رينو كليو 1994 ساعدونى بسرعة
 

انا اشتريت سيارة كليو 1994 هى متبهدلة شوية من برة
بس هى دواخل فابريكة
والشنطة فابريكة
والشاسية مظبوط زى الفل
والماتور متغيرلها ولسة مثبوت فى المرور
والماتور اللى راكب فيها 1300 سى سى
والتكيف شغال
والرخصة سارية لمدة سنة وشهر
والفتيس فية مشكلة ساعات بيعلق والرجل مشكورا قالى هتهالى وانا اعملك كل الشغل اللى فيها
الللى فيها عداد السرعة فاصل وكرسى السواق عاوز يتنجد
انا اشتريتها ب 24000 تقسيط
دفعت 5000 مقدم
وكل شهر هدفع 750 جنية على 25 شهر
انا عاوز اعرف هو انا كدة اتضحك عليا ولا هو دة سعرها الطبيعى
يعنى انا لو حبيت ابيعها دلوقتى هتجيبلى كام
ولو ممكن تعرفونى ازاى اظبط شكلها
واخليها جامدة وتنطق

رد: رينو كليو 1994 ساعدونى بسرعة
 

مبرووك اولا
انا عاوز اعرف الراجل اللي قسطت منه ده تبع معرض ولا ايه بالظبط ؟

رد: رينو كليو 1994 ساعدونى بسرعة
 

رد: رينو كليو 1994 ساعدونى بسرعة
 

السعر حلو وخصوصا انة تقسيط
والف مبروووك وربنا يباركلك فيها ويكفيك شرها يارب
وبالنسبة لنقطة ازاى تظبط شكلها دة بيعتمد على حالتها عموما
يعنى محتاجة سمكرة محتاجة دوكو كدة يعنى
فى عربية عندنا فى المنطقة نفس موديل عربيتك وصاحبها كل اللى عاملة فيها طقم جنط عادى 13 تقريبا ولونة ابيض وراششها كحلى ميتاليك وحاطط اسبويلر صغير كدة شكلها تحفــــــــــــــــــــــ ـــــــــة

كلامك سليم 100 فى المية والكلام دة هيريحك من هرى كتييير هاييجى فى دماغك
زى مثلا انا اتضحك عليا انا كان ممكن افاصل اكتر انا شاريها غالية كان المفروض استنى شوية عشان اشترى حاجة لقطة والكلام اللى مالوش لازمة دة

زى ما الاستاذ mhamdy75 قالك
طالما اشتريت اركب واستمتع واحمد ربنا انك عندك مقدرة لشراء عربية ترحمك من زحمة المواصلات
وبالتوفيق ان شاء الله :CONGRA~238:

رد: رينو كليو 1994 ساعدونى بسرعة
 

ايه اخبار العربية معاك واسعار قطع غيارها ايه..علشان بدور على واحدة...المهم ان قطع الغيار موجودة كلهااااااا باكسسوارتها ولا لا..