مصر موتورز مجتمع السيارات - الحقوني عشان العربيه هتجنني

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - الحقوني عشان العربيه هتجنني (https://www.masrmotors.com/vb/showthread.php?t=75863)

الحقوني عشان العربيه هتجنني

بدايه احب اشكر كل المشاركين والقائمين علي هذا المنتدي الرائع والذي اعتبره من افضل المنتديات العربيه علي الانترنت لما فيه من حب واخلاص وكنت اتمني ان اكون ذو خبره في السيارات لاشارك في المنفعه

انا معايا لانوس 2010 عامله 80000 كيلموميتر لاني بسافر بها كتير للشغل وجننتني خلاص ومعنتش حاسس اني سايق عربيه

العربيه صوتها عالي جدا خصوصا اثناء الدواره صباحا عامله زي العربيه النقل بس لما بتسخن الصوت بيهدأ شويه
دائما احس بخشونه في الدواسات احسها في رجلي وانا ماشي علي الطريق
المشكله الكبري عندي ومحدش من الصنايعيه عرف يعمله هي ان العربيه بتعوم معايا بدايه من سرعه 90 ولو دخلت ال 100 افقد السيطره علي العربيه وتنيها تروح يمين وشمال مني والاقي الدريكسيون عمال يتحرك لوحده وتحس انه خفيف جدا جدا وبقي حلم حياتي اني اجيب ال 120

كمان بحس ان الهواء بيحرك العربيه وممكن ينقلني من حاره لحاره لو مش ماسك الدريكسيون جامد

وايضا العربيه بتتمرجح يمين وشمال بدرجه غبيه جدا اكنك راكب جمل

وفي الدورانات الحاده بحس ان العربيه بتلف علي سيفها بمعني انها بترقص بيا جامد ويا سلام لو الملف فيه اسفلت بارز الاقي نفسي بقيت في حته تانيه خالص

عملت ترصيص وزوايا3 مرات عند مراكز مختلفه ونهم مره في التوكيل(المفتريين) ومنهم ناس قلولي ان عايز اعمل زرجينه وانا مرضيتش
عملت كروس للكاوتش
علما بانني من فتره كنت لبست في رصيف عشان افادي شخص وجلبه المقص الشمال بوشت وغيرت المقص كله في التوكيل

تفتكروا ايه يكون سبب المشكله الرئيسي علشان محدش من الصنايعيه يشتغلني لانكم عارفين ده طبعا

وكمان لو حد يعرف حد امين يدلني عليه يكون قريب من شبرا او حتي في طريق العاشر من رمضان

وجزاكم الله عنا خير الجزاء

رد: الحقوني عشان العربيه هتجنني

بص يا باشا ايه اخبار المساعدين عندك و جلب المقصات و الاتياش شيك عليهم وشوف كده كمان لو فيه حاجه حصلت فى الشاسيه مكنتش العربيه حتظبط زوايا صح و بالنسبه لصوت الموتور شوف القواعد بتاعته ممكن تكون اتاثرت من الخبطه و كمان اعمل السريفيس بتاعك و شوف السيور ممكن تكون باظت انت بتقول انك ماشى 80000 كيلو و دول مش شويه على العفشه فى شوارعنا الجميله

رد: الحقوني عشان العربيه هتجنني

انا متشكر اوي يا استاذ Titos علي ردك الكريم وانا علي فكره عملت السرفيس في التوكيل ومغير كل السيور وشداد الكاتينه وقالولي انهم شيكوا علي قواعد الموتور
ومعنديش مشكله في جلب المقصات لان مفيش اي صوت خالص بيظهر فيها
مش عارف ليه حاسس ان الكاوتش او الجنوط ممكن يكون فيهم حاجه مش طبيعيه
علي العموم انا مستني اشوف ميكانيكي وعفشجي محترم اكشف علي العربيه عنده علشان انا خلاص زهقت بجد من العربيات

رد: الحقوني عشان العربيه هتجنني

السلام عليكم
لو بتحس ان العربيه هامله زي المركب كده ..بيكون السبب المساعدين الاماميه والخلفيه وجلب الشدادات الخلفيه وممكن البطاحات

رد: الحقوني عشان العربيه هتجنني

اقتباس:

علما بانني من فتره كنت لبست في رصيف عشان افادي شخص وجلبه المقص الشمال بوشت وغيرت المقص كله في التوكيل

حاول برضه تغير الفرده التى أصطمدت بالرصيف بالأستبن

جايز تكون الفرده دى إتلوحت