ايه الفرق بين البولش و الواكس و الشمع ؟
 

بسمع كتير عن البولش و الواكس و الشمع فايه الفرق بينهم ؟

رد: ايه الفرق بين البولش و الواكس و الشمع ؟
 

البولش عباره عن مسحوق سنفرة استخدامة للتنظيف وتسوية الاسطح
فمثلاً العربيه بعد ما تترش بيبقى فيه حبيبات صغيرة سواء زيادات فى البوية او من التصاق ذرات الاتربه بالبوية فبتتسحق (تتسنفر) بالبولش علشان تحسن استواء سطح البوية
غير كده بتستخدم فى حالة وجود حكات خفيفه فيستخدم لازالة اثار البوية من العربيه التانية من على العربيه
او لتظيف سطح العربيه من الاتساخات القوية تمهيداً لتشميعها

الشمع والواكس هما الاتنين واحد واكس WAX يعنى شمع بالانجليزى
والاتنين وظيفتهم اعطاء طبقة لامعة على البوية بغرض تحسين الشكل وتقليل التصاق الاتربه بالسطح بالاضافة لحماية الاسطح من الخرابيش الصغيرة جداً اللى بتنتج من احتكاك ذرات التراب فى الجو بالعربيه وهى ماشية او من استخدام الفوطة الزفرة

ديه موضوعات فيها تفاصيل اكتر:

كل شىء عن معالجة وازالة الخدوش وتلميع السيارة (محدث)
http://www.masrmotors.com/vb/showthread.php?t=670

طريقة تلميع و تشميع السيارة..(تجربة بالصور)
http://www.masrmotors.com/vb/showthread.php?t=11410

مراحل تلميع السيارة...بالصور
http://www.masrmotors.com/vb/showthread.php?t=25365

رد: ايه الفرق بين البولش و الواكس و الشمع ؟
 

شكرا ليك يا ابو نورا تمام كده

رد: ايه الفرق بين البولش و الواكس و الشمع ؟
 

الله ينور عليك يا ابو نورا تمام اوي كده

رد: ايه الفرق بين البولش و الواكس و الشمع ؟
 

معلش انا عندى سؤال هو البولش ينفع يستخدم مع العربيات الجديدة و لا لأ
وايه طريقة استخدامه و هل لو العربية مفيهاش خدوش لازم اغطى العربية كلها بيه زى الشمع و لا لأ .