طقم الصوت والجي ام عليه مخالفه وسحب رخص !!
 

السلام عليكم ورحمة الله وبركاته

حاجة غريبه انا بتعرضلها كل ما بروح بور سعيد وعاوز حد يساعدني فيها كل ما اروح بور سعيد

يوقفني سعادة البيه الأمين امين مرور بورسعيد وهو مش لابس ميري كمان ويقولي معاك جي ام او صب وانا داخل وانا خارج

حاجة تخنق بقيت ادخل اقوله انا عارف مش معايا جي ام ولا صب بجد اكتر من 13 - 14 مرا اتسأل في خلال شهر او شهرين وانا طالع وانا داخل

وقفت وسألته هو في ايه يعني كل مرا تسألوني على الجي ام

قالي لو معاك جي ام هنسحب رخص العربيه ورخصتك وهنحولك على النيابه او هنصادرهم ..

حاجة غريبه دا انا اتصرف معاه إزاي في حال اني ركب فعلاً جي ام او صب هل فعلاً دا من حقه ..

وشكراً

رد: طقم الصوت والجي ام عليه مخالفه وسحب رخص !!
 

ايه ده انا اول مره اسمع عن الموضوع ده اكيد دى اشتغاله
ولو الموضوع ده صحيح يبقى عليه العوض على البلد دى اللى هماله تلطش فينا شمال ويمين دى الحكومه ناقص تمد ايديها فى جيوبنا واللى معاه اكتر من 100 جنيه وهو سايق يتصادروا
مافيش قوانين واضحه وليها سبب

رد: طقم الصوت والجي ام عليه مخالفه وسحب رخص !!
 

رد: طقم الصوت والجي ام عليه مخالفه وسحب رخص !!
 

السلام عليكم ورحمة الله وبركاته

اولاً انا عمري مادخلت على كمين معلي الصوت ولا كربتهم حتى بس انا مركب اربع سماعات و سي دي سوني بيبقى منور فابيشوفهم فا بيقول اكيد معاه صب او جي ام وبدون ما اشغل حاجة بيقولي افتح الشطنه اشوفهم ...

مش اول مرا تحصل حضلت والله فوق الـ 10 مرات وانا طالع وانا داخل

لدرجة ان واحد صحبي مركب جي ام وصب معدتش بيروح بعربيته هناك نهائي

فا انا كنت عاوز اعرف القانون بيقول ايه علشان اعرف اتصرف معاهم علشان لو مركبهم ومش مشغلهم اصلاً ليه حق يتكلم ولا لأ ليه حق يقولي افتح الشنطه ولا لأ ليح حق يقولي فك حاجة ولا لأ بس لا اكتر ولا اقل فيه ملاحظة شوفتها لما الزابط بيكون قاعد محدش بيتكلم في حاجة زي دي ...

شكراً لتواصلكم

رد: طقم الصوت والجي ام عليه مخالفه وسحب رخص !!
 

أولا مفيش أي قانون في المرور بيمنع أنك تحط أي نظام صوت في عربيتك أيا كان

ثانيا مش من حق أي حد يفتش عربيتك في كمين غير باذن نيابة

يعني من الآخر قوله أولا انت مين واعرف رقم بطاقته ده حقك ورقم كانيه الشرطة بتاعه كمان .. ولو رفض ارفض أنك تتحرك غير لما تعمله محضر بالرفض .. بعدين تقوله أنا مش هافتح الشنطة غير بإذن نيابة برده لو رفض اثبت الحالة ولو عمل بلطجي تروح بسرعة وقتي وتعمل محضرر في أقرب قسم شرطة
وبرده بسرعة تتصل على برامج القنوات والصحف وتبلغهم بكل اللي حصل بالتفصيل ولو معاك اسم الامين يبقى حلو قوي
بعدين ممكن تتصل بأي جمعية حقوق انسان مركز هشام مبارك مثلا وتبلغهم بكل التفاصيل

بكده انت هاتكون ولعت الدنيا وأنا عارف أنها حاجة هايفة ماتستهلش بس ده الطريق الوحيد أننا نربي أمناء الشرطو وبعض الضباط ونعلمهم حدودهم