مصر موتورز مجتمع السيارات - شكر وعرفان للناس الجدعان ( أ.حازم خضر)

الموضوع ده شكر وإفادة فى نفس الوقت

أولا شكر للعضو المحترم أ.حازم خضر
ثانيا إفادة لباقى أعضاء المنتدى

إمبارح الجمعة كان عندى فرح بتاع واحد حبيبي أوي صحيت من النوم ونزلت صليت الجمعة وخرجت كام مشوار وبعدين لقيت تليفون غريب

أيوة يا مهند أنت فاضى (what)

أه يعني شوية أنت مش جى الفرح ولا إيةايه ياترى

فرح إية بس عربيتنا إسرقت36_1_5[1]

لا يا راجل قول إن أبوك رفض يديك العربية فى الفرح المرة دى عشان مش فاضىANAA7TG

لا والله بجد خرجنا بعض الصلاة لقينا إزاز العربية مكسور والموبايلات إتسرقت فلوس كتير

المهم إن العربية موجودة يعنى FLASHCar

أنت هتهزر أنا عيزك معاية بعد صلاة العصر نروح نركبه

طيب طيب يحلها ربنا

لا يا حبيبي جى يعنى جى BOXBOX

طيب خلاص نصلى العصر فى جامع الباشا نحضر كتب الكتاب ونروح

لا أنت هتصلى وتسلم على العريس وتطلع تقعد فى العربية وأنا أخد دورىSLAM

هههههههههه طيب ماشى yesyes

بعد محصل الجزء الأخير ده روحنا عند كل بتوع الإزاز اللى فى المحلة يا إما قافلين يإما معندهمش الإزاز الجانبي بتاع تويوتا إفانزا وهنا لمعت فى ذهنى فكره عبقرية خزعبلية قلت ما أكلم حازم خضر انا معاية رقمه جايز يدلنى على حد

سلام عليكم

أ.حازم خضر _خدتوا بلكوا من (أ.) دى ده إسلوب إحترام _GIFT4U

أيوة

حضرتك أأأأنا عععضو فى مممنتدى مصر موتورز
وكنت ععععايز وحكتله القصة وطلع كل اللى قالى عليهم تقريبا رحتلهم ربنا يجازيه كل خير ويجعله فى ميزان حسناته الراجل كان بصراحة ذوق جدا

المهم رحت طنطا عند بتاع إزاز سيارات إسمه ابو حلوة ونزل معايا واحد قريبي في طنطا جابلى الإزاز من الراجل بمائة وعشرون جنيها مصريا فقط لاغير وتم تركيبه عند واحد طنطاوي ب20 جنيها مصريا فقط لاغير DDFG

نعمل باك فلاش للخلف

نزيت أقول إن وإحنا مسافرين من طنطا للمحلة وقبل طنطا بشوية سمعنا صوت بووووووووم يا مساء الفل الكوتش فرقع لا ده مش الكوتش ركنا العربية ونزلت ابص لقيت كله سليم بس فى زي زيت بينقط من الجنب الشمال فى العربية طلع التكيف وباظ التكيف السخيف وبتاع الإزاز قالى متفتحش الإزاز لحد بكره يعني لا تكيف ولا إزاز nononono

ماشي ماشى ورجعنا ولحقنا الزفه وبيب بيب بيب وخلصنا الزفه وخلصت الحدوتة

الدروس المستفاده من القصة

متحطش الموبايل على الطبلوة وأنت خارج العربية أو أي شىء ذا أهميه عشان ممكن يتسرق وتطر تروح عند ابو حلاوة تركب إزاز 444546

متنساش إنك مشترك فى منتدى محترم زي مصر موتورز وفى الف واحد ممكن يخدموك بعنيهم فيه لما تقع فى مشكله وبذات لو من المحلة وبذات لو من عند مصنع الزيوت والصابون وبذات لو إسمهم أ.حازم خضرyesyes

متنساش تقول دعاء السفر وأنت مسافر من المحلة لطنطا أو أي حته في الدنيا عشان متسمعش حد جنبك بيقول بووووم 36_1_5[1]

لو حطيت حاجة ذات أهمية على الطبلوة أو الكراسى وأنت بره العربية زي مثلا جهاز N97 يبقى سيب إزاز العربية مفتوح أو العربية كلها مفتوحه عشان متبقاش خسرت الموبايل والإزاز clapclap

ودمتم سالمين

تمت بحمد الله

رقم الإيداع 000000000000

ROSE4U