|
#1
25-07-2012, 07:06 PM
|
||||
|
||||
طاجن مسقعة وبطاطس بانيه باللحم وشيش طاووك ورز بالشعرية على طريقتى بالصور
طاجن مسقعة  بطاطس بانيه محشية باللحم المفروم  شيش طاووك ورز بالشعرية  نبتدى بالمسقعة نقطع البذنجان ونضيف عليه ملح ونسيبه شوية بعدين نقليه ونقلى فلفل اخضر وطماطماية كبيرة من غير البذر والسوايل  نعصج اللحم كالمعتاد ببصل كتير ومعلقة سمن الخلطة دى معلقة كاتشب ومعلقة صلصة طماطم ونكمل بمية  نرص بقة نص الباذنجان والفلفل والطماطم  نص الصوص الصلصة والكاتشب  اللحم المعصج باقى الطماطم المقلية وباقى الصوص  باقى البذنجان والفلفل وع الوش ترانشات طماطم رفيعة جدا  عليها رشة ملح فلفل وووووو سكر ايوة سكر مش عايزة اعتراض ههههه وع الفرن السخن وبعد ماتغلى وطى النار ادى شكلها ولعت عليها الشواية ممكن تزودى الشوى عن كدة انا استعجلت نيجى للبطاطس 4 بطاطسات بقشرها واقطعها وبعدين اسلقها فى مية وملح لماتتهري خالص اهرسها بالشوكة احط عليها توم وبصل بودر وفلفل اسمر معلقة خل ومعلقة لبن واعجن لحد ماتتجانس وتبقى ملمومة زى العجين كدة  ادخلها التلاجة ساعة او ساعتين بعدين احشيها اخد جزء افرده فى ايدى وفى النص احط اللحم واغطى بجزء اخر والحمهم فى بعض واكورهم على الرخامة برفق  برقة وحنية عشان ماتفكش ممكن ادخلهم التلاجة برضه لو فيه وقت وبعدين اغطيهم بالبيض والبقسماط كدة  تقليهم بقة فى زيت غزيييير وماياخدوش وقت يا دوب يصفروا اطلعهم على طول عملت اسهل واسرع والذ شيش طاووك اوراك مخلية تبلته بتوم ةبصل بودر وبابريكا وزعتر وعليهم زيت زيتون ومعاهم كمان البصل القطع والفلفل الاخضر وسيبتهم لوقت الفطار بعدين حطيتهم فى اسياخ وشويتهم فى الطاسة التيفال السخنة من غير اى دهان ماهما متقلبين فى الزيت  اهم مع رز بالشعرية وااااو شايفة مفلفل ازاى زى حبات اللؤلؤ وادى الرز بالشعرية مع المسقعة ممممم  واادى الى فاضل من المسقعة  اتفضلوا معانا لو بعد الفطار هههه الف هنا و شفا منقول 
|
 |
|
|
