حكايتي مع مصرموتورز (شارك ولا تتردد)

[alymonir]

السلام عليكم و رحمة الله
أنا حبيت أجيب لكم الموضوع الجديد دة لأني أنا ملاقيتهوش لحد دلوقتي في المنتدى .
قبل ما أكمل كلامي أنا بعتذر عن الكتابة بالعامية لأني ماحبش عادة الكتابة بيها و تشتت الأفكار قليلا و السب في دة إن المنتدى دة عودني إن أنا كأني باتكلم مع صحابيptmnlo123per171
المهم نخش في الموضوع..
إيه رأيكم لو كل واحد في المنتدى يقول حكايته مع المنتدى , إزاى وصله كيف بدأ أول مشاركاته , إيه طموحاته في المنتدى , تعليقاته , ما يعجبه و ما يرغب في تطويره .... إلخ
يمكن حد يحس إن الموضوع قديم شوية و مجمع من أكتر من موضوع
و كان فيه تعارف قبل كدة بين أعضاء المنتدى , و و و ptmnlo123per172
لكن...
أنا كنت عايز أحكي قصتي مع المنتدى بشكل مسترسل شوية, كأني بافكر بصوت عالي و حبيت إن الجميع يشاركني فيه
على العموم ...
دي قصتي مع المنتدى:
في البداية أحب أفكر الأعضاء اللي مايعرفونيش إن أنا مصري أعيش و أعمل في الأسكندرية متزوج و عندي عفريت صغيرptmnlo123per156 اسمه محمد ( يمكن لما أتعلم إزاي أرفع الصور أبقى أجيبلكم صوره ) أعمل في شركة بترول ( الأسود دة ) مهندس أمن صناعيptmnlo123per169 , سيارتي تويوتا إيكو موديل 2000 ( الحمد لله مستورة ) ptmnlo123per179وليس لي هوايات محددة الان بسبب ظروف العمل و الزواج و الانشغال العام في المطحنة ( الحياة )ptmnlo123per139
المهم علشان ماطولش عليكم ( أنا حاسس إن أنا ممل شوية ) ...ptmnlo123per172
أنا وصلت للمنتدى عن طريق البحث في جوجل على أخبار السيارات مرة من المرات اللي كنت بافكر أغير عربيتي ( الفكرة دي بتجيلي كتير جدا )
و كعادة المنتديات ( اللي أنا مش مشترك في أي منتدى تاني ) لما تيجي تدور على معلومة تطلعلك رسالة جميلة جدا بتقولك ( عفوا أنت غير مسجل لدينا برجاء التسجيل للتمكن من مشاهدة باقي المحتوى )ptmnlo123per1131
في البداية كنت باتغاظ جدا من الرسالةptmnlo123per111 دي لأني لو كنت عايز أعرف معلومة من كل منتدى أخشه لازم أسجل فيه و دي عملية مرهقة جداptmnlo123per181
المهم
قلت أسجل و أمري لله لإن الموضوع ساعتها كان شيق جدا و هو على حد مان فاكر كان تجربة و تقييم للسيارة التويوتا ياريس و أنا كنت بافكر فيها ساعتها
و دخلت مرور عابر و نسيت المنتدى فترة طويلة ( يمكن تلاحظوا إن مشاركاتي قليلة على الرغم من قدم تاريخ التسجيل في المنتدىptmnlo123per1120 )
و نتيجة إني معنديش نت في البيت بانتظام و عامة ماعنديش وقت كتير له قل دخولي على النت بصفة عامة و على المنتدى بصفة خاصة
بعد كدة من حوالي شهرين تقريبا نطت في دماغي الفكرة المجنونة بتاعت تغيير العربية و قلت أدور في النت بدل مانا مش فاضي أنزل معارض و لاقيت نفسي باخش المنتدى و افتكرت إن أنا كنت مشترك فيه
المهم علشان ماطولش عليكم أكتر...
لظروف عملى حاليا إني شغال ورادي 12 ساعة( يعني ممكن أكون بايت في الشغل زي دلوقتيptmnlo123per1101 ) و طبيعة عملي لا تستلزم تفرغي المطلق لاقيت نفسي باندمج بشدة مع المنتدى و أعضاؤه
ولاقيت مواضيع مفيدة جدا و رغبة فعلية من أعضاء المنتدى على مساعدة البعض و ...... حاجات كتير مش قادر أقولها كلها دلوقتي
لاقيت إن المنتدى مش عبارة عن موقع على النت و بس إنما هو زي مكان يتقابل فيه الأصدقاءptmnlo123per189و يتحاوروا محاورات مثمرة و ليس في مجال السيارات فقط بل في كل المجالات تقريبا ( مش زي بعض المنتديات اللي بتجيب أخبار الفنانين و الفنانات و الراقصين و الراقصات )
و أعجني أيضا التناصح و التعاون على البر و التقوى و إن فيه نصيحة بين الأعضاء على الحفاظ على الصلوات و ذكر الله و الاستفادة من الوقت ( حتى لا يصبح وقتنا كله عبث بلا طائل )
أتمن إني ماكنش طولت عليكم و أتمنى أن أكون من المشاركين بقوة في هذا المنتدى و أن تكون مشاركاتي مثمرة و مفيدة لكل أعضاء المنتدى
وفقني الله و إياكم لما يحب و يرضى
أتمنى التفاعل مع الموضوع و المشاركة من كل الأعضاء

[احمد بدر1978]

مشكور يا جميل على الموضوع الجامد دة
انا زيك كدة كنت بدور على معلومات عن عربية وهى تيوتا افانزا واتعرفت على المنتدى الجميل مصر موتورز بس انا اختلف عنك انى كنت واخد قرار انى ابيع العربية واشترى حاجة تانية عائلية سبعة راكب ولان عربيتى كانت غولة بنزين شيروكى 2000 4100سى سى
فبعت العربية وحاليا بمساعدة الاخوة الزملاء فى المنتدى الرائع دة ان شاء الله حنوصل لى حل
اجمل حاجة عجبتنى فى المنتدى ودة للعلم اول منتدى اسجل فية فى حياتى انة منتدى متكامل تحس انك مع اسرتك الثانية عالم افتراضى مبنى على الود و الاحترام والحب وعدم الغش
نقل التجارب لافادة الاعضاء
طرح المشاكل ومحاولة حلها لوجة الله تعالى بدون مقابل كلمة شكر تسعد اى حد

وانا بردك نفس الحكاية بالظبط كنت عاوز اعرف ملعومات كتير عن عربيتي الفيرنا وبالبحث في جوجل لاقيت نفسي اتشديت للمنتدي الجميل ده

[نبيل عبدالرحمن]

وأنا بنفس الطريقة كنت بدور على معلومات عن سيارتى الجديدة تويوتا كورولا MMT وما أن سألت Google حتى وجهنى لهذا المنتدى الجميل وسجلت نفسى فيه كعادتى دائماً حين أحاول الدخول لأحد المنتديات ، وقد كان ، ووجدت نفسى أتعلق بشده بالمنتدى وبأعضاءه المحترمين وبالرغم من كبر سنى ( معظم أعضاء المنتدى من الشباب الصاعد الواعد ) لكننى أحسست أن المنتدى يضم أعضاء كأنهم أسرة واحدة ، خاصة حين تكون هناك مقابلات تجمع الكثير من الأعضاء يتعرفون على بعضهم البعض ويتبادلون خبراتهم فى عالم السيارات والحياه ، وأصبحت لا أستطيع أن أمضى يوم دون الدخول للمنتدى وقراءة أحدث المشاركات ، بل والمشاركة فيه ولو بالنذر اليسير من الموضوعات إلا فى الحالات التى تمتد يد الجبان القرصان الذى يقوم بمحاولة تخريبه
تحية من القلب للمنتدى وأعضاءه والى مزيد من التقدم والرقى

[tarek elbadry]

وانا نفس الموضوع كنت ببحث فى جوجل على سيتروين zx ودخلت الموقع و دى كانت اول مرة اسجل فى موقع انجزبت لية بشدة بجد الناس محترمة كل واحد بينقل خبرتو بمصداقية تعاون لوجة الله بدون اى غرض
بجد انا سعيد جدا انى عضو فى المنتدى المحترم