|
الكهربا ملخبطة فى التابلوه
السلام عليكم
العربية فجأه و بدون مقدمات لاقيت كل كهرباء التابلوه و العدادات إتجننت, كل العدادات تقريباً مش شغاله, نور التابلوه بينور لما بدوس فرامل مع إنى فاصل النور.و عداد الأر بى إم بيتجنن مع افرامل(بيفضل يتحرك لأخرة و يرجه للصفر بسرعه) آخر مرة كنت طالع كوبرى و فجأه لاقيت ريحة شياط و دخان من التابلوه طبعاً وقفت و بطلت العربية و بعدين سميت الله و دورت و كملت بس من ساعتها و أنا خايف من العربية. إيه المشكلة؟ الكهربائى بيسيب الأسلاك مش معزولة لحد ما تلمس و تعمل كده؟ |
رد: الكهربا ملخبطة فى التابلوه
اقتباس:
غالبا عندك ماس هو اللى عمل الشياط وملمس مع ارضى . |
رد: الكهربا ملخبطة فى التابلوه
أنا معملتش أى شغل فى الكهربا, كل إللى حصل إن الكاسيت كان بايظ و الراجل فكة علشان يصلحه و مازالت أسلاكة طالعة للخارج.
و مشكور عالمعلومة و سرعة الرد و ربنا يستر |
رد: الكهربا ملخبطة فى التابلوه
انا نفس الموضوع حصل معايا فجأة لقيت نور العربية كلة هبط والاربى ام وقف وبقى شغال مع تكتكة الانتظار يطلع وينزل مع التكتكة
والعدادات كلها وقفت وهيست فضلت ماشى وكملت مشوارى عادى و الموضوع اتظبط لوحدة وانا ماشى وصلت مشوارى وفتحت الكبوت وقعدت اشوف فى اية طلع ان كان فى سلك فانوس الاشارة كان مش معزول كويس وبيلمس فى سلك جنبة مش عارف بتاع اية والارضى كان عايز يتربط علية والبطارية ماكانش فيها مية خاااالص فبصراحة ماعرفش كان عيب اية بالظبط بس غالبا فى حالة حضرتك دة سلك ملمس خصوصا انك شميت ريحة شياط او ارضى مهرب نصيحة لوجة الله ما تكسلش وروح فى اقرب فرصة لكهربائى نضيف يشوفلك الموضوع دة عشان الغلطة فى الكهرباء بتزعل جامد لاقدر الله ربنا يسترها عليك وعلينا |
رد: الكهربا ملخبطة فى التابلوه
اقتباس:
بص حضرتك على السلوك بتاعة الكاسيت اللى طالعة لبرة دى فى اغلب العربيات بيبقى فى سلك اسود دة ارضى وسلك احمر واصفر دول كهربا شوف حضرتك دول لو مش معزولين كويس اعزلهم بنفسك كل سلكة لوحدها وسيبك من باقى السلك لأن باقى السلوك دى مخارج صوت وانتنة الراديو مالهمش تأثير ال 3 الوان دوول هما المهمين |
| الساعة الآن 10:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017