ما هو يا أنا يا العربيـــــــــــه فينا حاجه غلط !!!!!
 

والهى يا جماعه انا عمال اضحك ومش عارف اعمل ايه بالرغم من المصايب اللى شايفها فى الجيب شيروكى
انا كنت عملت موضوع كامل عن مشكلتى فى الشيروكى فى قسم الصيانه وهيا التقطيع وده اللينك
http://www.masrmotors.com/vb/showthread.php?t=30177

المهم العربيه المره دى كانت عند الميكانيكى كالعاده وقعدت فتره محاوله اخيره للقضاء على مشكلة التقطيع و المدافع و كانت بيتغير ليها دفيره الكهرباء كلها بناء على تعليمات الوالد و تكلفت 400 جنيه
طيب مفيش مشكله كله يهون بس ترجع زى الاول GIFT4U
وقولنا خلاص بقى كل حاجه اتحلت والمفروض الراجل جربها مرتين و كانت تمام المهم وصل دلوقتى حالا تحت البيت وقولتله ايه الاخبار تمام قالى تمام اتكشف عليها بالكمبيوتر و كله تمام وانا جاى بيها زى الفل
قولتله يركب جنبى و نجربها وقالى ماشى مافيش مشكله لسه العبد لله بيركب و يدور العربيه MADDRIVE دارت و رعشت و بطلت ولما بتدوس بنزين وانت واقف بتسمع صوت فرقعه و بتدى مدافع ورجعت ايمه لعادتها القديمه 36_1_5[1]
وبكده نبقى رجعنا لنقطه الصفر تانى
ملحوظه :
اول مره اتغير كارته الكهرباء و كان ثمنها 2000 جنيهnononono
قولنا مش مشكله المهم تتظبط و للاسف مفيش فايده
تانى مره اتغير دفيره الكهرباء وكان ثمنها 400 جنيه nononono
قولنا مش مشكله المهم تتظبط وللاسف مفيش فايده
حتى طرمبه البنزين الراجل بص عليها
يعنى طرمبه وشوفناها
كارته كهرباء و غيرناها
دفيره كهرباء و غيرناه
فلتر البنزين و نظفناه
طب نعمل ايه تانى ايه ياترى
العربيه المفروض انها بتبقى شغاله زى الفل انا بركبها بيركبها ميت عفريت
انا حاسس ان فى حد فينا فيه حاجه غلط
من ضمن المواقف الطريفه الشبيه: برده التى تدل على هذا
مره كانت عند الراجل بيتركب فيها كاسيت و بابا راح جابها و جاى هوا و الميكانيكى سايق العربيه و مشغالين الكاسيت على الاخر و شغال تمام
وصلوا تحت البيت بابا كلمنى عشان انزل اشوف الكاسيت اقسم بالله لسه بقف قدام العربيه الكاسيت وقف وحلف ماهوا شغال what
بجد نفسى ألاقى حل للعربيه الفقر دى قبل ما أولع فيها و فى نفسى MAD
انا بعتذر لو الموضوع مش منسق لانى بجد يا جماعه ربنا يعلم بيا دلوقتى حالتى عامله ازى والمفروض ان يوم الجمعه رايحين بيها المصيف وكل حاجه متلخبطه

رد: ما هو يا أنا يا العربيـــــــــــه فينا حاجه غلط !!!!!
 

و الله ما عارف اقولك ايه يا ابو حميد
شوف ميكانيكي تاني
او بيع العربيه
او ما تركبهاش تاني دا اسلم حل

رد: ما هو يا أنا يا العربيـــــــــــه فينا حاجه غلط !!!!!
 

خلاص خلى حد تانى يركب ويجرب يجوز أنت بتمشى بيها غلط , أنا بالظبط زيك كنت فعلا العربية تلاقى مشاكل فيها وأنت ماشى وأول ما تروح للميكانيكى تلاقيها أتصلحت لوحدها وحلفت مليون طلاق ما هى مشتكيه تانى بس برضه بعدها بترجع لنفس العادة .

يا أخى أنا حاسس أن العربيات لها روح وبتفكر وبتعانى ,على العموم أنت جربت تروح بيها التوكيل

رد: ما هو يا أنا يا العربيـــــــــــه فينا حاجه غلط !!!!!
 

خلاص سيبها فى حالها يمكن عاوزة ترتاح شويه :)
بس زى ما استاذ حازم قالك وديها لميكانيكى تانى يكشف عليها وربنا يستر وتروح المصيف وترحع بالسلامه

رد: ما هو يا أنا يا العربيـــــــــــه فينا حاجه غلط !!!!!
 

والله بجد ممكن تكون محسووووووووووود عليها

و ما بهزرش الموضوع دا بجد العييييييييين وحشة

عليك بقرائة قران فيها