تسريب زيت من الموتور
 

يجماعه انا بعد المشكله الاولى الى قلتلكم عليها وافدتونى بالحل والحمد لله العربيه اتظبطت بس انا لااسف عندى مشكله تانيه معلش استحمولنى عشان انا عندى مشاكل كتير عشان العربيه كانت بتتاجر انا عندى تسريب جامد للزيت على وش الماتور روحت لميكانيكى وقالى ان فى مسامير مفوته فى الوش المهم ودانى عند الخراط وعملى مسامرين كانو مفوتين المهم نضفت مترح الزيت الكلام ده كان من اسبوع انهارده بفتح الكبوت لقيت فى تسريب زيت اكتر من الاول ياترى ايه السبب لو حد يعرف ياريت يدلنى وشكرا ليكم

رد: تسريب زيت من الموتور
 

هل من عند غطاء التاكيهات و لا وش السيلندر ؟ يعني اول سطح فاصل و لا التاني من فوق " تحت البوجيهات "

رد: تسريب زيت من الموتور
 

لامن فوق تحت البوجيهات الغطا الى فوق ده الى تحت سلوك البوجيهات وفى تسريب من تحت ورا الجزء الى ورا الفرن

رد: تسريب زيت من الموتور
 

اولا لا يمكن يكون التسريب جاى من وش السلندر
اعتقد انة من غطا التاكيهات وتقريبا انت عاوز تغير جوان غطا التاكيهات متقلقش الموضوع بسيط جدا

رد: تسريب زيت من الموتور
 

بص يا باشا لو فعلا المسمارين المفوتين دول كانوا بتوع وش السيلندر فده معناه احتمالات كتير اولها ترتيب الرباط كان غلط للمسامير او حد اتعافى عليهم فمش حتخسر حاجه روح لميكانيكى خبرة يريح على ربط المسامير كلهم ( طبعا و العربية باردة تماما ) و يعيد ربطهم تانى تدريجيا بالترتيب الهندسى المتداول ( البدء من النص و الاتجاه للاطراف تدريجيا ) عسى ان المشكلة تتحل