مشكله فى الدركسيون
 

السلام عليكم ورحمة الله وبركاته
انا عندى عربيه دايو لانوس 2005 كنت باسمع طقطقة لما بالف الدركسيون روحت للميكانيكى وغيرت كوبلن شمال جديد والطقطقه راحت بس بقى فيه صوت تزييق مع الملفات انا قولت يمكن ده علشان الكوبلن لسه جديد بس العمليه طولت جدا ومش ايه سبب الصوت ده وبدات العربيه تحدف يمين وفيه هزه خفيفه فى الدركسيون بتعمل صوت زنه لما باسيب الدركسيون وبيكون فيه زنه او بمعنى اصح زنه فى العربيه على السرعات العاليه بعد 100 كيلو/ساعه
اما المشكله التانيه هى انى بدات احس ان الدركسيون تقل خالص مش زى الاول وبقى فيه صوت خفيف عند لف الدركسيون زى صوت موتور صغير شغال كده طبعا غير صوت التزييق علما ان العربيه باور وعامله96000 كيلو متر يا ريت اللى يقدر يفيدنى ما يبخلش بالمعلومه وجزاكم الله كل خير

رد: مشكله فى الدركسيون
 

ممكن بالنسبة لموضوع الدركسيون تكشف على علبة الدركسيون عند ميكانيكى كويس وربنا يكرنك ويتم الاصلاح وممكن الحدف دة من المساعد مش من الكوبلن شوف عفشجى وربنا يكرمك

رد: مشكله فى الدركسيون
 

أنت تروح لعفشجي مش ميكانيكي
كل واحد وله شغله