|
ارجو الرد لمن لدية الخبرة بخصوص تيل الفرامل والطنبورة
السلام عليكم ورحمة الله انا معايا فيرنا كل حوالى 20 الف كيلو الفرامل تبدا ترعش مع الدوسة الخفيفة والقوية وطبعا لحد 100 كيلو تمام لكن بعد كدة لحد 120 الى 130 مثلا بترعش معايا بس مش بصورة خطيرة انما بتوصل لدرجة رعشة محسوسة جدا فى الدواسة وطبعا هتاثر على الدريكسيون المهم انا عارف المشكلة والحل بتاعها لانى عملتها قبل كدة مرة ودى التانية اهه الحل خرط الطنابير وعارف انها لازم تتخرط عند حد محترم وببطا بس السؤال هنا بقى انا لما خرطها الراجل قالى لازم تجيب تيل جديد جبت جديد من التوكيل لانى انا التيل بالذات بجيبة من التوكيل حوالى 380 والخرط حوالى 30 الى 40 سؤالى :انا معيش الوقتى مبلغ التيل والتيل الجديد بقالة حوالى 6000 كيلو يعنى لسة حلو وللعلم من التوكيل برضة فهل لو خرط وركبت القديم عادى ولا كدة هترجع الطنابير تتعوج وترعش تانى ولا اية ممكن حد ينصحنى ملحوظة:انا مبغسلش بمية باردة الطنابير وهى سخنة وبتفادى المية بتاعت المجارى خالص بس هى بتعمل كدة وانا متعايش معاها مش خنقانى من العربية انما اللى واجعنى انها كل ما تتخرط اغير تيل جديد وغالى ....... شكرا لكل من سيجاوب على سؤالى ..! |
رد: ارجو الرد لمن لدية الخبرة بخصوص تيل الفرامل والطنبورة
ممكن تجيب تيل فرامل مش اصلى وعلى فكرة انا جربت قبل كدة الاصلى من التوكيل والعادى والاتنين طلعوا بيعيشوا نفس العمر تقريبا او بفارق بسيط بنهم فممكن لما تعمل الطانبير تركب التيل العادى الجديد وخلاص والمشكلة هتتحل وانا من رأى الشخصى اسأل فى التوكيل على تمن الطنابير الجديدة بكام وهيكون دة افضل ليك |
رد: ارجو الرد لمن لدية الخبرة بخصوص تيل الفرامل والطنبورة
شكرا يا باشا على الرد بس انا جربت التيل اللى برة كتير جدا حوالى 4 مرات وكل مرة بصفر لحد ما يخلص كلة وبيسخن العجل جدا جدا جرب تحط ايدك فى الجنط هتلاقية مولع طبعا انا عارف انة بيسخن جدا ناتج الاحتكاك بس انا بقولك لما كنت بركب لتقليد كنت والله لو حطيت حتة بلاستيك كانت بتسيح على الجنط رغم انى العجل مش قافش بس انا هخرط واركب القديم لانى كدة كدة شهر 3 الجاى ان شاء الله هجيب طنبورة جديدة بدل المصرى اللى نازلة مع العربية
|
رد: ارجو الرد لمن لدية الخبرة بخصوص تيل الفرامل والطنبورة
ربنا معاك يا باشا وركب القديم عادى وصح الحل الافضل زى ما قولتلك وانت قولت انك تغير الطنابير دية |
رد: ارجو الرد لمن لدية الخبرة بخصوص تيل الفرامل والطنبورة
انا هقول لحضرتك حاجة هات تيل عادي ابو 90 جنية ومشي بية شوية
وعلي ام تكون عملت ليك قرشين غير التيل والطنابير من التوكيل وان شاء اللة مشكلتك هتتحل |
| الساعة الآن 09:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017