بالله حد يقلي اعمل ايه انا قربت اكرها
 

عربيتي جميله وزي الفل بس مش اصيله بتعمل معايا مواقف هتخليني اكرها طبعا عملت معايا موقف وكتبت عنه في موضوع (قصه متعبه وسؤال لاهل الخبره) المره دي سافرت الي بلدي محافظه المنيا وطبعا مقلق منها في الطريق وبحاول اسافر بعد صلاه الفجر علشان يبقي عندي وقت الله لا يقدر تحصل حاجه من عميلها البايخه المهم اعتمدت علي الله واخذت الطريق الصحراوي الغربي وبدات رحله الرعب في اول ملف العربيه بطلت لوحدها افتكرت اليوم المشؤوم بتاع القصه السابقه المهم دورت دارت زي الفل وربنا اكرمنا ووصلنا بالسلامه وكانت العربيه بتسحب بطريقه ممتازه وبدون ما اشعر اجيب ال 140 طيب وبعدين قلت الحمد لله مافيش مشاكل كملت زيارتي والواجب وخلافه بس بدونها هي كانت مركونه لان مشاويري قريبه في المحافظه وفي يوم في الساعه 7 صباحا صحوني اشيل العربيه لان بتوع المياه بيحفروا يغيرو المواسير دورتها وسخنتها وجيت اديها غيار مش عايزه تاخد اي غيار لا الاول والتاني ولا التالت ولا حتي المرسديه قلت اه بدات قله الاصل فيك ايه ربنا يهديكي ما تفضحنيش قدام الاهل والجيران والصنايعيه ابوس فوق عجلك اقبل فوانيسك برضه مافيش فايده المهم بطلت واديتها غيار ورحت مدور وعلي هذا المنوال لحد ما ركنتها ورحت كملت نومي وانا متغاظ ونفسي اضربها بالجزمه وبعد ساعتين دورتها والمصيبه انها خدت الغيارات زي الفل الله امال كان في ايه
وعلي كده ومش عايز اطول عليكم لحسن تتخنقوا مني المهم انا لسه واصل من المنيا والحمد لله ماعملتش حاجه تعطلني في الطريق غير ان سمعت صوت عالي قلت اشوف في ايه غالبا بليه الدينمو هي ال عامله الصوت ده قلت الحمد لله انها مقفشتش قي الطريق وعلي كده وانا بدات اقلق منها في المشاوير البعيده
ياريت حد يوصفلي جد كويس يعمل تشك علي العربيه كلها حتي لو بالكمبيوتر علشان اخوكم اتخنق وكل ما اروح للميكانيكي يقلي العربيه مافيهاش حاجه:cry2W9::cry2W9:

رد: بالله حد يقلي اعمل ايه انا قربت اكرها
 

مشكلة الغيارات فى ماستر الدبرياج نصيحة غيرة بواحد جديد وتنظيف الدورة من الزيت القديم

رد: بالله حد يقلي اعمل ايه انا قربت اكرها
 

الف حمد الله علي السلامه كلها حاجات بسيطه ان شاء الله طب متروح التوكيل اعمل فحص فيه علي الكومبيوتر وشوف اسعارهم ايه عشان التوكيلات عن تجربه بيفهموا احسن من المصنعيه اللي بره والله الموفق

رد: بالله حد يقلي اعمل ايه انا قربت اكرها
 

هو ده الكلام الصحيح 100/100 . حتى وان كان اسعار التوكيلات مبالغ فيها لكن هتخرج بنتائج ممتازة ولو حسبتها صح هاتعرف ان التوكيل ارخص

رد: بالله حد يقلي اعمل ايه انا قربت اكرها
 

حمد لله على سلامتك والعربية فى ناس ميكانيكية شاطرين لان الموضوع فى الاسطوانة والديسك اكيد وان قلقت يبقى عليك وعلى التوكيل