حكايتي مع مصرموتورز (شارك ولا تتردد)

[alymonir]

المشاركة الأصلية كتبت بواسطة نبيل عبدالرحمن وأنا بنفس الطريقة كنت بدور على معلومات عن سيارتى الجديدة تويوتا كورولا MMT وما أن سألت Google حتى وجهنى لهذا المنتدى الجميل وسجلت نفسى فيه كعادتى دائماً حين أحاول الدخول لأحد المنتديات ، وقد كان ، ووجدت نفسى أتعلق بشده بالمنتدى وبأعضاءه المحترمين وبالرغم من كبر سنى ( معظم أعضاء المنتدى من الشباب الصاعد الواعد ) لكننى أحسست أن المنتدى يضم أعضاء كأنهم أسرة واحدة ، خاصة حين تكون هناك مقابلات تجمع الكثير من الأعضاء يتعرفون على بعضهم البعض ويتبادلون خبراتهم فى عالم السيارات والحياه ، وأصبحت لا أستطيع أن أمضى يوم دون الدخول للمنتدى وقراءة أحدث المشاركات ، بل والمشاركة فيه ولو بالنذر اليسير من الموضوعات إلا فى الحالات التى تمتد يد الجبان القرصان الذى يقوم بمحاولة تخريبه تحية من القلب للمنتدى وأعضاءه والى مزيد من التقدم والرقى

مشكور يا أستاذ نبيل على الرد الجميل و على فكرة الشباب شباب القلب
و ممكن أسألك لو الكورولا ال MMT لسة معاك هل ظهرت فيها مشاكل ولا لأ ؟

[omda8185]

وانا نفس الوضع.كنت ببحث في جوجل عن السيراتو والالنترا واتشديت للمنتدى ده لحد وبعدها قعدت ادخله كل يوم لحد مبقي الموقع الرسمي ليا

[bmkbmk]

و انا يا شباب .. مهتم بالعربيات طول عمرى .. و كنت بعتمد على مواقع شركات السيارات و اليوتيوب و مواقع صور السيارات و المقارنات و كل ماهو عن السيارات لمتابعة كل ما هو جديد فى عالم السيارات ده طبعا غير الجولات العادية كل فترة على معارض السيارات و سيارات الاصدقاء

بعد كدة بدأت تعجبنى فكرة المنتديات و اشتركت فى كام منتدى خليجى و كان منهم ناس فى قمة الذوق و الاحترام و للأسف فيه ناس تانية فى قمة ال...... المهم حصل شوية كلاشات جامدة بينى و بينهم علشان قالوا شوية كلام ماعجبنيش و حسيت ان معظمهم ذوى ثقافات مختلفة و غير مرنة .. المهم يعنى مارتحتش معاهم

و بدأت ادور على منتدى سيارات مصرى يكون ناسه فاهمهم و فاهمينى و طبعا يجمعنا حب السيارات و الاهتمام بها و دخلت جوجل و عملت بحث و طبعا ظهر مصر موتورز و اشتركت على طوووول و لقيت الناس بترحب بيا كأنى فى بيتى وسط اهلى أو قاعد مع اصدقائى و هى دى الميزة الحقيقية للمنتدى .. الحميمية و الاحترام المتبادل بين جميع الاعضاء مع اختلاف العمر و الثقافة و التخصصات و طبعا المواضيع المتنوعة و المختلفة عن كل ما هو متعلق بالسيارات

و من يومها الحمد لله و انا مع مصر موتورز و اشتركت بعدها فى كام منتدى تانى بس بصراحة مابتعاملش معاهم كتير ... الاساس هو مصر موتورز

و ربنا يديم المحبة بينا جميعا

و الف شكر لصاحب الموضوع

[koashraf]

وانا غاوى سيارات وكنت بدور فى جوجل على بعض المعلومات عن السيارات الجديده لغرض تغيير سيارتى فاتكعبلت فى هذا المنتدى الشيق وسجلت فيه وعجبنى فيه التفاعل بين الاعضاء واراءهم فى حل مشاكل السيارات وحسيت ان المنتدى مش مجرد معلومات عن السيارات وخلاص لكن اغلب الاعضاء واخدين الموضوع هوايه وحب وتعاون فى حالة وجود مشكله لاى عضو لحلها يعنى جو اسرى جميل وده اللى شجعنى بالمشاركه فى بعض الموضوعات على الرغم من انشغالى طول اليوم ولكن اصبح المنتدى هو الاستراحه اليوميه المفيده بعد الانتهاء من العمل .... وشكرالجميعالاعضاء اللى باحس انهم اسره واحده على الرغم من اختلاف الاعمار.....

[نبيل عبدالرحمن]

المشاركة الأصلية كتبت بواسطة alymonir مشكور يا أستاذ نبيل على الرد الجميل و على فكرة الشباب شباب القلب و ممكن أسألك لو الكورولا ال MMT لسة معاك هل ظهرت فيها مشاكل ولا لأ ؟

التويوتا الكورولا MMT لسه معايا بالفعل وما فيهاش مشاكل غير مشكلة السحب ودى وعدت الشركة صاحبة التوكيل بإصلاحها لكل السيارات خلال هذا الشهر