نزلت في بلاعة باللوجان
 

سلام عيكم يا اعضاء مصر موتورز المحترمين , بصراحة دي اول مرة ليا اكتب موضوع هنا في المنتدى مع اني متابعة عاى طول و من فترة طويلة :fun_36_1_39[1]:
المهم انا النهاردة نزلت في بلاعة باللوجان و مكنتش شايفها خااالص , نزلت فيها بالعجلة الشمال من قدام , و لما رفعتها انا و كام واحد من البلاعة العجلة كانت كانها داخلت لي ورا كده ناحيت كرسي السواق فا لما تيجي تتحرك بتحك في البودي بتاع العربية و مشيتها بالعافية و بالراحة خالص لحد ما ركنتها في حتة كويسة , و اتصلت بالتوكيل قالي معندناش خدمة خارجي حملها على ونش و هاتها و كان فاضلهم 10 دقايق و يقفلو علشان اعلان النتيجة بتاعت الانتخابات لازم كانوا يقفلوا الساعة واحدة و انا المسافة بيني و اقرب مركز صيانو حوالي 7 كم , فا مش عارف بقى اعمل ايه . اشوف بتاع عفشة كويس ولا اوديها التوكيل و لا ايه ؟ و هوا كده ايه اللي باظ فيها و ممكن يتكلف كام لو في التوكيل ؟؟؟ ياريت حد يرد عليا علشان بجد محتار جداو خايف من اني اوديها لبتاع عفشة ؟

رد: نزلت في بلاعة باللوجان
 

الاعطال ممكن تكون مقص وسوست وعفشة وممكن يكون الجنط اتعوج او حصله حاجة
اما حكاية التوكيل فهو نصااااااااب كبييييير يعني ايه ميقدرش يشوفلك المشكلة وانك لازم تجيبها بونش
فاعتقد انك تشوف واحد عفشجي كويس يضبطلك العربية ويركبلك سوست ومساعدين ومقصات جديدة وتكون اصلية لكن لو تقدر تجيب ونش يوديلك العربية التوكيل فاعتقد حكاية الونش دي اولى
لكن لو معرفتش تتصرف في ونش اتوكل على الله وخليه يضبطلك العربية
ومحدش يقولي ضمان ملعون ابو الضمان اللي يخليك تتعب وتشيل العربية بونش وتوديها التوكيل
لكن اكرر لو تعرف حد يقدر يتصرفلك في ونش خليه يوديهالك التوكيل بس اعمل حسابك على 2000 جنيه علشان التوكيل غالي
وتقبل تحياتي :fun_36_1_39[1]:

رد: نزلت في بلاعة باللوجان
 

شكرا على رد حضرتك بس الجنط كويس لئني لما بتلف الكوتش يمين او شمال العربية بتمشي كويس بس مش كتير المبلغ ده على مقص ؟؟

رد: نزلت في بلاعة باللوجان
 

رد: نزلت في بلاعة باللوجان
 

هو مبدئيا مؤكد عندك مقص, ده شبه مؤكد.
ممكن توديها لعفشجى لا بأس فى ذلك, طالما ان الموضوع بعيد عن المحرك و الكمبيوتر و نظام الحقن, دول بس اللى محتاجين توكيل,
الباقى كله أى حد ممكن يعمله.