|
انا لسه مشترى سايبا 2009 امبارح الحمد لله
السلام عليكم يا رجالة .. انا لسة مشترى سايبا 2009 امبارح عاملة 15 الف كيلو بس الحمد لله .. العربية حالتها ما شاء الله فبريقة .. و سواقتها ناعمة و مريحة عكس ماكنت متوقع .. بس فى 3 حاجات مش فاهمهم و كنت عايز حد يفهمهملى: 1- الدبرياج تقيل معايا و خصوصاا فى الاخر بحس ان فى تزييقة خفيفة تحت رجلى 2- صوت الموتور عالى فى الكابينة .. و بتبقى فى هزة عالية و رخمة لو انا واقف مش بتحرك و العربية دايرة .. 3- لما بشغل التكييف صوت الموتور بيعلى بصورة ملحوظة اوى اوى .. ولو العربية واقفة فى مكانها بتبقى بتتهز بطريقة عالية و مزعجة. ***** هل الكلام ده عادى فى العربية دى ولا محتاج اروح الصيانة ؟؟؟ .. علما ان دى اول عربية بتكييف ليا ... و قبلها كان معايا اوكتافيا 98 بس من غير تكييف يا ريت حد معاه العربية يعرّفنى بالله عليكم |
رد: انا لسه مشترى سايبا 2009 امبارح الحمد لله
الف مبروك على العربية ربنا يهبك خيرها ويكفيك شرها ..
واهلاً بيك فى مصر موتورز نورت المنتدى :) هبداء بالاجابة من الاخر للاول طالماً التكييف بيشتغل وبيجيب هواء كويس (من حيث شدة الهواء وبرودته) كده التكييف مفيهوش مشكلة لو فيه صوت عالى مع تشغييل التكييف اشبه بصرير فده غالباً سير التكييف او سيور عامة اما لو صوت عالى من المكنة مصحوب باهتزاز زى ما وصفت فغالباً قواعد موتور او (مع) مشكلة فى الماتور نفسه وده كله معناه ان حل مشكلتك عند ميكانيكى مش بتاع تكييف بس علشان تبقى عارف عموماً المفروض ان الموتور يعلى مع تشغيل التكييف مش هى دى المشكلة احنا بس هنشوف الاهتزاز والصوت العالى ده من ايه وبالنسبة للدبرياج غالباً سلك الدبرياج عندك بيودع فانصحك تغيرة ... بدل ما يقطع منك وانت ماشى وتغييرة سهل وتمنة فى حدود 50 جنية الكورى النضيف وطبعاً ا لميكانيكى هيبصلك بالمرة على طقم الدبرياج وازا كان محتاج ريجلاش يظبطة الخلاصة الموضوع بسيط بس محتاج زيارة لميكانيكى يظبطلك الدنيا وممكن الموضوع يتلم فى حدود سلك دبرياج وقاعدة موتور او ظبط تاكيهات وبس |
رد: انا لسه مشترى سايبا 2009 امبارح الحمد لله
مبروك
جبتها بكام؟ فيها باور؟ رأيك في الباور بتعها؟ هي علي شاسية ولا علب؟ |
رد: انا لسه مشترى سايبا 2009 امبارح الحمد لله
ROSE4U مبرووووووووووووووووك العربيه |
رد: انا لسه مشترى سايبا 2009 امبارح الحمد لله
ROSE4U مبروك عايزين معلومات عنها
|
| الساعة الآن 05:46 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017