هل و انت بتلف ملف بتفضل فى حارتك و لا بترمى لجوه
 

طبعا المفروض و انت بتلف ملف تفضل فى حارتك
لان لو افترضنا ان الحارات كلها مليانة و الملف يمين مثلا
لو الى فى اقصى الشمال دخل الحارة الى يمينه و هو بيلف يبقى الى يمينه حيعمل زية
لغاية اخر واحد الى هو فى الحارة اليمين المفروض يعمل ايه ( يخش فى السور و يظهر فجاة من الناحية التانية فى الحارة الى فى اقصى الشمال زى لعبة SNAKE)
انا عارف انه موضوع اكثر الناس مش متعودين عليه و بالفطره بيرمى لجوة ( زى سواقين ال فورميلا 1 )
لكن على الاقل فى طريق جديد زى الحتت الى اتجددت على الصحراوى نحاول نعمل كده

انا مش حتكلم على الى بيمشوا فى حارتين واخدين الخطوط فى نص العربية ( ربنا يهديهم ) ممكن يكونوا فاكرين ده الصح

طبعا جوه البلد خطر تلتزم بحارتك لان الشوارع محتاجة اعادة تخطيط منطقى مش رسم على الارض و خلاص
دنا ساعات بشوف حارات بتضيق او تختفى فجاه فى رصيف ( يعنى دعوة من ادارة المرور لركوب الرصيف )

علشان كده انا بتكلم على الصحراوى الى اتجدد فيه حتت ( و معظم الطريق الدائرى )عقبال باقى شوارعنا

انا بتهيالى زى ما بنشوف فى MBC ACTION برامج مطاردات البوليس الامريكى لناس بيسوقوا بطريقة الشعب كله عندنا بيسوق بيها يعنى لو جابولنا بوليس امريكا حيجيلوا انهيار عصبى و حيقتل فينا او حيجروا ورا الى بيسوق زيهم علشان ينقذوه من الاخطار المحيطه به من كل جانب

انا اسف على اسلوب السخرية بس انا و الله بحب بلدى و نفسى نكون نستاهلها و انا عن نفسى بحاول اسوق بطريقة منطقية بقدر الامكان و بالتمس العذر للاخرين و اديهم فرصة ( بفضلهم على نفسى بما لا يعرضنى و الاخرين للخطر ) و نفسى الناس كلها تعمل كده

فى النهاية عايز احذر ان من ضمن اكثر الحاجات الى حتدخل الناس النار ( السواقة )

رد: هل و انت بتلف ملف بتفضل فى حارتك و لا بترمى لجوه
 

رد: هل و انت بتلف ملف بتفضل فى حارتك و لا بترمى لجوه
 

انا مقتنع ان يوم القيامة الواحد ( الا من رحم ربى ) حيلاقى الاف الناس هو ميعرفهمش ماسكين فيه كله عايز ياخد من حسناته لغاية ما تخلص و يدولوا من سيئاتهم
الناس ديه اتشتمت فى الشارع او اتزنق عليها او اضربت او اتهزات او اتبلى عليها او اتغلس عليها او اتريق عليها او اتكبر عليها و حاجات تانية كتير بقت روتينية فى طريقة تعاملنا مع بعض فى الشارع

انا ساعات احس انى لوحدى و الكون متمحور حولى و الناس التانية دى ديكور لزوم العيشة المهم انا و المفروض لما انزل اقابلهم فى الشارع الكل يوسعلى و يقدر ظروفى و يتكلم بشويش معايا محدش ظروفى زيى

طبعا لو انا كده ابقى فى كارثة

و ساعات احس ان الناس على شعره و حتاكل بعض فى الشارع زى افلام السعار ( الناس حتتسعر بسبب مرض مجهول و حيبتدو يعضو بعض ) ابتدت الاعراض تظهر بس احنا مش حاسين

رد: هل و انت بتلف ملف بتفضل فى حارتك و لا بترمى لجوه
 

رد: هل و انت بتلف ملف بتفضل فى حارتك و لا بترمى لجوه
 

انا مولود فى القاهرة و اتربيت فى بورسعيد و اتجوزت وعايش فى اسكندرية

سقت قبل كده فى امريكا ( رحلة عمل ) لمدة 4 شهور
و على فكرة كان ساعات بيبقى عندهم زحمة زينا بس نادرا لما حد يطلع من حارته