مشلكة علو ونخفاض معدل كهربا العربية
 

السلام عليكم

عندى مشكلة مش عارف سببها الى الان وطرح على حل وحبيت اشارككم الرآى قبل تنفيذه
العربية نوعها فولكس بولو 99 - وهى عربية لذيذة فعلا
المشكلة الى فيها ان الكهربا بتعلى وتوطى
يعنى لما ادور الصبح الكهربا تكون مستقرة لغاية درجة حرارة 70 وبعد كدا تبقا طالعة نازلة - واحيانا بتكون مستقرة واحيانا لا
ولما توصل درجة الحرارة 90 وتبدا مروحة الريداتير فى العمل الـ RPM بينخفض الى 2-3 واحيانا العربية بتطفى
يعنى فيه تحميل على كهربا العربية بيحصل اول ما مروحة الردايتر تشتغل


مع العلم ان فلتر الهوا نظيف والبوجيهات 1 سن متغيرة من شهرين

كهربائى قالى لازم تغير مروحة الريداتير لان المشكلة فيها بس انا شاكك فيه لانه عنتده مروحة استيراد جاهزة للتركيب يعنى لو اوك يبقا فك وركب

فيه احد الاصدقاء وبردوا كان فيه ميكانيكى اقترح على تغيير البوابة لان العربية انجكشن والبوابة هيا الى فيها حساس الايديل كنترول بتاع ظبط الهوا

ياترى ايه رآيكم - اغير مروحة الرداتير ولا اغير البوابة ؟

رد: مشلكة علو ونخفاض معدل كهربا العربية
 

بص يا باشا انت مشكلتك دي غالبا من بوابة الرشاش بسمتغيرش دلوقتي روح لحد يقيس كمبيوتر العربية وهيظير عندة في مشكلة في حساس الايدل ولا كويس ولو قالك ان في مشكلة روح للميكانيكي خلية يفك بوابة الرشاشات ويغسلها بالبنزين لو اتظبطت يبقي تمام لو مش كدة يبقي عتغيرة بواحد جديد

رد: مشلكة علو ونخفاض معدل كهربا العربية
 

غالبا

عندك عيب فى كتاوت الدينامو

ويجب الأطمئنان على شحن الدينامو مع سخونة السياره

رد: مشلكة علو ونخفاض معدل كهربا العربية
 

بالفعل انا شاكك فى البوابة بحس انها سعات مش عاجبها الحال كلو وشغالة مع نفسها وانا قست العربية بالكمبو قبل كدا وكانت البوابة تمام ومفيش منها مشاكل تقريبا العمر الافتراضى بتاعها انتهى وجارى ان شاء الله غسل البوابة وقياس الموضوع مرة اخرى

شكرا لك .

رد: مشلكة علو ونخفاض معدل كهربا العربية
 

طيب انا احيانا بعدى على بتاع البطاريات لتزويد البطاريات لان الى عندى سائلة مش جافة وبعد كدا بيقيس الشحن مع تشغيل النور العالى - وبيطلع كل شىء تمام بالنسبة للدينامو والبطارية

ولكن جارى الكشف على كتاوت الدينامو ايضا وشكرا لك استاذنا :)