السلام عليكم
التاكيهات ليها خلوص معين يجب ظبطه ولو صوتها عالي تبقي التاكيهات مبوشه(يعنى الخلوص زياده) ولو بتسخن تبقى محمله(يعني الخلوص قليل او لايوجد خلوص ) وده بيخليها تاكل جاز كثير
اما بالنسبه للمروحه ففي مراح بتكون علي كلاتش في ناس بتلغيه وتثبته بس الكلاتش حلو ومفيد في السرعات العاليه ولمل بيكون الهواء مواجه للسياره واو ان قصده تثبيت القميص الخارجي او ريشة المروحه مش مربوطه كويس و أخيرا ربنا يطعمك خيرها ويكفيك شرها ومع الوقت هتتعلم مكر الصنايعيه (طبعا مش كلهم زي بعض )
والله المستعان

المشاركة الأصلية كتبت بواسطة سلامة البدري (المشاركة 682890) http://up.lm3a.net/uploads/1d7f860757.gif طبعا ذي ما اتعلمت من mr_astra قبل الاستفسار احط بيانات عربيتي وهي كده :- يا باشا العفو محدش بيعلم حد كلنا بنتعلم من بعض النهردة عندى بكرة عندك وبعدين منا خلاص حفظت العربية دبابة موديل 2006 عامله 600.000 الف كيلو وكسور وقربت علي 700.000 لسه شاريها مستعمل ومعرفش حاجة عن العربيات ومعرفش اقول اكتر من كده ده باختصار حاله العربيه وحالتي الشخصيه طبعا ربنا كرم بمبلغ :1336:بعد العربيه ما شطبت عليا وظبطت شويه شغل عفشه فيها فقلت يا واد يا سلامة روح شيك علي العربيه ميكانيكا وغير زيت وفلاتر لاني من يوم ما جبتها من 15 يوم تقريبا مغيرتش حاجه ومعرفش صاحبها الاولاني غير علي كام وكان الاتي من الميكانيكي قال الاخ الاستاذ الميكانيكي انه اولا:- هيشيك علي العجل والبلي بتاعه وهيشحمه خير ما هايعمل ثانيا :-وهيضبط التاكياهات لان صوت الماتور عالي والدنيا صيف واجب برضو وفعلا دة اجراءروتينى كل صيف وشتاء كمان ثالثا :- هيشيك علي زيت الفرامل والكرونه والفتيس طب زيت الكرونة والفتيس ماشى انما زيت الفرامل مهو باين ادامك فى الحوض لكن ومالة خلية بقى يتشك على مستوى زيت الفرامل ويرجلش الـ 4 عجلات بالمرة رابعا :- هيثبت المروحه هنا بقى السؤال لانى مش فاهم بامانة يعنى اية هايثبت المروحة هل زى ما فهمت من اخونا الفاضل مشمش ان الميكانيكى عاوز يلغى عمل الكلاتش ويخلى المروحة تدور بنفس سرعة عامود الكرنك ولو فى نيتة يعمل كدة امنعة لان العربية كدة هاتسخن لو الكلاتش بايظ يبقى نغيرة ونجيب واحد غيرة عارف لو العربية بنزين كنت قلتلك ماشى موتور البنزين بيمشى بمتوسط عدد لفات 3000 لفة / دقيقة انما انت عندك متوسط الدوران 1500 لفة / دقيقة فكدة بالتاكيد الموتور هايسخن ولالالالالا الميكانيكى كان يقصد حاجة تانى وحضرتك معرفتش توصلهلنا وخد بالك انت معندكش مروحة كهرباء اللى موجودة عندك مروحة ميكانيكية على الكرنك عدل خامسا :- ومن الاخر متقلقش يا باشا من اي حاجه كله هيبقي في التمام وميه وميهyesyes:14FEAD~151::14 FEAD~151: سادسا :- ده بس الي فاكرة من كلامه او الي فهمته ممكن افهم رقم ثانيا بعد ضبط التاكيهات وهل ده بيحصل كل صيف وهل ليه علاقه بالجو والسخونه وطبيعي انه يحصل وممكن افهم رقم رابعا حكايه تثبيت المروحه وهل ده علي حد فهمي من قراتي بالمنتدي انه يلغي عمل الترومستات ويخليها تشتغل علي طول بدون ما تفصل وهل ده شئ طبيعي مش تغيير في طريقه عمل ميكينزم دورة التبريد ويعتبر تدخل وتغيير لطريقه الصانع ((او الخواجه ذي الصنايعيه ما بيسموه)) وممكن يكون له اضرار جانبيه علي دورة التبريد اوحاله الماتور فيما بعد معلش دي مجرد خواطر من تصفحي للمنتدي بس حبيت استوضح وافهم منكو الاول قبل ما اتكلم مع الميكانيكي لاني محبتش اتكلم معاه في اي حاجه لانه هياخدني في متاهات ومش هافهم حاجه ومش بعيد يعرف اني مش فاهم حاجة معلش مقدمة طويله بس انا بحب اتكلم معاكو علي طبيعتي لاني بصراحه بعتبركو اخواني في الله

الرد فى الاقتباس وتقبل مرورى

السلام عليكم
للتوضيح فائدة كلاتش المروحه
في العادي المروحه فائدتها انها بتجيب هواء علي الريداتير للتبريد وده في السرعات المنخفضه امل في السرعات العاليه فأن سرعة المروحه بتكون منخفضه في المحركات الجاز فالمروحه بتكون عائق في تدفق الهواء ففائدة الكلاتش انه بيفصل تعشيق المروحه مع عمود الكرنك وبتكون حرة الحركه فالهواء هوه الي بيحرك المروحه مش المروحه هيه الي بتحرك الهواء فعند الغائه بيكون تدفق الهواء ضعيف مما يؤدي الي سخونة المحرك
ارجو ان اكون استطعت توصيل المعلومه
والله المستعان