مصر موتورز مجتمع السيارات - سؤال عن البلونيز

السلام عليكم
لقد تابعت تصميم العديد من السيارات لأني و على مدى سنوات كنت بأستخدم السيارة 127 كسيارة ركوب و أيضآ كعربية نقل .
و كنت شاريها أصلآ من صديق عزيز بيستعملها كذلك في نقل شغله
و كان مزود لها ورقة في السوستة الخلفية عشان تتحمل الوزن
بصراحه أنا نفسي شلت فيهل لحد 700 كيلو و زياده مع السفر محمل
و الحمد لله الوضع كان مستقر و كله تمام
و بعد سنوات وجدت أنه من المفترض أن أحيلها للمعاش
فكرت أفضل عربية تقوم بالمطلوب هي البلونيز
واسعه و ممكن نطبق الكنبه الخلفيه و سوستها الخلفيه ليست حلزونه .
يعني أفتكر ممكن أزود لها ورقة للسوست و الله أعلم - لو حد عنده تجربة يقول -
المهم
سؤالي دلوقتي بدون ما حد يزعل
ممكن أركب لها تكييف
آه و الله .. أصلي بأتسلق في الحر في العربيه 127
بحس أني قاعد ع الموتور و السقف ما قولكش ساونا ببلاش
ممكن يركب لها تكييف و لا لأ ؟؟؟
و لو ممكن يتركب فين و بكام
لو في أنواع من التكييف يبقى أنهي المناسب لها
الصيف جاي يا جماعه
أس أو أس
حد يفيدنا قبل ما أشتريها
و لو أني كده كده هأشتريها بإذن الله عشان ال127 تعبت خالص و مراتي بتحرجم عليها
و متشكر لحضراتكم
و بالمرة تتموا جميلكم و تقولوا لي سعرها في المتوسط كام
و لو عربية تعبانه آخرها أيه يعني عشان تقوم على حيلها
و شكرآ