اول يوم ممارسه عامه فى الزحمه ...
السلام عليكم و رحمه الله و بركاته ...
أنا طبعا زي ما البعض يعرف انى لسه بادىء تعليم من فتره قليله و الحمد لله مستوايا بيتحسن النهارده دخلت اكتر فى الزحمه ... فى المنصورة و ما ادراك ما المنصورة ... كنت بسوق عند الاستاد كده (الى هو قريب من مكان التدريب) و طبعا بسوق فى طريق عربيات ماشى يعنى ... و من المعروف ان النهارده فرز الاصوات .. المهم كان الوضع مزدحم بشكل فظيع .. و انا اول مره اتعرض لزحمه بالشكل ده ... العربيه بطلت معايا اكتر من مره على فترات ... و طبعا فى وسط الزحمه و الناس بتكلكس .. و حاجه زى القرف .. و طبعا اخوكم كان متوتر و حالته زى الزفت .. بس الحمد لله عديت بسلام .. امشى كويس اوى اوى و الحمد لله فى الاماكن الفاضيه او الزحمه بس البسيطه الى مش بتحتاج انك كل شويه تقف و تطلع ... اى نعم بعد ماسمعت كلام زى (يا مسهل ...) .. (اطلع فاضى فاضى فاضى .. و يعلق هه) .. ده مش مهم الى وتر الواحد كلاكسات كل العربياااااااات الى حواليك ... انا بدرب على عربيه شاهين و حالته تعبانه تعبانه يعنى هل انا كده مستوايا كويس ؟؟ طب ممكن اتحسن ؟؟؟ و تنصحونى بايه ؟؟؟على فكره دى الحصه رقم7 ليا .. وكل حصه ساعه .. هل كان المفروض المدرب يستنى شويه عليا ؟؟؟ ارجو المساعده لان فعلا الواحد بيتحرق دمه فى المواقف دى ... و شكرا مقدما لاحلى اعضاء |
رد: اول يوم ممارسه عامه فى الزحمه ...
المفروض يا غالي تمشي فى الشوارع المزدحمة بالتدريج يعنى تمشي فترة والشوارع فاضيه وبعدها زحمه خفيفه وهكذا علشان تكتسب حساسية الطريق وتاخد على العربيه مش من اول مرة تنزل فى الزحمة
|
رد: اول يوم ممارسه عامه فى الزحمه ...
ربنا يوفقك
|
رد: اول يوم ممارسه عامه فى الزحمه ...
انا عن نفسى علشان اتعلم السواقه اشتريت عربيه ب25000 كانت رينو و كان عنى خلفيه عن السواقه يعنى و اول ما جبت العربيه نزلت بيها على البحر الى هو اكبر شارع فى اسكندريه و بطلت و كسرت على ناس كتير و اتشتمت و فى ناس كانت بتشجعنى و كنت بمشى بسرعه اوى سعات ففى نظرى العملى هو الحل واهم حاجه ماتخافش
|
رد: اول يوم ممارسه عامه فى الزحمه ...
بسم الله
انا معاك على الخط زيك بالضبط لسه بتعلم على عرييه لادا 2105 المهم العربيه بتبطل منى كتير فى الزحمه وبسمع كلاكس يوترك جدا بس انا عندى مشكله مش عارف احلها هى ان اعصابى بتبقى مشدوده جدا وساعات بركن على جنب علشان اريح اعصابى |
الساعة الآن 02:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017