحت سلوك البوجيهات وفى تسريب من تحت ورا الجزء الى ورا الفرن

[mr_astra]

اولا لا يمكن يكون التسريب جاى من وش السلندر
اعتقد انة من غطا التاكيهات وتقريبا انت عاوز تغير جوان غطا التاكيهات متقلقش الموضوع بسيط جدا

[احمد على 1999]

بص يا باشا لو فعلا المسمارين المفوتين دول كانوا بتوع وش السيلندر فده معناه احتمالات كتير اولها ترتيب الرباط كان غلط للمسامير او حد اتعافى عليهم فمش حتخسر حاجه روح لميكانيكى خبرة يريح على ربط المسامير كلهم ( طبعا و العربية باردة تماما ) و يعيد ربطهم تانى تدريجيا بالترتيب الهندسى المتداول ( البدء من النص و الاتجاه للاطراف تدريجيا ) عسى ان المشكلة تتحل