م. سمير.. ياريت تفيدنا بقنبلة تعليمية جديدة.. ولك جزيل الشكر
 

السلام عليكم اعضاء المنتدى.. أولا

ثانيا.. تيل الفرامل (أمامي او خلفي)...

ياريت يا هندسة تفيدنا في اساليب الكشف وال Test المتعلقة بمتى يتم تغير تيل الفرامل (امامي وخلفي) بدون فك أو الكشف بالنظر..

ملحوظة.. من المعلوم للجميع بوجود حساس للتيل الامامي فقط (بغالبية السيارات الحديثة) ويظهر عادة مؤشرها بالتابلوة.. فماذا عن الخلفي ؟؟

كما ان بعض الناس اشارت لموضوع صوت التصفير ،، شاملا تمييز الصوت بفرامل اليد لتحديد مصدره خلفى ام امامي..

وماذا ايضا عن بعض السيارات التى يوجد بيها تيل فرامل يد مستقل عن تيل الفرامل الخلفى (كالتيجو وال A516)

منتظر الرد ، وجزاك الله كل الخير GIFT4U

رد: م. سمير.. ياريت تفيدنا بقنبلة تعليمية جديدة.. ولك جزيل الشكر
 

مفيش وسيله للتعرف على حالة التيل

بدون كشف

إلا من خلال مراقبة منسوب الزيت فى تنك الفرامل

وحنستفيض برضه فى التحاور مع بعض

بخصوص التعامل مع دورة الفرامل

آخر اليوم بأذن الله

من خلال متابعة قوة فرامل اليد مع الأيام

ضعفت فرامل اليد عن عهدها السابق

يبقى مطلوب مننا الأقتراب من تيل فرامل اليد والكشف على حالته

رد: م. سمير.. ياريت تفيدنا بقنبلة تعليمية جديدة.. ولك جزيل الشكر
 

على فكره مفيش حساس لتيل الفرامل

لأظهار حالة التيل من خلال أشاره أو لمبة أنذار فى التابلوه

إللى أعرفه

هو وجود نتوء على التيل بيعمل صوت صفير مع أقتراب نهاية التيل وحاجته للغيار

_________________

يلاحظ أيضا

أن معدل تآكل التيل الأمامى فى السياره المزوده بفرامل ديسكات أماميه

وفرامل طبله خلفيه

بمعدل كل 3 مرات أماميه قدام

يلزم تغيير مره خلفى

رد: م. سمير.. ياريت تفيدنا بقنبلة تعليمية جديدة.. ولك جزيل الشكر
 

شكرا لتجاوبك والرد..

- بخصوص السينسور او الاشارة الموجودة بالتابلوة.. فدي فعلا موجودة ع الاخص في الاسبيرانزا (عن نفسي في التيجو).. فيه رمز من ضمن رموز التابلوة بيظهر وبيدل على ذلك.. وسألت التوكيل قال فعلا فيه سينسور ع الفرامل الامامية فقط..

- اما بخصوص معدل التآكل.. 3 أمام = 1 ورا..
فدى برضوا مختلفة في الاسبيرانزا (تيجو أخويا العزيز المهندس محمد حمدي) اشار ان التيل الخلفي بيكون قبل الامامي وبالفعل هو بيغير الخلفي قبل الامامي.. ياترى ايه تعليقك ؟؟

وشكرا لك مرة اخرى GIFT4U

رد: م. سمير.. ياريت تفيدنا بقنبلة تعليمية جديدة.. ولك جزيل الشكر
 

ممكن تورينى صورة هذا السنسور فى التابلوه

أصلها غريبه فعلا

ومش متخيل كيفية عمله الهندسى

ولو عندك كتالوج

يبقى أفضل لو ترفع لينك الكتالوج

غير مقتنع برضه للآن للأسف

لأن دايما الفرامل الأماميه بتتلف قبل الخلفيه بمراحل

فى حالة وجود فرامل سكاكين أمام

وطبله بالخلف

أما لو كان وراء وقدام سكاكين

فأكيد بتختلف الصوره

وتقريبا أنت تقصد

عندكم فى التيجو

وراء وقدام سكاكين

بدليل قولك

تواجد تيل مستقل لفرامل اليد