|
تعالوا نحسبها ....مين السبب فى وقف الحال ده
الاخوه الأعزاء
تعالوا نحسبها معا فى وقف الحال اللى إحنا فيه ده وبعد مرور 10 إيام على إللى حصل وكل واحد يقول رأيه و وجهه نظره . أنا من وجهه نظرى إن السبب هم رجال الأمن وزبانيه النظام ...طب إذاى زبانيه النظام إستغلوا الفتره السابقه رجال الأمن (طبعا مش كلهم ) والبلطجيه لصالحهم وأصبحوا جزء منهم وكونوا إمبراطوريه لنهب هذا البلد والتحكم فى مقدراته . وطول ماهما مش حاسين بالأمان هيخلوا الشعب كله ميحسش بالأمان وفى حاله فوضى طب ليه مش الرئيس ....لأن الرئيس الأن لا حول له ولا قوه طب ليه مش شباب الثوره والناس اللى قاعه فى التحرير ؟؟ لأن شباب الثوره مكانهم معروف وهو ميدان التحرير وقاعدين خايفين هما كمان من بلطجيه النظام وخايفين يروحوا بيوتهم ليتقبض عليهم ولو حد عنده محل فى ميدان التحرير مش هيخاف منهم ويفتحه إنما هيخاف من البلطجيه . طب منخلى المتظاهرين يتظاهروا كل يوم فى ميدان التحرير ذى ما هما عايزين والأمن يرجع ينتشر فى كل حته ونرجع شغلنا وخليهم هما فى التحرير مالناش دعوه بيهم . فى أعتقادى إن السبب فى وقف الحال هو زبانيه النظام ومن أعطى أوامر ل ألأمن بعدم النزول للشارع لحمايه المواطنين فى الوقت الحالى عشان الناس تحس إن المتظاهرين هما السبب ياريت كل واحد يبدى رأيه ...........وشكرا لكم |
رد: تعالوا نحسبها ....مين السبب فى وقف الحال ده
معاك وموافقك في الراي يا دكتور ... هو انتوا بتعملوا مظاهرات واعتصامات طيب خدوا عندكم
مفيش امن ومفيش اي سلع تنقل وتاخر المرتبات والمعاشات للاسف النظام عرف نقطه ضعفنا وهي رغيف العيش وبيضغط علينا بيها وربنا يسترويفك الازمه بقي لان حال الناس واقف وبتخسر |
رد: تعالوا نحسبها ....مين السبب فى وقف الحال ده
فى أعتقادى إن السبب فى وقف الحال هو زبانيه النظام ومن أعطى أوامر ل ألأمن بعدم النزول للشارع لحمايه المواطنين فى الوقت الحالى عشان الناس تحس إن المتظاهرين هما السبب ..
......................... ..... او مش عايزين الناس كلها تعرف ايه ايلى بيحصل بدقة فى الميدان علشان الاعلام ميشتغلش اكتر والدنيا تولع او العدد ميزدش اكتر من كده ...السوال هل بعض اسبوع من القصة دى متخلص حنلاقى نتايج نشوفها فى حياتنا اليومية ولا مجرد ميخلص المظاهرات والاعتصام خلاص الحكومة تنام تانى وعلى اساس ان الناس هديت ومش حتقدر تعمل مظاهرات اكتر من كده علشان وقف الحال ايلى حصل فى البلد كلها ؟ انا اعتقد ان حنشوف نتايج ايجابية بس على مدة طويلة مش فى يوم وليلة |
رد: تعالوا نحسبها ....مين السبب فى وقف الحال ده
الظلم و القهر و السرقة و ضياع الحقوق لمدة ٣٠ سنة هما السبب
|
رد: تعالوا نحسبها ....مين السبب فى وقف الحال ده
وقف الحال دة سببو الفساد المتفشى فى البلد
|
| الساعة الآن 08:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017