العودة   مصر موتورز مجتمع السيارات > تعديل السيارات والاكسسوارت > تعديل السيارات العــام

تعديل السيارات العــام منتدى تعديل السيارات والاكسسوارات والسانود سيستمCar Tuning - Pimp My CaR!!!!!


إضافة رد
 
أدوات الموضوع
  #1  
قديم 10-06-2008, 01:58 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
معالجة وازالة الخدوش البسيطة وتلميع السيارة (شرح بالصور)



اولا فيه ثلاثة انواع من الخدوش


الخدوش السطحية البسيطة
1- نوع بسيط ناتج عن احتكاك التراب بجسم السيارة واستخدام الفوطة الذفرة لتلميع السيارة ---------- للمعالجة استخدم لها الكومبوند وللوقاية استخدم الشمع

خدوش متوسطة
2- نوع متوسط ناتج عن احتكاك ادي لاختراق طبقة الدهان وظهور طبقة المعجون ------- وديه اللي هتكلم عن معالجتها

خدوش قوية تكشف الصاج
3- نوع قوي ناتج عن احتكاك ادي لاخراق كامل طبقة الدهان والمعجون وظهور الصاج ----- وديه لازم معالجتها بدهان اسبراي مش عشان متبانش لانها هتبان بس عشان البارومة

نرجع بقي للنوع التاني وده النوع اللي بيعملوا الحرافيش الصغننين في عربيتك باستخدام المسامير وقطع الزجاج

وظيفة البولش والكومباوند
اولا اسمحولي اقولها بوضوح البولش ولو خشن او الكومبوند مش بيشيل الا الحكات الخفيفة اوي بتاعة التراب (والي في الغالب بتيجي من مسح العربية بالفوطة الذفرة) وديه بتبقي صغيره جدا ولم تصل لحد اختراق البوية وكشف ما تحتها من معجون

في الغالب الخدوش اللي بتتكلم عنها واللي كلنا بنعاني منها هي من النوع اللي بيخترق البوية ويوصل للمعجون وديه بتبقي باينة جدا لسببين :

السبب الاول
انها قاطعة البوية وبالتالي عاملة علامة نتيجة انخفاضها عن باقي مستوي البويه


السبب الثانيً
لانها بتكشف المعجون وبالتالي بيبان الفرق اللوني بين البوية والمعجون اللي في الغالب بيكون لونة ابيض او احمر


لعلاج السبب الاول
صعب التغلب عليه الا بالسحق بماده سنفرة عاليه الخشونة عشان نسوي كل ما هو حولين الخربوش عشان المستوي يبقي واحد
ويستخدم فى ذلك النسفرة الورقية بعد بلها بالماء او باستخدام الصاروخ كما فى الصورة




او باستعمال ماده تقوم بملاء الفراغ الناتج عن الخربوش
للاسف حتي الان لم اجد اي ماده تقوم بعمل اي من الطريقتين !!

لعلاج السبب الثاني :
يمكن التغلب عليه باستخدام اما :
1: بولش بلون السيارة --- وده بيبقي فيه منة الوان تقريبية يعني الجراي والفضي والفراني كلهم ليهم لون واحد ودرجات الازرق لون وهكذا وده فكرتة قائمة علي تنظيف سطح السيارة تماما (وظيفة البولش الطبيعية) بالاضافة الي سبغ عمق الخدش ليصبح قريبا من لون الدهان مما يحد من سوء شكل الخرابيش
سعرة في حدود 30 - 50 جنية انا جيبت نوع صنع في الاتحاد الاوربي ماركة مجهولة ب 38 من هايبروان اللي في داندي مول

(تعليق شخصي)
بصراحة بعد ما استخدمته مش حاسس انة مفيد اوي وخسارة فيه الفلوس الا لاستخدامة كبولش عامة


2: استخدام اسبراي لون مقارب للون السيارة وبعد رشة بثواني تقوم بمسحة بجاز لازالتة من علي كل البوية بس طبيبعي انة هيملا الشقوق بتاعة الخرابيش فتبقي بلون قريب للسيارة
ده سعرة بيتراوح بين 10 - 15 جنية ويباع عند اي موان 8)

(الامل) في وجود KIT عبارة عن مجموعة مواد تضاف بالتتابع ويده بتعمل عمل المعجون لسد مكان شقوق البوية ثم تلوينها ثم سنفرتها لتسويتها تماما بالسطح الكيتس ديه بتتباع برة ولسه مشوفتش منها في مصر ولا اعلم مدى فعاليتها كمنتج لاكن كتكنيك فهي اصح تعامل مع الخدوش

طريقة استخدام البولش :

البولش مادة سائلة (عكس الكومبوند او الشمع اللى بيبقى على شكل كريم )

فتغطية العربية بيه اسهل واقل فى المجهود

فيه نوعين عامة من البولش نوع عادى ونوع عليه اضافات شمعية بحيث يدى نتيجة التنظيف والتلميع فى نفس الوقت

فيه انواع منة بتبقى على شكل زجاجة ببخاخ وديه اسهل حاجة طبعا بترش وبعدين تمس بفوطة ناشفة

او العبوات السائلة بتسخدم قطنه معاها لتوزيع السائل على العربية

وعامة يعامل البولش معاملة المواد المنظفة يعنى مش محتاج تسحق بيه العربية او او تستنى عليه فترة زى الكومبوند و الشمع مجرد انك تغسل بيه الاجزاء اللى فيها اثار دهان من عربية تانية وتلمع بعدها


اخيرا للوقايه من الخدوش بانوعها واظب علي :
1: استخدام الشمع كل فترة
2: عدم ترك السيارة بدون غطاء
3: استخدم اغطية السيارة المبطنة
4: ابتعد عن استخدام الفوطة الذفرة (خاصة مع استخدام فوطة ممتلئة بالاتربة)
5: تجنب عدم ترك السيارة في مناطق ذات كثافة مرورية (مشاة) عاليه لان الناس بتمشي تلوش بأيديها وبالشنط اللي شايلاها
6: احتفظ بالسيارة دائما نظيفة لان الاتربة المتراكمة علي السيارة اكبر مسبب للخدوش

ملحوظة هامة
يجب ملاحظة ان اغلب الوسائل المستخدمة فى معالجة الخدوش تؤدى الى ازالة طبقة (التشميع) او اللمعة المميزة للدهان الجديد وخاصة اذا استخدمت بشكل مفرط


للبحث علي الانترنت عن منتجات اذالة الخدوش استخدم الكلمات التاليه في محركات البحث
car scratch remover, car scratches, scratch kit, automotive body repair tools,
---------------

للمزيد من المعلومات عن الحفاظ على دهان السيارة والتشميع يرجى زيارة موضوعى التالى
تشميع السيارة خطوه بخطوة
http://www.masrmotors.com/vb/showthread.php?t=671
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش


التعديل الأخير تم بواسطة AbOnOrA ; 12-10-2009 الساعة 07:51 PM سبب آخر: ارشفة واضافة توضيح للعنوان
رد مع اقتباس
  #2  
قديم 10-06-2008, 02:00 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
تشميع السيارة خطوه بخطوة




اهمية طبقة الدهان (الفابريكا) والفرق بينها وبين إعادة الدهان

بصوا يا جماعة الاصل في صيانة بودي العربية هو المحافظة علي طبقة الدهان اللي بتدي الشكل الجميل للسيارة بالاضافة لوظيفته الاساسية وهي الحفاظ علي الصاج من الصدء ومختلف العوامل الجوية

طيب المصنع بيعمل ايه هو اولا بيستخدم احدث التقنيات في دهان السيارة عشان كده دهان الفابريكا برقبة اي دهان اضافي حتي لو كان سكينز

( مثال )
جيب عربية بدهان الفبريكا وعربية تانية راشة وسمكر الاتنين علي البارد اللي راشه مع الدق علي الصاج البوية وارد جدا انها تنطر مهما كان نوع المعجون اما دهان الفبريكا فبيبقي هو والصاج واحد


نكمل كلامنا عن دهان الفابريكا -- بعد ما تخلص مراحل المعالجة للصاج والدهان وتثبيتة بندخل في اخر مرحلة واهمها وهي التشميع
وده بطلاء الدهان بطبقة شمعية تعمل علي المحاظة علي الدهان واعطاءه الشكل الامع المميز للسيارات الزيرو

اهمية طبقة الشمع لدهان السيارة
تتمثل اهمية طبقة الشمع في كونها خط الدفاع الاول في المحافظة علي هيكل السيارة فضلا عن الدهان نفسة

اسهل طريقة للحفاظ علي طبقة الشمع هي غسيل السيارة في محطة خدمة بالفوم والماء وباستخدام مسدس الماء وده مرة في الشهر ( ده مع الاستخدام الجامد انا مثلا بغسلها مرة كل شهر وبعمل متوسط 100 كم يوميا )
وبعد ما العربية تنشف خالص تشمعها باستخدام مواد التشميع فقط



نصائح حول استخدام الشمع

- ( فيه مواد تشميع مضاف عليها بولش متسخدمهاش )
بعض الانواع تباع كشمع سائل او كشمع سائل مضاف لمادة البولش




- يفضل الشمع الكريم مش الاسبراي لسهولة وكفائة استخدام الكريم



- افضل نتيجة لاستخدام الشمع والعربية نظيفة




- استخدم الشمع والعربية باردة ومش تحت الشمس الجامد

- اترك الشمع بعد فرشة علي العربية 10 علي الاقل قبل ما تمسحة

- استخدم سفنج او قطن او فوط قطنية للتلميع

- استخدم الاسفنجة اللي بتيجي مع الشمع


- افضل نوع مجرب هو " ترتيل واكس " علبة لونها اخضر وعليه سحلفة سعرة في رينج 35 جنية ويكفي لمرااااااات عديدة


- عند تشميع العربية افرش الشمع علي جزء ( الكبوت مثلا ) ثم الرفرفين وسيبهم ينشفو وبعدين لمعهم ثم باقي اجزاء السيارة تباعاً



- بعد التشميع هتلاقي ان العربية بتلمع اكتر وملمسها ناااعم جدا يبقي انت كده ماشي صح استخدم بقي فوط عاديه زفرة اي حاجة لتلميع العربية يوميا ومتخافش علي البويا عشان معزولة تحت طبقة الشمع

ptmnlo123per171

الجوانب السلبية للتشميع


- الشائع ان الشمع بيخلى العربية تلم تراب وده مش صحيح الشمع مش بيلم تراب لاكن بيبان فيه التراب لانة مش بيخلي الوساخة تلزق لاكن تنظيف العربية بيبقي سهل جدا



- افضل نتيجة للشمع مع السيارات الجديدة طبعا كمان اللمعة اللي بيعملها الشمع بتبين عيوب السمكرة

- ر


بس خلاص
كفاية بقي ايدي وجعتنى واى استفسار انا موجود باذن الله
ptmnlo123per122


الانواع الاخرى المتاحة

شكراً " خالد خليفة"



[quote=khaled al sharif;153758]

الأنواع الأخري المتاحه والتي هي في رأي عن تجربة أفضل من الترتيل واكس وهي ترتيبا كاتالي :

1- Formula 1

2- Tretel wax

3- Super gold من شركة ABARO

4- Hi - Shine

وكلها تلاقوها في السوبر ماركات الكبيره زي كارفور أو هيبر ون ..... أو البنزينات الكبيره لموبيل وشل

النوع إللي جربته بيعالج سكراتشات مسح العربية ... كان SCRATSH OUT + ABRASIVE WAX يعني معالج خدوش وفي نفس الوقت بيشمع ... بس مش العربية كلها لا الجزء إللي حضرتك مصاب الإسكراتشات


ومرفق صور العلب دي لأنها كلها عاندي ومجربها
.

ABRO


Formula 1





Hi shine


الصور المرفقة
نوع الملف: jpg 1.jpg‏ (41.9 كيلوبايت, المشاهدات 34)
نوع الملف: jpg 2.jpg‏ (60.4 كيلوبايت, المشاهدات 19)
نوع الملف: jpg 3.jpg‏ (58.3 كيلوبايت, المشاهدات 21)
نوع الملف: jpg 4.jpg‏ (46.2 كيلوبايت, المشاهدات 24)
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش


التعديل الأخير تم بواسطة AbOnOrA ; 05-04-2010 الساعة 02:20 PM
رد مع اقتباس
  #3  
قديم 14-06-2008, 05:08 AM
الصورة الرمزية diea
diea diea غير متواجد حالياً
 
تاريخ التسجيل: Jun 2008
المشاركات: 2
diea is on a distinguished road
افتراضي رد: كل شىء عن مذيل الخدوش

تسلم إيدك و الله يا أستاذ وائل
أفادكم الله
رد مع اقتباس
  #4  
قديم 14-06-2008, 10:39 AM
الصورة الرمزية ahmedsalah
ahmedsalah ahmedsalah غير متواجد حالياً
من انا؟: مواطن مطحون
التخصص العملى: محاسب
هواياتي: كرة القدم
 
تاريخ التسجيل: Jun 2008
الموقع: العبور
المشاركات: 433
ahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond repute
افتراضي رد: كل شىء عن مذيل الخدوش

10/10 يا ابو نورا
رد مع اقتباس
  #5  
قديم 14-06-2008, 11:05 AM
الصورة الرمزية ahmedsalah
ahmedsalah ahmedsalah غير متواجد حالياً
من انا؟: مواطن مطحون
التخصص العملى: محاسب
هواياتي: كرة القدم
 
تاريخ التسجيل: Jun 2008
الموقع: العبور
المشاركات: 433
ahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond reputeahmedsalah has a reputation beyond repute
افتراضي رد: تشميع السيارة خطوه خطوة

مشكور يا باشا وتسلم ايدك
رد مع اقتباس
إضافة رد

الكلمات الدليلية
معالجة الخدوش, معجون, السيارة, بولش, خدوش, خدوش السيارة, دهان وسمكرة سيارات, طلاء السيارات, قلم ازالة الخدوش

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
54 معلومة لصيانة وسلامة سيارتك ahmedsalah منتدى الصيانة العام 73 10-03-2015 06:06 PM
السيارة القاطرة والمقطورة نبيل عبدالرحمن منتدى السيارات العام 0 05-04-2012 10:49 PM
ماذا تعرف عن السيارات asalacenter منتدى السيارات العام 10 29-12-2011 12:41 PM
الطرية الصحيحة لقطر السيارة tham1010 منتدى السيارات العام 0 16-07-2011 04:21 PM
قواعد القيادة درش سلامتك على الطريق 1 19-06-2008 11:40 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:52 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017