ارجو الافادة المهمة جدا من اعضاء منتدانا الغالى
 

اولا ازيكو يا ياجماعة ويارب تكونو باتم صحة وتكونو بخير ديما
انا كنت عاوز يا جماعة اخد رئيكو فى حاجة مهمة بالنسبالى
انا ناوى اشترى اسبيراينز 516
بس جالى هيسهيس فى دماغى بسبب اراء اخوانا الاعضاء المحترمين الى معانا فى المنتدى هنا فى العربية ال 516
وعرفت ان العربية دى زى البطيخة يا تطلع قرعة يا تطلع حمرا ويارب تطلع حمرا معايا فا انا قبل ما ادفع فيها فلوس كنت عاوز اخد رئيكو فى العربية دى وانا سمعت ان ابو غالى الوكيل بتاعها مش بيسلم العربية غير بعد شهور من حجزها وعرفت ان المصرية بتسلم فورى بس دا طبعا بعد ما تطلع عين الزبون وياخد العربية وتمنها ازيد من التوكيل ودا طبعا مش كل الالون
المهم
انا عاوز اعرف ازاى اعرف ازا العربية الى انا هشتريها دى فيها عيوب قبل ما اشتريها يعنى لو فيها يعنى عيوب بتبان فى اول ركوبة للعربية
وهل اشتريها من التوكيل ولا المصرية
وياريت تجاوبونى بسرعة لانى عاوز اعرف العربية دى نظامها اية مع مستخدميها واية رئيهم فيها من جهة الاستعمال وكدا يعنى احسن ما اشترى العربية دى ويجيلى شلل رعاش منها ولا حاجة او افلسع من الدنيا بدرى هههههههههه
شكرا يا احلى اعضاء

رد: ارجو الافادة المهمة جدا من اعضاء منتدانا الغالى
 

ابو غالى مين
اسف يا جماعة طلعت من عند ابو الفتوح
الوكيل
تصحيح خطا بس

رد: ارجو الافادة المهمة جدا من اعضاء منتدانا الغالى
 

ارجوكو يا جماعة حد يرد عليااااااااااااااا
ارجو ريئكم بسرعة

رد: ارجو الافادة المهمة جدا من اعضاء منتدانا الغالى
 

رد: ارجو الافادة المهمة جدا من اعضاء منتدانا الغالى
 

سيدى العزيز مع احترامى للاسبرانزا بس بمجرد انك على يقين ان السيارة فيها مشاكل وانها زى البطيخة يا تطلع حمرا يا قرعة
انا مش فاهم ازاى هى ضمن اولويات حضرتك
العربية اختيار هام
يعنى ممكن مثلا سمعت ان بيت مايل الخ ومش متأكد وتسال تجيب او لا
او رايح تتجوز واحدة وتسمع انها ممكن او مش ممكن
طبعا لا فى الامور دى مفيش تهاون او تنازل
نفس الامر مع موضوع شراء سيارة لية تخلى ضمن اولوياتك سيارة فى منها بعض الانتاج سيئ
اعتقد لو انت اشتريت العربية مثلا 65 الف جنية وناقص 100 جنية بس من العربية الوكيل او الموزع عمرة ما يتنازل عن حقة حتى فى ربع جينة
لية انت بقى تتنازل عن حقك وتشترى عربية فى اكتر الاحتمالات مش وحشة لكن المجمع والصانع المحلى بيحط فيها قطع وصناعات مغذية لا ترتقى ابدا ودون المستوى والمصنع الام اكيد عارف وساكت
لية نشجع الصناعات الرديئة
هو انت لاقى فلوسك فى الارض
انا برد عليك بكل منطق من منطلق كلامك انت حتى لو بتتكلم عن مرسيدس طالما فى شك
وهذا الشك كان ناتج عن تجارب سابقة
يبقى طبعا لازم تكون مش ضمن اختياراتك
لازم ثقافة اختيار الثقافة واسس الاختيار تكون صحية
انت لما بتفكر تشترى عربية جديدة زيرو يبقى علشان تبعد عن المغامرة والمقامرة ووجع الراس والقلق وراحة البال مش علشان تجرى ورا الوكيل وتقول دينامو ومش عارف اية وتصرف عليها
تشترى عربية جديدة علشان مصاريف تشغيل تكون بس وقود وصيانة دورية خفيفة مش عيوب تصنيع وتجميع وفطع معيبة
سيبك من الصالون انة عاجبك وشكل العربية طالما فى دعاوى قضائية ضد هذا الموديل لا تخاطر حتى علشان التوكيل والمصنع يكون عنده ضمير ويبدأ يحس بالخطر والخوف على استثمارتة روح للمنتج الافضل والاجود حتى لو اقل فى التجهيزات وشكرا لك وان شاء الله اختيار موفق وربنا معاك ودمت بالف خير