يارجالة, جبتلكوا صور لولا, عربيتى.
بما أن النهاردة أول يوم رمضان, ويوم بركة يعنى, أنا حبيت النهاردة أبوظ اليوم عليكوا وأوريكوا صور لولا, اللانوس الخارقة, بتعديلات "خاصة" لم يراها بشر, لو صايم أطفى الجهاز, ولو مش فارقة معاك وعايز تقضيها حزن خش وأتفرج.
العربية دى معايا بقالها حوالى 4 سنين, وبنكش فيها من حوالى ثلاث سنين ونص, وببوظ فيها من ساعة ماركبتها. ما شاء الله, ولا حول ولاقوة الا بالله, وحدووووووووووووووه. أستعدوا صورة فى الجراج:- http://img441.imageshack.us/img441/6574/image140w.jpg موتور الوحش ومواسير الصرف الصحى اللى الناس وخدانى تريقة بيها:- http://img409.imageshack.us/img409/7051/image150.jpg فلتر الهواء من تحت:- http://img152.imageshack.us/img152/2838/image151u.jpg بره الجراج (اللى على الحيطة ده ظل:)):- http://img152.imageshack.us/img152/7688/image152.jpg مدينة نصر:- http://img152.imageshack.us/img152/9896/image153f.jpg http://img152.imageshack.us/img152/3306/image154d.jpg http://img541.imageshack.us/img541/218/image164h.jpg من جوه (البقعة دى بيبسى, دماغك متروحش بعيد):- http://img823.imageshack.us/img823/2380/image161.jpg درش حبيب قلبى:- http://img405.imageshack.us/img405/9471/image159k.jpg التدوير على ركنة:- http://img405.imageshack.us/img405/5418/image158y.jpg خبطات لانهائية:- http://img201.imageshack.us/img201/1650/image149m.jpg http://img152.imageshack.us/img152/2181/image148t.jpg http://img441.imageshack.us/img441/3522/image147lr.jpg ومحدش يغره شكل العربية, العربية دى بتمشى جوه البلد الصبح على 100 و 120 وبتطير, و"تعديلاتى" عليها واضحة وزى الشمس أهه, ولو شفتها ماشية جنبك أو قدامك براحة بلاش تغلس على صاحبها "اللى هو أنا" علشان متبوظلوش الدماغ اللى عاملها وتلاقيه سابك وطار. نبذة عن لولا: العربية دى أنا بسوقها تقريبا بقالى 4 سنين, وعربية حمالة أسية بمعنى الكلمة (مش باين عليها) وعلمت نفسى السواقة عليها من النت ولوحدى, وكنت بنزل أتمشى بيها الصبح الساعة 5 الفجر فى روكسى والحدائق, ياه, أيام يا جدع. الخبطات اللى فى العربية دى كلها بتثبت المثل "محدش بيتعلم ببلاش" كل خبطة ليها ثمن ودرس أتعلمته منها, الخبطات اللى فى الشنطة من شجرة, الفانوس كسرته عربية نقل, الحكة اللى شالت الجريدات اللى فى الجنب من باب الجراج ( وما أدراك مالجراج). والعربية بصراحة لو عايز أظبطها هظبطها بس والله مكسل أروح أتذنب عند ميكانيكى أو سمكرى, وأنا مش محتاج منه غير أدواته (أنا اللى راشش الأكصدام اللى قدام, خبير ,صح؟) بس بجد يارجالة, أدعولى بقى , مش مهم تدعولى بأيه أدعولى وخلاص, وأحنا فى رمضان, بس أوعى حد يدعى عليا, وبلاش دعوات الردود, خليها فى سرك أحسن. وخصوصا الحاج كورسير, دعواتك يا ِشيخنا. |
رد: يارجالة, جبتلكوا صور لولا, عربيتى.
ههههههههههههههههههههههههه ههههههههه
ايه ده ايه ده ايه الحلاوه والجمال ده انتا متاكد ان البقعه ديه بيبسي هههههههههههههههههههه تتربي في عزك يا سكر وربنا يديك خيرها ويكفيك شرها ويسترها عليك وبعدين ليه بس حلقة الدراما اللي علي الصبح في اول يوم رمضان ده بدل ما تعملنا موضوع يفرحنا تعملنا موضوع ينكد علينا ههههههههههههههههههههه ولا يهمك انا دعتلك وكدا انا برأه |
رد: يارجالة, جبتلكوا صور لولا, عربيتى.
اللانوس ما تستاهلش منك كده
هيجيلك وقت تزهق من شكلها حافظ عليها عشان تحافظ عليك وربنا يباركلك فيها ويكفيك شرها |
رد: يارجالة, جبتلكوا صور لولا, عربيتى.
اقتباس:
اقتباس:
والحاجات دى نقط لصالح اللانوس مش ضدها, ماشاء الله يعنى عربية بتستحمل كل حاجة. وأنا لو عليا عايز أشدها, بس الحاجة تجهل تماما كل ما يتعلق بالسيارات وبتقولى مش هصلحها الا لما تقف أو وقت الفحص ومتعرفش حاجة عن الصيانة الوقائية, بس أنا معتنى بالموتور كويس قوى والشكل يتعمل فى أى وقت. وبصراحة وعن تجربة الحاجات اللى فيها دى بتاخد الحسد , الحمد لله من بعد شكلها بقى عامل كده معملتش ولا حادثة (الحمد لله) ولا حد أتكلم عنها كلمة حلوة, بس لسه ماشاء الله وحش. وشكرا يا بندارى باشا على ردك. |
رد: يارجالة, جبتلكوا صور لولا, عربيتى.
باين عليها عبق التااااااااااريخ
ربنا يكفيك شرها ويجيلك "x-zibit" بتاع " Pimp My Ride " و ترجعلك عروسة.... |
الساعة الآن 05:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017