ايه افضل مساعدين لفيات 131؟
 

الحمد لله المساعدين الامامى اللى لسه كنت مركبهم فى شهر يناير اللى فات باظوا هما كانوا ميرلى المانى ومعرفش ايه اللى بوظهم يمكن حفرة او مطب او من نفسهم المهم انهم باظوا ومش عارف السبب دلوقتى عاوز اغيرهم فقدامى اكتر من حاجه ( مع العلم انى هركبهم فى الزقازيق ):
*من الزقازيق
- اجيب مساعدين اسبانى ب 400
-اجيب مساعدين المانى ميرلى ب 420

* من القاهرة
- اجيب مساعدين مونرو ب 420

وازاى اتجنب الغش التجارى و المساعد ينفع انا اللى اشتريه ولا لازم العفشجى عشان يشيك عليه؟

رد: ايه افضل مساعدين لفيات 131؟
 

اهلا بيك يا مجدي :)
بص يا سيدي طالما حتشتري المساعد جديد يبقي مش لازم العفشجي يشوفه
مونرو حلو بس حينشف العربيه شويه و لو العفشه عندك مش تمام حيبهدل عفشه العربيه.
و عموما خلي عفشجي يشوف العربيه تاني يمكن تكون العربيه عاليه و المساعد مش عارف يتنفس كويس
يعني مش عارف يطلع و ينزل لان العربيه عاليه

رد: ايه افضل مساعدين لفيات 131؟
 

فى نوع اسمه ديلفى بولندى الصنع ب 355 جنيه العفشجى قالى عاليه و ركبته فى الشاهين و الحمد لله زى الفل

ولك مطلق الاختيار:HAPPY_~211:

رد: ايه افضل مساعدين لفيات 131؟
 

شكرا على الرد اسف ان الشكر جه متأخر بس مش بدخل كتير
انا غيرت المساعد اللى بايظ بواحد استيراد وكلفنى 70 جنيه و مصنعيه تركيب 30 جنيه ( وشكله قرب يبوظ)
كنت ناوى ان شاء الله هغير مساعدين و كاوتش و اضبط العفشة بس حاليا مجمد كل حاجه لان الكلام اللى بيتقال الايام دى عن احلال الملاكى بيوجع قلبى وبطنى ومن ساعه ما سمعت الاشاعات والتصاريح وانا مش عارف اتلم على نفسى و مش هقول لكم حالتى عامله ازاى دعواتكم